T-S 16.196

Recto/verso: verso
Draft, in the hand of the scribe Hillel b. Eli, of an addition to the last will of the parnas Eli ha-Kohen b. Yahya (documents signed by him 1057-1107). In his previous will, drawn up by the Andalusian judge Yiṣḥaq b. Shemuel (see Mediterranean Society, II, p. 512 section 13) Eli had mentioned that one of his partners, Abu al-Muna Tiqwa b. 'Amram from Ascalon (see Mediterranean Society, V, pp. 212-214, 566, 567), owed him forty-eight dinars. The next day the witnesses reported that the partner had testified that Eli had withdrawn about six dinars, whereupon Eli asked them to include a declaration that he had been under the impression that the sum withdrawn had been profit made leaving the forty-eight dinars Eli had invested in the partnership intact. (Information from Mediterranean Society, V, pp. 134, 212-214, 542)
Library: CUL
Type: Legal document
Tags: draft hillel b. eli
Part of join:
T-S 12.9 + T-S 16.196
1 ויסאמחה בפצלה מן זעם אנה קד גרי עליה מנה מא קד גרי פלה מן
2 אלחקוק //עליכם// מא לא יכפא ענכם ואנה קאל יתעלה ויתברך נושא עון ועובר על פשע
3 ונחן נעלם אן נושא עון הו עובר על פשע יתעלה ויתברך ואנמא תפסיר דלך
4 אנה מן גמלה סירה אחכמיה אלגלילה אנה מן שאנה אן יצפח ויסאמח ומן
5 עאדתה אלצפח ואלמסאמחה פינבגי לכם ברוכים תהיו אן תכרמוה ותגברו
6 צדעה פמא יכפא ען פצלא מתלכם מא קד תצעצע מן חאלה ובורא הכל
7 יגלגל על ידיכם כל מדות טובות ויגן בעדכם ויספיק על ידיכם לעש
8 רצונו ושלומכם יגדל
9 שהדותא וג דכלנא עלי מר ור עלי הכהן הפרנס הנאמן רצוי הישיבה
10 בר מר ור יחיי הממחה נע מפתקדין לה פאלפינאה מלקא עלי
11 פראשה ועקלה צחיח וחסה חאצר //תאבת אלגנאן// ולסאנה וכלאמה מסתקימאן
12 פי פמה עארף במא יאכד ויעטי כסאיר אלנאס אלמתצרפין
13 עלי ארגלהם פי אלאסואק וערף כל מנא מערפה צחיחה
14 באסמה ושכצה ונסבה וסאלנאה ען אלזמאן ואלאואן פאגאב ען
15 כל שי בחקיקתה ווצא אלינא מחמת מיתותיה וקאל לנא כנת
16 פי אמס יומנא הדא קד דכל אליי כגק מרנו ורבנו יצחק הדיין
17 בית דין הגון בר כגק מרור שמואל נע ואוצית ואמלית עלי מא
18 לי ומא יפעל פי חאלי בעד ופאתי וכתב דלך בכטה ושהדו
19 עלי במא קלתה ולפטת בה [[וגמהור]] ובאלגמלה אנא אקול
20 לכם אן גמהור אלמוגוד לי עינא ענד אלשיך אבי אלמנא מר ור
21 תקוה בר מר ור עמרם אלעסקלאני סט מח דינ ואריד מנכם
22 תשהדו עלי פי אלוציה אלדי הי מתבותה ענד אלדיאן פקלנא
23 לה אנא קד אג . . . פ . . . . ל . . ך . ת . אלמ . . . ל . תקוה דנן וגרי
24 ביננא כלאמאת כתירה וגרי מא יכתץ בך פקאל לה ענדי מח
25 דינ קד אסתגה מנה בתקדיר סתה דנא ובקי לה ענדי מב דינ
26 פקאל לנא מר ור עלי הכהן הפרנס דנן אלאמר עלי מא דכר
27 לכן הדא אלדי אכדתה אעתקדת אנה מן פאידה פקלנא [ל]ה
28 אנתמא גמיעא מרצא ומא תריד מנא יכון וחשמנאה פי
29 דלך פקאל לנא מר ור עלי הכהן הפרנס הנאמן וג
Bottom margin, straight lines written upside down.
1 אלדי תא . . . א וגדת ענדהא [ . . . . . . . . . . . . . . . . . . . . .
2  יתוגה עליהא פי אלמט . . . [ . . . . . . . . . . . . . . . . . . . .
3 . . . . . ואזאלה . . . . . . . ן //וכמ . . [// א . [ . . . . . . . . . . . . . . . . . . . .
4 . . . . . . עד עוד ולס . . לי . . . . [ . . . . . . . . . . . . . . . . . . .
5 . . . . לא . . . . . . . . . . . אתהא . [ . . . . . . . . . . . . . . . . . . .
6 . . . . . . . . . מן . . . . . ע[ . . . . . . . . . . . . . . . . . . . . . . .
7 דרך יודעהא פירמי הדא אלתראב מן קבלה או מן קבל וראתה
8 בעדה [[פדפעת לה אלסבעה דנא למקרב ד . . . . . . ה . . ]]
9 קאל לנא אלשיך אבי אלסרור דנן אשהדו עלי ואקנו מני מעכשו
10 ואכתבו ואכתמו עלי בגמיע אלאלפאט אלמחכמה ואלמעאני
11 אלמוכדה וג