T-S 20.174

Recto/verso: recto and verso
Shelomo b. Eliyyahu writes to a relative (his father-in-law Abū l-Faraj?) complaining about the behavior of Abū l-Barakāt (Sitt Ghazāl’s paternal uncle and Shelomo’s first cousin), who sent a letter to Abū l-Faḍl b. ‘Atā’ b. Ḥasan inquiring about Shelomo's mistreatment of his wife Sitt Ghazāl. Abū l-Faḍl confronted Shelomo after he exited the synagogue. This behavior sickened Shelomo, who alludes four times to his “relapse” (naksah). Shelomo complains that Abū l-Barakāt sees himself as too important and Shelomo as too inconsequential to write directly to him, instead involving strangers in the matter. Those who extend greetings are Shelomo, Sitt Ghazāl, his father (Eliyyahu the Judge), his mother (Sitt Rayḥān), his brother the physician Abū Zikri, his brother-in-law Simḥah, his maternal aunt (and mother-in-law) Umm Abū l-‘Izz, and her son Abū l-‘Izz. Greetings are extended to the recipient, to Abū l-Barakāt with blessings for his son, and to their father Abū l-Ḥasan (Shelomo’s paternal uncle). Sitt al-Fakhr and her daughter are also mentioned. Cf. Mediterranean Society, III, p. 435 and Goitein's index cards.
Editor: Ed. Motzkin, "The Arabic Correspondence of Judge Elijah and his Family" (1965), 2. Rev. Alan Elbaum, 10/2019; also ed. S. D. Goitein, unpublished editions https://princetongenizalab.github.io/goitein-notes/5D.1.1%20Typed%20texts_%20Elijah%20b.%20zech/T-S%2020.174%20%28PGPID%203547%29.pdf.
Library: CUL
Type: Letter
Tags: illness letter 969-1517 shelomo b. eliyyahu illness: relapse illness: emotion illness
1 . . . . . . . . . . . . . . . . .]ן אעיאן מצר נכשא
2 אנני אדא בטלת אלצגאר פי מצר מא נציב מתלהם
3 פי אסכנדריה ואיצא מן גהה אלגאליה אלשאמיה לאן
4 אלאחואל משושה פי הדא אלוקת לאן גאבי אלגואלי
5 אלשאמיה קד גא אלינא בכתאב מן ענד אלצלטאן
6 אלמלך אלכאמל אן יגבי אסאמי אלאשכאץ אל
7 וזאנין באלשאם ויכתב להם וצולאת פי אלדיואן
8 אלכאמלי ונחנא אלי אלאן ואמא מא אשאר
9 מן גהה כאלתי שהד אללה מא דכרתך אלא
10 בכיר ומא אעתקדה מא דכרתך אלא בכיר
11 ואמא פקד צאק צדרי אלי זאיד וחצלת לי שד[ה
12 עצימה ונכסה וכנת כמא תוגהת אלי אלעאפיה
13 כרגת אלכניס יום אלסבת אגתמע בי אלמולא
14 אלשיך אלעמיד אבו אלפצל אבן עטא אבן חסן (?)
15 ופקה אללה תעאלי וסלם עלי וקאל לי בא[ן] א[כי
16 אלשיך אבו אלברכאת דאמת נעמתה ק[ד כתב
17 לה כתאב והו יקול באן יסתקצי ען ס[לאמה
18 זוגתי באנהא פי אהאנה עצימה ענדי פע[לם
19 אללה לקד עז עלי דלך וחצל לי אלם קלב
20 שדיד גדא ומרצת כתיר כתיר והדה פאיזה
21 חצלת מנה יא מולאי ותאג ראסי בחק אללה
22 איש חצל לה מן אלפאיזה אלעצימה לכונה
23 סייר ללרגל אלגריב אלכתאב לאן מא לה בהדא
24 אלאמר חאגה צרוריה ומא חצל מנה לי סוא
