Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 13J18.12
Editor: Ed. S. D. Goitein, unpublished editions https://princetongenizalab.github.io/goitein-notes/5D.2.1%20-%2013J%20%2812-18%29/T-S%2013J18.12%20%28PGPID%203271%29.pdf.
Library: CUL
Type: Letter
1 בשמ] רחמ
2 כתאבי אלי אלאך אלעזיז אטאל אללה בקאה ואדאם עזה ונעמאה
3 ומן חסן אלתופיק לא אכלאה וגמעני ואיאה עלי אסר חאל ואנעם
4 באל במנה וכרמה וכפי לטפה ואלדי תריד עלמה אנני עלי גמלה
5 אלכיר ואלעאפיה ומא אחתאג מן אל תעאלא אלא אלנצר אליכם
6 ואנא עתבאן עליכם כיף סירתמו לי כתאב באני סירת לכם עדה
7 כתב ואבלגכם תפצל אלשיך אלאגל אבו אלרביע ולד//אבו// אלשיך
8 ותעלמו ואלדה באנה פי עאפיה ושגלה בכיר ואנא איצא
9 שגלי נאפק גיד כתיר לאלנאס ענדי עדה מצאחף ואנא בנעמה
10 פי גסמי ולא תשגלי קלבך עליה אצלא אלבתה ופי קלבי מנך
11 מא אללה עאלם בה מן אלפצה אלדי לנ . . . . . פאשתהי תסיר
12 תעלמני מן כל בד איש אסיר לך עוצהא אן ארדתי
13 כרקה תערפני איש יכון טרחהא ופי ניתי אסיר לכם
14 מלחפה [[שרא]] תביעיהא פאן סירת לכם כרקה לשלום(?) ואלא
15 כדי מנהא סתה דראהם נקרה וסירי לי אלפאצל ואדא
16 סירתהא ערפתכם תמנהא ולא תסאלי מא עלי קלבי מן
17 גהתך מע . . . . . פאללה תעאלא יכלצך מנהא עלי כיר ועאפ[יה
1 ותסלמו לי עלי אלשיך אבו נצר א . . . כם // כתיר כתיר // ואהל ביתה
2 ועלי אבו גמאל ואהל ביתה ועלי כאלתי סת אלפצל
3 שלום
1 الى محروسة مصر الى المصاصة يسلم لابو المنا اليهودي
2 يسلم لبو علي ابن اخوه امانة مودة
1 אלמצאצה יסלם [לאבו אלמנא] אלשראבי יסלמה לבו עלי
2 [אבן אכו]ה אמאנה מודה
1 [[יום מע . . . . . . מ . ל . . . . . . ]]