T-S 18J2.5

Incomplete legal document in the hand of Hillel b. Eli (1066-1108). The cantor Ghalib b. Ḥalfon al-Zayyat claims that his sister Barra was given by their father only the upper floor of the small house adjunct to the brother's own, whereas she had laid her hands on the whole house. (Information from Mediterranean Society, III, 437)
Editor: Ed. and trans. Oded Zinger, "Jewish Women in Muslim Legal Venues," in Language, Gender and Law in the Judaeo-Islamic Milieu (2020). Awaiting digitization; also ed. S. D. Goitein, unpublished editions https://princetongenizalab.github.io/goitein-notes/5D.1.3%20-%2018J%20%281-4%29/T-S%2018J2.5%20%28PGPID%203528%29.pdf.
Library: CUL
Type: Legal document
1 שהדותא דהות באנפנא אנן שהדי דחתמות ידנא לתחתא כן הוה
2 כאן מ גאלב החזן המכונה אבו מנצור בר מ חלפון אלזיאת נע תשאגר
3 מע אכתה לאביה ואמה בארה בת מ חלפון אלזיאת נע פי דאר זעמת
4 בארה דא אן אביהא געלהא להא ארתא דון אכיהא מ גאלב דנן ולם
5 יתבת להא חקא פי אלדאר אלדין תשאגרא עליהא גיר אלטבקה אלפוקאניה
6 מן אלדאר //אלצגירה// אד כאן אחצרת קדימא אלא בית דין בבט //שטר// אדוננו דויד
7 הנשיא הגדול נשיא כל ישראל בן אדוננו ונשיאנו יחיזקיהו ראש גליות
8 כל ישראל מנוחתם כבוד יקתצי אן מ חלפון אביה והבה להא אלטבקה
9 אלפוקאניה מן אלדאר אלצגירה ואחצרת אלי בית דין כתאב מכתתב
10 בנימוסי הגויים יקתצי אן אביהא צדק עליהא גמיע אלדאר אלמקדם
11 דכרהא ולם יתבת להא יומיד פקאל אכיהא הדא אלכתאב מזור
12 ולם יתבת להא לא בדיני ישראל ולא בנימוסי הגויים בדלך אלכתאב
13 חק וגרי בינהמא כצאים ומקאולאת אפצת אלחאל בינהמא אלי
14 כרגת בה אלי משפטי הגוים ואסתוגבת אלחרם מן בית דין עלי
15 תעדיהא ואכרגתהא לאכיהא אלי דיני גויים ועדולהא ען משפטי
16 אלהים חיים פלמא אשרפת עלי אלחרם אנתדב מן זקני יושר אוהבי
17 שלום אלשיך אבי עלי מר ור יפת הזקן תפארת הקהל בר מרור
18 אברהם הזקן נע וסאל בית דין אן ימהל עליהא אלי אן יגתמע בי[הא
19 ובאכיהא ענדה פי דארה ויתוסט בינהמא פחצרנא נחן אלכ[אתמין
20 לתחתא פי דאר אלשיך אבי עלי אלמדכור וחצר מ גאלב ואכתה.[.
21 מכאטבתהמא אלשיך אלמדכור וארדאע בארה דא וקיל לי [. .
22 מא צח לך סוא אלטבקה אלפוקאניה באלכתאב אלעבראני ו[כתאב
23 אלגויים לם יצח לך בה שי והי תגאלט ותקול לא בל קד אעטאני
24 ואלדי הדה אלדאר והי לי פקאל להא אלשיך אבי עלי אלמדכור
25 פאלדאר אלאכרי אלכבירה אלתי הי לזיקה הדה אלדאר לך פיהא
26 שי תדעי אן ואלדך אעטאך איאהא איצא פקאלת לא מא לי פי
27 אלדאר אלאכרי חק גמלה בוגה ולא סבב פרפקנא בהא אן
28 תאכד מא געלה אללה להא טלק ותתכלא ען [אלדאר. . . . . .
29 בחק פתאבת ולם תקבל ומה דהוה קדמנא כתבנא וחתמנא
30 ויהבנא למ גאלב החזן דנן דליהוי בידיה לזכו ולראיה וכאן דלך
31 מד ימין טויל ולמא