Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 13J21.27
Editor: Ed. S. D. Goitein, unpublished editions. With minor emendations by Alan Elbaum (2020) https://princetongenizalab.github.io/goitein-notes/5D.2.2%20-%2013J%20%2819-24%29_%20pt%201/T-S%2013J21.27%20%28PGPID%203336%29.pdf.
Library: CUL
Type: Letter
1 אכיהא הלאל פדאה
2 בש רח
3 לא אוחש אללה מן גלאל חצרה אלאך אלשקיק ואלרכן
4 אלותיק אלשיך אבו אלמגד אטאל אללה בקאה וגמעני
5 ואיאה עלי אסר חאל במנה ואלקאדר עליה אן שא אללה
6 וגיר דלך אנני כרגת מן ענדך וצלת אלי
7 אלמניה תם רמאני צאחב אלמרכב עלי מניה
8 אלסירג תם עדת אלי אלמקס וקאסית שדה תם רכבת
9 פי מרכב אכר ואשרפת עלי אלגרק דפוע אלי
10 אן יסר אללה באלסלאמה בעד אן אקמת פי אלטריק
11 ז׳ איאם וקד סיירת לך סתה אמשאט וסתה מראדן
12 ווגהי מסתחי מנך אללה יעינני עלי מכאפאתך
13 ואלועד אלדי אועדת בה אלצגירה סיצל ען קרב ואמא
14 אלאן פאני צאיקת ואנא אחרץ פיהא ולו אנני אתדאין
15 תמנהא ותסלם לי עלי אלשיך אבו אלטאהר צהרך
16 ואלסלאם עליך ועלי גמיע צגארך ועלי סלפך אלסלאם
17 וכבירנא וצגירנא יסלמון עליך ואדפע לבנתך
18 אלכבירה מן האולאי משטין ומרדנין והם צחבה
19 חאמלה אלשיך אבו אלחסן בן נפיע ואלסלאם
20 ג טבת קעה וסלם לי עלי רבקה ואיצא סת מסעוד