Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 8.5
Editor: Ed. S. D. Goitein, unpublished editions. With minor emendations by Alan Elbaum (2020) https://princetongenizalab.github.io/goitein-notes/6F2.3%20TS8/T-S%208.5%20%28PGPID%203662%29.pdf.
Library: CUL
Type: Letter
1 בשם ייי
2 אלדי אעלמכם בה אנני מסתוחשה מנכם
3 ופי קלבי מנך מא אללה עאלם בה כיף כרגתי
4 מן ענדי ולא כאן אלמחבה תגלב קלת לך אקפי
5 קלתי אן פארקתיהם מאתו יא אמי מאתת אלדאודיה
6 אלכבירה וזוגת אלכאזרוני עמת זוגת יהודה ומאת
7 אבן אבראהים אלאטרש ולה אליום יומין מא קדר
8 אחד יטלקה ולא יקברה קאלו הו חשרי ואמא מן חדיתי
9 אנא אן וחק יום אלסבת מא אנסלך יום אלגמעה חתי גאני
10 צאחב אלדאר וקשטני אלפטה ומא בקי לה ענדי אלא כרובה
11 ובקית כמא יעלם אללה וחק דיני מא אמסית פי אידי תמן
12 אדור אכון ארהנת כאתם בנתי ואלבכלה עלי באקיה
13 אלדין אלדי בקי עלי ולא תסאל מא גרי עליא מן מעאני אמס
14 וקל לה מא הו מכבי ולא אלא הו רמד לה כ יום טול רוחך
15 חתי יעמל שגל יופיך מקצט מתל מא אכדהא מקצט
1 יא אבו מנצור אעמל שגל ואמא חדית אם יהודה לא תכון
2 עלאך (!) קלת לך עסי יזן ענך אלרבאן דין אלסאמרי הי תכון
3 אלסעאדה וזואל אלפגוע ואחרץ פי שגלך פיגיך כל שי מסתוי
4 ואנה באעמל איש מא קדרת עליה מן אלמהר וקד דפעת לעביד
5 קדח ונצף קמח וקליל עסל ועודין חטב וק/ד/ח גלבאן וגאס/ו/ל
6 אלברניה מטפפה עסל בק (?) אללה ואבעתו לי
7 אלברניה ולא תטפוהא
8 ואלסלאם עליכם יא אכי אבו תאבת מא לי
9 ענדך וציה אלא הם ענדך טיוף ולא תוגע לאכוך קלב
10 ולא תפקר (?) כלאמי אקדר עלי אלנחס כתיר אעמל כיר
11 חאפר אלזוביה פיהא וקע לא תמד אידך לה לא
12 שומך ותנדם כתיר ותקול צדקת אלקחבה אכתי
13 מא קלת וקת אנהיתך עלי אליד .