Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 13J25.18
Editor: Ed. Moshe Gil, In the Kingdom of Ishmael (in Hebrew) (1997), vol. 2; also ed. S. D. Goitein, unpublished editions https://princetongenizalab.github.io/goitein-notes/5D.1.2%2013J25-37_%20pt%201/T-S%2013J25.18%20%28PGPID%203376%29.pdf.
Library: CUL
Type: Letter
Translation:
1 בסם אללה אלרחמן אלרחים
2 כתאבי אטאל אללה בקא סאדאתי אלמשאיך אלפצלא ואדאם תאיידהם וסעאדתהם וריאסתהם
3 מן אלאהואז יום אלגמעה אלתאני עשר מן אלמחרם סנה סבע ועשר וא/ר/בע מאיה ען סלאמה ללה
4 אלחמד ואלשכר : ואללה יעלם שדה שוקי אליהם אדאם אללה תאידהם ואסל אללה תעאלי אלאגתמא[ע
5 בבנין קדסה: וצל כתאבהם אדאם אללה תאידהם ווקפת עליה וסרני סלאמ[תהם] וחמדת אללה
6 תעאלי עלי דלך: וערפת מא תפצלו באנפאד הדה אלרוזמה וארגו אן יצל(!) בעון אללה וחסן תופיקה
7 פאחסן אללה גזאהם וקד כתרת (!) אנבסאטי אליהם אדאם אללה תאידהם וליכן ליס אנא גריב
8 מנהם: וקד חמלת עלי ידי סאדאתי אלמשאיך בני זכריא אדאם אללה עזהם ארבע תכות
9 מנהא תכתין מוכרזאת פי כל ואחד עשרה אתיאב ואלג תכת פיהא דסת כמאל זראוי
10 ואלד תכת ארבע ראדאת מודהב מורתפע וסאדאתי אדאם אללה תאידהם אערף בהא
11 מני : ואיצא מוגלדה הם עלי ידהם אעני בני זכריא יחים אל פיהם תוב כז צאחבי מודהב
12 [[. . .]]וכסי כז מודהב מורתפע צאחבי אבריסמי וארגו אן יצל אליהם אדאם אללה תאידהם
13 בסלאמה בעון אללה וחסן תופיקה ואדא וצל ידברונה חסב מא ירון אלוגה פיה ויבתעון פיה
14 שי חסב מא ירון אלוגה: ושגל קלבי בתגריק אלרוזמה ותדברוני חסב מא תרון אלוגה פיה פאן
15 מאלי ומאלהם שי ואחד וכל מא וצל אליי הו מן כיסהם וקד כתבתם אליי [. .]. . . אלחאנותין פמא
16 בקי לי פי הדא אלבאב רם: ואנא אעלם אן הדא וגירה הו לכם וליס לשיך אבי טייב אדאם אללה עזה
17 פיה שי לא פי הדא ולא פי גירה וליכן ראית אן וקע עליה סער לא קדר לה וכאן בעץ אלנאס
18 טמעו עלי אן יאכדונה בתלך אלקדר ואנא קלת לרסול אן הדא לאבי טייב יחיהו אל להדה(!) אלסבב
19 ולאן לו עלמת אן יתקל עליהם אדאם אללה תאידהם מא כונת אקול וליכן מן אלשפקה קד קלת חתי
20 לא ימר בה בהדא וארגו אן יסהל אללה תעאלי וירד הדא אלרסול פאנא אקף מעה בנפסי חתי יסהל
21 אללה תעאלי ויבאע חסב מא יסהל אללה גל ותעאלא: וכאן קבל הדא סאלתהם אדאם אללה תאידהם פי
22 כתאב עלי אן יתפצלאן ויבתעאן שי מן אלכסוה לעבדהם שי לכרמהם אבקאהם אללה והדא
23 שרחה תוב דביקי מועלם מורתפע וסרפיג דביקי מא יכון טולה ארבעין דראע בטראחין מוקרן
24 דיקאק בסקאניף מליחה ואיזאר דיביקי מורתפע יכון .ר. . . . . . . . . עשר תקלה אחדא עשר
25 פי אחדי עשר וכאן אנפד אלי מן חצרתה וכאן [[. . . .]] פי קפיעתה תוב
1 ואיצא ג דסות קצב אחדהא פסתקי ואלב מופורי ואלג כלוקי ויכון אלמקאנע כבאר
2 ואיצא מקנעה סומאקי וסרפיג סוסני ומנדיל דביקי [[ומשפ]]ומשפה ואסאלה לא
3 יקטע כתבה [[ם]] עני מצמן באכבאר סלאמתהם וחואיגהם לאקום בה(!) חסב אלואגב אן שא אללה
1 סאדי אלמצאלח אלפצלא אבו אלפצל ואבו יעקוב עבדהם אפראים בן סעיד צאלח בן אפראים
2 ואבו סהל סהל יוסף ואבו סהל בני אסראיל בן הדר