T-S 18J3.19

Recto/verso: recto and verso
Letter, detailed, sent from Tripolitania, Libya, by a man to his brother who had settled many years before in Alexandria. Dated August 1089. (Information from Goitein's index cards)
Editor: Ed. S. D. Goitein, unpublished editions https://princetongenizalab.github.io/goitein-notes/5D.1.3%20-%2018J%20%281-4%29/T-S%2018J3.19_1%20%28PGPID%203533%29.pdf; also ed. S. D. Goitein, unpublished editions https://princetongenizalab.github.io/goitein-notes/5D.1.3%20-%2018J%20%281-4%29/T-S%2018J3.19_2%20%28PGPID%203533%29.pdf.
Library: CUL
Type: Letter
Tags: personal
1 אלי אכי וסיידי ורייסי וגלילי ואתירי אטאל אללה פי
2 ב]אלכיר בקאה ואדאם איאם סלאמתה וכאן לה
3 . . . . . ו]לי ונאצר פי גמיע אמורה תקדם
4 כתאבך א]לי אעז אלכתב ואשרפהא והי
5 ענדי מתל רויה וגהך אלשריפה(!) אללה תעאלי
6 יגמע ביננא ובינך עלי אפצל אלאחואל
7 ואנת לאים לי פי אלמכאתבה ואנת פי
8 הוארא וכננא יאכי קריבין מן בעצנא
9 בעץ וכאנת אכבארנא ענדך ואכבארך
10 ענדנא וקד וצלו אלחוגאג וערפוני אנך
11 כנת בכיר פי סכנדריה ואנך תולעת מן
12 סכנד]ריה אלי מצר וגאני אלכתאב ביד עתיק
13 אבן פצל ווצל אלי במא אשתהי ודכר לי
14 מא אנת פיה מן אלכיר אללה יזידך ויסמענא
15 כיר ואן דכרת פי כתאבך ען פתיאנך חרסהם
16 אללה אברהם וצלחון אנהם חפטו אלתורה ואל
17 כט ערבי ועבראני ללה אלחמד עלי דלך
18 אללה יגעל פיהם אלכלף ואלעוץ כקול אל
19 כתאב תחת אבותיך יהיו בניך וגו וקד
20 בלגני אנך תזוגת אבנאתך אלואחדה
21 דכלת ואל אכרא פי אשגאלהא אללה יתבתהם
22 כקול אלכתאב כרחל וכלאה אשר בנו
23 שתיהם אל(!) בית ישראל וגו ולא תאכדו עלי
24 פי אנקטאע אלמכאתבה אן מן בעדכם
25 עני מא נערף לכם מסתקר אלא בוצול כתאבך
26 יאכי אלכתוב אלדי אשתרית ביהום מלאך
27 אלמזדוי אן כונת אסתודעתהם פי אטראבלס
28 תכתב לי ביהום ואן כאנו ענדך תוגהם(!)
29 ואנא בכיר פי אפצל חאל כמא תריד ואכתר
30 ולא עדמת מן אללה גיר אלנצר אלי וגהך ואנא
31 אבו עמראן יא עמי תכתץ מני באפצל אלסלאם
32 ואעלאה וכתאבי אליך האדא בכטי ונבאת אכי
33 פי אלכניסיה עמרה יג סנה ומרים פי ביתהא והי
right margin, diagonal, at 45’ to main text, upside down
 מתזוגא(!) לברכה | בן שלמה אלגארי | ואסת מתזוגא(!) אלי | צדקה בן אלעזר בן |
 פראח ואכתי | כלפת בעד | א[ברה]ים בן חכים | יוסף אלכהן | ורזקת מנה | צבי ואן אם מנא |
 אלסת והי עלי | דכול ביתהא | ואריס בנתהא | . . משה בן [ . . | . . .]. . | . . . . . . . .] | יוס[ף . . . . |
 ובו זכר[י . . . | ויעקוב [. . . | פי קפצא וקד | מאתת מרת | יעקב וכלף | . . .]נא
top margin, diagonal, upside down, at 45’ to main text
 ענדהא [. . . | וכאלתי פי אלחיא | תבלגך אלסלאם | והי תחת פגעה |
 מן עדמהא | לולדהא ואן | מא תנשרח | קליל לרויתי | . . . . ואפתכאר | בנת כאלתי | תקריך
 אפצל | אלסלאם
verso
1 ואנחן פי כל נעמה מא עדמנא מן אללה גיר אנצר אליכם
2 אללה יגמע ביננא ובינך קבל פראק אלדוניא וכן יהי רצון
3 מלפני שוכן מעלה ואנחן פי אמאן אן עצים כתיר ומא
4 ענדנא באס ואלסלאם עליך ובן עמתי מכלוף יקריך אל
5 סלאם ובו זכרי בן יונס יקריך אלסלאם ויונס בן עמי ואבא
6 יוסף בכיר עאפיה ואלדיין רבנא שמואל בכיר פי עאפיה
7 וקד וצל כתאבך ולם תדכר לי פיה אחואל סתהם אן סת אלרגא
8 כתירה אלסואל ענהא אללה יגמע ביננא אגמעין וכץ נפסך
9 אלשריפה אפצל אלסלאם ופתיאנך חרסהם אללה אפצל אלסל
10 ואלכתב אן כאן הי ענך(!) או פי טראבלס(!) תכאתבני במא
11 הו ושלומכם קטון וגדול יגדל לעדי עד ולנצח נצחים
12 וכתאבי אליך פי עשרה כלון מן אלול סנת(!) תתמט לעולם
bottom of the page, straight line
 ואלדי יקעו פי ידה יוגהם אלי מצר באמ.ן ה
  שמים
  באל.תו.ר
address, straight lines, at 90’ to main text
 אלי אכי ומולאי אבו עלי אטאל אללה מן אכיה [
 בקאה ואדאם סלאמתה
 . .פ.[.]. .[. .]. . . חמ. .ם ומע[
 . . . . .מ. . . . ונ. . . נ.[
 . . . . . . . . . צלחון זל