Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 18J1.11
Editor: Ed. Norman Golb, "Legal Documents from the Cairo Genizah," Jewish Social Studies 20, no. 1 (1958); also ed. S. D. Goitein, unpublished editions https://princetongenizalab.github.io/goitein-notes/5D.1.3%20-%2018J%20%281-4%29/T-S%2018J1.11%20%28PGPID%203498%29.pdf.
Library: CUL
Type: Legal document
1 יקול מן יתבת כטה פי אכר הדא אלמחצר
2 אנה חאצר ביום שבת בכניסת הבבליים
3 דהוא עשרין וחמשה יומין בירח כסלו
4 דשנת אלפא ותלת מאה ותשעין ותלת שנין
5 למנינא דרגיליננא ביה בפסטאט מצרים
6 דעל נילוס נהרא מותבה וחצר מענא
7 מ יהודה ביר חיים נע ותכלם בעץ אל
8 חאצרין ללממחה מ יוסף ביר אלעזר נע
9 אחרם זכרי צהר אלמכני אבי אלכיר הגר
10 וצהרה אבי אלכיר ולם ילפט פי דלך יהודה
11 דנן ולא קאל אחרם ולא לא תחרם כל
12 כאן ממסך פי גמיע מא גרי ממא יתעלק
13 באלחרם פלמא כאן ענד אנצראף אלנאס
14 מן בית הכנסת דכל אבי אלכיר דנן מן אל
15 טריק אלי אלהיכל ואכרג ספר תורה ואחרם
16 כל מן אחרמה בגיר חק וכרג מן אלכניס
17 ואן יהודה דנן תכלם מע אלמכני אבי אלפצל
18 בן מכר פי אלטריק מן גיר ותוב עליה
19 בצרב ואן קאל לאבי אלכיר דנן אנת לם
20 יכן לך פי אלחרם שי לאי עלה אחרמת
21 אליהוד ולם ימד ידה אליה ואן לילה אלאחד
22 אלתי הי לילה כו מן כסליו נזלה אלרקאצין
23 מן אלקאהרה ואכדת יהודה דנן מע גירה
24 ובאח
25 באתו פי אלשרטה פלמא כאן יום אלאחד גדה
26 טלע בה מע גירה ללקאהרה וכאד אן תהלך
27 מהגהם וצרבו אלצרב אלעטים באלקאהרה
28 ובמצר עלי אבואב אלכנאיס ובקי פי אל
29 אעתקאל ואלעקאב ואלהואן איאם ואכד
30 מן יהודה דנן אתנין וכמסין דינא מנהא
31 צרה מכתומה ענד אלצירפי אלמערוף
32 באלכימיין כמסין דינר ולרגאלה ולשרטה
33 דינרין וסאלנא יהודה בן חיים דנן אן נכתב
34 לה אלדי חצרנאה ואלדי עלמנאה משהור
35 מערוף פכתבנא לה דלך ליכון בידה
36 לליום ולמא בעדה וכתבנא וחתמנא
37 בשבה דהוא יומין בירח
38 טבת דשנת אלפא ותלת מאה ותשעין ותלת שנין