T-S 8.9

Recto/verso: recto and verso
Letter sent from Sicily by a widow to her son, Abu Sulayman Dawud b. Na'aman in Barqa, asking him to take care of his brother who is staying with him. The mother mentions friends asking about her son and others who criticize his behavior in public. (Information from M. Ben-Sasson, Yehudei sitziliya, p. 189)
Editor: Ed. Menahem Ben-Sasson, The Jews of Sicily, 825–1068: Documents and Sources‎ (in Hebrew) (1991); also ed. S. D. Goitein, unpublished editions https://princetongenizalab.github.io/goitein-notes/6F2.3%20TS8/T-S%208.9_2%20%28PGPID%203664%29.pdf; also ed. S. D. Goitein, unpublished editions https://princetongenizalab.github.io/goitein-notes/6F2.3%20TS8/T-S%208.9%20%28PGPID%203664%29.pdf.
Library: CUL
Type: Letter
1  בסם אללה אלרחמן אלרחמן(!)
2 אטאל אללה יאבני בקאך ואדאם איאם סלאמתך וכאן לך ומעך
3 וליא וחאפצא פי גמיע אמורך כתאבי אליך ען סלאמה ועאפיה
4 פי גמיע אמורך (!!) ונעלמך יאבני אן תבעד כתבכם ובלגני מא
5 גאז עליכם פטריק וכתבת אליכם כתאב ואתנין ולם נרא לכם
6 כתאב ולא גואב חתא וצל לי כתבכם (!) אלעזיז עלי ושרחת מולי
7 בעד מא גאז עליכם . . פנחמד אלבארי עלי [[תמלך]] חסן אל
8 עאקבה חו. חמד ושכר אלדי יגדד עליכם אחסאנה דאים
9 בדא יאביסלימאן יא/ח/ביבי אנא ראציא(!) ענך [ [. . .] ] אלבארי יכן
10 ראצי ענך וסעה יאחביב בחקי עליך ודיעתי ענדך
11 אבו טייב ארפק ביה כמא תרפק בנפסך ולא תעטיה כל . . . .
12 ביסא והדי קלבי [[כמא]] והאדי הי מ. . . . . אדא גאני כתאב
13 אבי טיב(!) ישכר פאן שכר פאנת תחג ללה וסעה יאחביבי מא
14 אנת מא תוצא פלמן אלעקל ולדין ואלוסם כאן גריב מעך
15 לכנת תחפצה וכיף אכוך וכיף אן עמלתה אוצלת אלי צרור
16 אלי קלבי אלבארי יעטיך כל מא תשהי וסעה אדא וגהת
17 כתאב אשכר פיה[[א]] נסים פאנה מא קצר יפתקדני פי .כל
18 וקת והו יסל ען כתבכם ואשכרא אבו ברהם (!) בן אלזני [[וכוייה]]
19 ואבו יחיה פאנהם מא חפצכם אחד גיר הולאי אלג אנאס
20 פאנהם יסלו ענכם ויקראו כתבכם ויסלו ען אחואלנא
21 וסעה ההאללה בחקי עליך ובמא קצם אללה מן חקי עלי[ך
22 לא תוגע קלב אבו טיב וארפק ביה כל מא תצתטיע(!)
23 וחוטו כמא יחפץ לך אלבארי אלחסנאנת[[ף]](!) ויכן לך עזי.
24 ודליל אבדא וסעה אכברני אש בינכם ובין אלצרקוצי
25 חית כרק פי ערצכם עצים ו/י/קל פי כתאבה מ. .ה
26 אן אבו סלימאן יחסב נפסה מן סמא אגזל וכאן מא יס.
27 אחד גירה וסעה לא תכן מע כלך אלי כיר מן מא כנת
28  פאנת [מכא]ן אבוכם אליום וכץ נפסך אלשריפה אלסלם
Right margin, diagonal lines written in same direction.
 וסלם עליך | ורחמת אללה | וברכתה אלסלם | ואלסלם אליך
Verso.
Top margin. Address.
 אלי אבי סלימאן דאוד אבן נעמן מן ואלדתה
  אטאל אללה בקאה יצל ברקה אן שאללה