Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 18J1.5
Editor: Ed. Moshe Gil, In the Kingdom of Ishmael (in Hebrew) (1997), vol. 2; also ed. S. D. Goitein, unpublished editions https://princetongenizalab.github.io/goitein-notes/5D.1.3%20-%2018J%20%281-4%29/T-S%2018J1.5%20%28PGPID%203522%29.pdf.
Library: CUL
Type: Letter
1 מצמנה אכבארה וחאגאתה ומהמאתה ואן יגריני פי דלך עלי גמיל עאדתה
2 ומא ישבה פצלה ולא יקטעהא עני וידכר מא וצל אליה ומא לם יצל ומא ירידה
3 מן אלכתב פמא יתעדר עליי בתפצל אללה שי ממא ילתמסה ולא אוכרה ענה
4 בעון אללה וחסן תופיקה ויגיני עלי סואלף איאדיה פי אלמעאונה ואלמעאצדה
5 במא ינטם חאלי ויעוד בנפעי ודפע אדיה אלאעדא עני במא הו אערף בה
6 ואהדי אליה פקד וחיותה ושבועת שמים תוטית בכל וגה ימכן ויקדר מתלי
7 עלי פעלה פי אלאסתצלאח ואלאסתעטאף ואלמקארבה ואלמסאהלה עלי מא
8 אשאר בה מנד שנים וארשד אליה ואסתצובת ראיה וסלכת דלך בכל גהד
9 ואלאכלאק כמא יערף ועלי אנה קד לאנת אלקצה ושרע אלשיוך פי אלאצלאח ואלתאליף
10 והודא יקע תמריץ ומדאפעאת ואללה יכתאר לנא מא פיה אלכירה וידברנא בחסן
11 תדבירה ויזרע לנא אלשלום וישיב לב אבות על בנים לנו ולכל עמו כהבטחתו
12 פאן ראי סידי ואור עינינו אלוף האדיר אטאל אללה בקאה אן ימן במא סאלת ואן יואצלנא
13 בכתבה ולא יקטעהא ענא פעלמת טולא אן שא אללה ושלום אדירנו ירב
14 מרחשון שנת שלד ברית שלום