25 אלם קלב לי ומא עלי קלבי לאני אליום בקית
26 בקית(!) משגול במרצי ומא אנא פיה פנשתהי
27 אן ינעם עלי כאדמה נעמה שאמלה באן לא
28 יכאתב אחד מן אלגרבא ואלקרבא בשי מן דלך
29 אלא אנני נתעגב מנה לאן טלעת דרגתה
30 ועצמת המתה חתי לא ירצא יכאתבני אנא
31 ועלי אנני אקל נאכס ואחקר חרפת אדם
32 ובזוי עם תולעת רמה ותולעה אלכתאב אלדי
33 כתבה אולא כאן פיה מן אלאנעאם ואלתפצל
34 מא קד קריתה ואנא מאנעת נפסי מן אלכתב
35 אן לא נכתב לאחד כתאב חסב אשתגאלי במצרי
36 פאללה ידכרה באלשלום חיתמא מא(!) כאן ויופקה
37 ויפתח לה ברזק ויחבס עליה חיאת ולדה ויגמע
38 שמלנא גמיע פי מכאן ואחד ודאר ואחדה
39 ונכונו (!) וגוהנא עי בעצנא בעץ ואמא
40 סת גזאל פהי פי אלף נעמה משתאקה אליך
right margin, diagonal, at 45’ to main text
ומתחיילה כאלטיר עליך | ותסאלך אן לא | תקטע | כתבך | עני אנא | וענהא | לאן כתאבך | ענדי
וחק | אלשריעה | מקאמך | ווקת אן | אקראה אקבלה | באלפם | ואשילה | עלי ראסי |
ואדעו אן | יגמע | אללה | שמלנא
verso
1 ביני ובינך קריב אלסלאם אלסלאם ואלף מן אלסלאם
2 ואלאפצאל אלסעאדה ואלתחייה ואלאכראם
3 עליך ואלרחמה סלאם אללה עליך מא טאר
4 טאיר או סארה בה אלרכב פי אלבחר ואלבר
5 ועלי מולאי וסיידי וגאית אמלי אלמולא
6 אלשיך אלאגל אלראיס אלחכים אלמנעם
7 אלאך אל[עזיז אלחב]יב אב[ו] אלברכאת תבת
8 אללה סעאדתה וופקה תופיק אלעארפין בה ואדאם
9 עליה חיאת ולדה יזכה ויפרה ויחייה יברך
10 אותו ויפרהו וירבהו יזכהו לתורתו ולחופתו
11 ואלסלאם עלי אהל ביתה צאנהם אללה בחיאתה
12 וסת גזאל משתאקה אליה ואלי צגארה והי איצא
13 תסלם עליהם גמיע וכדלך אלסלאם עלי
14 . . . . אלמולא אלו[אל]ד אלגליל אלאציל אלכביר
15 . . אבה אלדהב תאג אלראוס נור אלביתה וסראגהא
16 אבו אלחסן אחסן אללה אליה וסת אלפכר גאר[י]תה (?)
17 ובנתה ממלוכתה תסלם עליה ותקבל ידיה
18 ומולאי אלואלד יסלם עליך ועליה ועלי
19 אלנגיב אבו אלברכאת וכדלך אכי אלראיס
20 אלחכים אבו זכרי יסלם עליך וכדלך
21 ואלדתי איצא תסלם עליכם גמיע
22 וכדלך ר שמחה איצא יסלם עליך
23 וכאלתי אלעזיזה וולדהא אבו אלעז
24 יסלמו עליכם גמיע ואלסלאם
25 עלי גיראן אלדאר ושלום
26 ודכרת כאלתי אן מא גאת אלא לסבב ודלך אנהא
27 קאלת אן אלמולי אלמכין אבו אלפרג דאמת חיאתה
28 עלי גלאמה אלאצגר קאל להא תרוח בית אלרייס
29 ובית אלאגלא ותעלעל(??) עלי פי אלדור(?) מן גהת אלבנת
30 אלעזיזה אלמוופקה ופקהא אללה בחיאת אלמולי
31 ופקה אללה תעאלי ותעגבת לדלך כון אלמולא
32 אמרהא באן תפעל הדא אלאמר ומא ערפת
33 אנא הל הי קאלתה מן ענדהא מחאל או קאל להא
34 אלמולא ואנא מעאד אללה מא אתהמך פי הדא
35 אלאמר ואללה יאדן באגתמאענא גמיע פי מכאן
36 ואחד בפצלה תעאלי ומולאי אלואלד יסלם עלי אלמולי
37 ומתאלם לאנקטאע כתבה [[נפ]] חצרה אלמולא
38 מכצוצה באתם אלסלאם כתב אלכאדם
39 אלאצגר שאכר אלאחסאן ואלאפצאל אצגר
40 אלממאליך שלמה צעיר וקטן ברבי אליה הדיין סט
41 אלגואב סרעה סרעה ושלום אמן סלה
42 . . . . . . . . . . . . . . . ] אמן סלה ישע יקרב