Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 8J22.23
Editor: Ed. S. D. Goitein, unpublished editions https://princetongenizalab.github.io/goitein-notes/6C.1.4%20Mediterranean%20people_%20vol.%20I%20%2825-50%29/T-S%208J22.23_2%20%28PGPID%203674%29.pdf; also ed. S. D. Goitein, unpublished editions https://princetongenizalab.github.io/goitein-notes/6B.1.11%20Mediterranean%20people%20materials/T-S%208J22.23_1%20%28PGPID%203674%29.pdf.
Library: CUL
Type: Letter
על שמך יצל לאבא סהל מנשה בר דויד הזקן ננ מן סלימאן בן סמחון //ננ// אבן אלסהל ידפע במצר
1 יא סידי ועדתי ואגל עדרי ואנפס דכאירי ומן אכרמני אללה בסל[אמתה . . . . . .
2 כתאבי אליך מן תלמסאן מן אקלים אלמגרב ואנת תעלם אן לי סנין עדה
3 לם [נק]ף לכם עלי[י] כתאב ולא כבר ולא לי עלם מן אחד מנכם פגדיר מן
4 שיכי אן יכתב לי גואב הדא אלכתאב מע מן קדם מן אהל אלמג[ר]ב מן
5 אלחוגאג אלדי יחמלו אלדי //פי// אלכתאב ותערפני בגמיע אחואלכם [מ]ן צגיר
6 וכביר ומן עאש ומן מאת ומן תואלד מן בעדי ותשרח לי [ג]מיע מא
7 יחתאג מן אלוקוף עליה מן מא יכצכם וכבר כאלי [א]ברהם [. . . . .
8 ומא וצל אליך מן כברה ואכבאר אולאד כאלתי סתאת וגירהא לא[ן
9 אכבארהם בעדת עני לאנקטאע אלקואפל אליום סנין פלא
10 תפרט אללה אללה ואנא פי עאפיה בחמד אללה לי מרת ו[אח]דה וולדין
11 ומאלי רחא וח[אנ]ות יסוה קימה תק דינר תק דינר דנאניר נתצרף
12 בהא ומא עדמת מן אללה סוא אלנצר אליכם ואכבאר אכתי רחמ
13 אללה להא ולדין פי קלעה חמאד ובנת כבירה ואכבאר אלגרב אל
14 רכא ואלאמן וטרק מאמונה ונעגב מן ולדך ח/ר/סה אללה מא
15 קדר יכתב אלי כתאב מד כאן עסא יתפצל ויכתב אלי בכטה
16 כתאב ישרח לי פיה גמיע אחואלה לנסר בדאלך ולעל תדכר
17 לי פי כתאבך כבר אלישיבות מן ראש ישיבה אליום וכיף חאלהם
18 לעל נכאתבהם מן מוצענא ושלום רב יכתץ סידי אפצל אל
19 סלאם הו וולדה וגמיע כאצתה מקטנם ועד גדלם נצח סלה ועד
1 ידפע בדאר אלצרף במצר אן שא אללה
2 אלי אבא סהל בן אלשא בן דאוד אלמערף באבן אלאבראט אלקרוי וולדה אבא זכרי
3 מן מדינה תלמסאן
1 שלמה בר ס[מחון ננ] אבן וגל[ילי
2 אל[סהל מן] מדינה תלמסאן מנשה בר [דויד] הזקן