Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 13J22.34
Editor: Ed. S. D. Goitein, unpublished editions. With emendations by Alan Elbaum (2020) https://princetongenizalab.github.io/goitein-notes/5D.2.2%20-%2013J%20%2819-24%29_%20pt%202/T-S%2013J22.34%20%28PGPID%203347%29.pdf.
Library: CUL
Type: Letter
1 כי בך ארוץ ולדה שלמה געל פדאה
2 גדוד
3 אלממלוך יקבל אלארץ טאיעא ללה אמאם אלמולא
4 אלואלד אדאם אללה סעאדתה ובלגה דניאה וא . . . ה
5 אראדתה וינהי כתרה אלשוק אליה ואלי אלואלדה
6 אלעזיזה ואלצגאר צאנהם אללה תע וסואה אנני
7 וצלת אלי קליוב באלסלאמה ואלעאפיה ותפצלו
8 אלגמאעה ואכדו אללחם(?) ותגנבו מן סערה אלגאל
9 פאשתהי מן אלתפצל אן תקול ללשיך אבו אלמעאלי
10 בן אלדיאן שצ יעמל סיר אלתפלץ אלדי ענד
11 ר אברהם אלמלמד שצ ומהמא רסם מן
12 חק עמלה ערפני בתפצלה וסייר
13 נצף דרהם חריר כמרי מקלד לכיאטה
14 אלברכה ואלאשיאף סנבל וכולאן ואצפר
15 אלאכר אלרמד מן אלמשמיע שצ ויכונו
16 אשיאף צ.או ברסם אלתפרקה ותעגל
17 סמחון שצ פי כיאטה אלתובה אלקמאן לאן
18 אבו זכרי מחתאג להם כתיר ותסייר פצה
19 אם בנין תסעה דראהם תמן אלק . . .
20 ואלטאגן וכמס דראהם ענד אבו אלעלא
21 אבן אלנשאדרי תסיירהם מע רקעה וסיירני
22 אלקיום(?) בחסאב אלמבלג אלדי להא שלום
23 ואבו זכרי פי אלעאפיה ושלום
1 אלי הדרת יקרת צפירת תפארת מר[נו
2 ורבנו אליה הדיין והמופלא בית דין הג[דול
1 الى مصر يسلم للمولا الاجل الديان ابو الفرج . . . .
2 . . . . صانهم الله امانة . . . .