Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 18J1.24
Editor: Ed. S. D. Goitein, unpublished editions https://princetongenizalab.github.io/goitein-notes/5D.1.3%20-%2018J%20%281-4%29/T-S%2018J1.24%20%28PGPID%203512%29.pdf.
Library: CUL
Type: Legal document
1 נקול נחן אלשהוד אלואצעין כטוטנא אכר הדא אלמסטור אן למא כאן יום אלסבת
2 פי אלעשר אלאוסט מחדש אייר שנת אתסז לשטרות דכלנא אפתקדנא אלשיך
3 אבו אלמרגא סאלם אלחלבי אלצבאג יחיש רפואתו פוגדנאה מלקי עלי פראשה
4 כל דהנה חאצר כסאיר אלמעאפין עארף באלוקת ואלזמאן ובשכץ כל מנא
5 פאלתפת אליה אחד אלחאצרין עלי וכיל אלנצח וקאל לה אן מן אלואגב אן תוצי
6 כחצרה אלגמאעה במא לך ומא עליך ותכלץ תרכתך מן אלשגב פקאל
7 אנני מעול עלי הדא אללילה ענד כרוג אלסבת פכאן חאצרא אלשיך אבו אלעלא
8 מר ור אפרים בר מר ור יפת הפרנס הנאמן ראש הפרנסים נע פקאל ללשיך
9 אבו אלמרגא אלמדכור בחצרתנא אנה תעלם אלדי לי ענדך ורבמא לא אקדר
10 אגי אלי ענדך אללילה פארדי מנך אן תקר באלדי לי בין די אלחאצרין ותרצי לי בה
11 בחצורי ליסמאן קלבי פקאל לה נעם יא שיך אבו אלעלא לך ענדי סחה עשר דינ
12 וארבעה עשר קיראט דפעה לך פי גמעתין דינאר בקי לך ענדי כמסה עשר
13 דינאר וארבעה עשר קיראט אן עשת פאנא כל גמעה אדפע לך נצף דינר אלי אן תסתופיה
14 ואן קצי עליי באלמחתום פאנת תנתצף עלי אחסן קציה ואלתפת אלינא סאלם
15 אלמדכור וכרר אלאמר עלינא מראר כאקרארה בין ידינא לנחפט דלך ענה עלי
16 סביל אלוציה וענד מא קאל לנא דלך אלתפת ולדה אבו אלכיר וקאל ללשיך
17 אבו אלעלא אלמדכור לא תשגל קלבך הדא אלמבלג ענדי לך ולו כאן אצעאפה
18 ואשהדנא עליה באעתראפה ענדנא אן קד צאר הדא אלמבלג עליה ללשיך
19 אבו אלעלא דנן אן קצי עלי ואלדה באלמחתום ומה עלמנאה מן דלך קיידנאה