T-S 13J17.8

Begging letter from Fuḍayl, the brother of Abū l-Ḥasan, and from Abū Saʿd, to his relative Abū l-Khayr Ṣedaqa b. Ṣammūh b. Sasson requesting help for himself and another person. Fuḍayl asks Ṣedaqa to 'make the rounds' and collect some donations from other Jews. "You know how sick I am after having been a man as [strong as] as lion." The total amount asked for is very modest, only five or six dirhams, which might have been only a symbolic number. The letter starts with a biblical quotation (Proverbs 21:14). (Information from Mediterranean Society, V, pp. 358, 605)
Editor: Ed. S. D. Goitein, unpublished editions https://princetongenizalab.github.io/goitein-notes/5D.2.1%20-%2013J%20%2812-18%29/T-S%2013J17.8%20%28PGPID%203268%29.pdf.
Library: CUL
Type: Letter
Tags: illness letter 969-1517 sedaqa b. semah private petition illness
1  מתן בסתר יכפה אף וג לא יועיל הון ביום עברה
2  וצדקה תציל ממות
3  בשמ רחמ
4 חצרה מולאי אלשיך אלגליל אטאל אללה בקאה וכבת אעדאה וצאנה
5 ווקאה וחפצה וצאנה ומא אעלמך בה מא בעתת לך האדא אל
6 כתאב לא מן כתרה מא שד בי אלוגע אלדי תערף מן בעד מא כנת
7 רגל //מתל אלסבע// פהאדא אמר אללה לא חילה פי קצאה יתשוש פלמא עלמת
8 מנך אן תמשי פי אלזכות ופי אלתואב מן צגרך אלי כברך //והו אלדי געלני// [[אלדי]] // . . . . //
9 אבעתת לך האדא אלכתאב ואנא אסאלך אן תמשי לי במא
10 אתעודו מנך אצחאב אלתואב פלא תקטע ביא פאני אתכלת עלי
11 אללה ועליך ולולם(!) אעז //תכון// אלכלק ענדי מא אתעבתך במשי
12 לולא נעלם מנך באנך ואקף ללתואב ולמתלך מן יקאל
13 פאסאל אללה תבארך ותעאלא לא יחוגך אלא ללכאלק ולא
14 יבלי אחד בוגע ובתרכת אבוך אן תקלת עלי רוחך בשי אלא מא
15 כאן תמשי כמסה סת אלדראהם פלא עדמתך //אסל// אללה לאתר . . . .
16 [[וקאל]] ואבן עמך יכצך אלסלאם וקד וצל כתאבך וסרה עאפיתך
17 ומא אחתאג אוציך פי הדא אלאמר באני מיית באלקלה פתמשי לה
18 ענד אלאצדקא לה באנה אכתר תואב אן תעמלה קראת עליך אלסלאם
19 ועלי אמך אלסלאם וגמיע גמאעתכם אלסלאם ושיך אבו נצר אלסלאם
20 ועלי שבל וכלפה ואבו עלי יכוצוך אלסלאם והבה . . . .
21 יכצך אלסלאם פאני צאיע ותכץ אבו אלחסן אבן צאלח
22 באתם אלסלאם ולעל תסאלה ימשי מעך פי אלזכות ושלום
23 וצביאן אלסלאם ומעאני יקריכם גמיע אלסלאם
Verso at the bottom of the page. Address.
1 מן פציל אכו אבו אלחסן ומן אבו סעד הו שאכר
2 אלי אלשיך אבו אלכיר צדקה תפצלה צדקה בן צמוח
3 בן צמוח נע נע בן ששון אלי אלקאהרה
4  חמאהא אללה