T-S 8J26.18

Recto/verso: recto and verso
Letter from a man in Fustat to his brother, a silk weaver, who has fled to Aswan to escape the capitation tax collectors. He assures his brother that he can return since the capitation tax had been paid for the whole family.
Editor: Ed. S. D. Goitein, unpublished editions https://princetongenizalab.github.io/goitein-notes/6C.1.4%20Mediterranean%20people_%20vol.%20I%20%2825-50%29/T-S%208J26.18%20%28PGPID%203736%29.pdf.
Library: CUL
Type: Letter
1 כתאבי אליך יאכי ואלעזיז עלי וענדי אטאל אללה
2 בקאך וגעלני מן גמיע אלאסוא פדאך :
3 ואלדי תריד עלמה אננא עלא גמלה אלעאפיה
4 ולם נעדם סוא אלנצר אליך גמע אללה
5 ביננא עלא אסר חאל במנה ורחמתה אן שא אללה
6 ואמא מא אנחית פי כתאבך אלי אבו אסחק
7 אן אצחאב אלגאליה ימסכוך מן קבלנא
8 פקד חב אללה ופתח לי במא וזנתה (!) וקד
9 וזן אבוך ואכוך אבו סהל פלא תנעאק
10 בסבבנא פלו אנחדרת למא קטע אללה
11 מן רזק ולו אנך תנאדי פי אלמרבעה
12 ומעישת אלקזאזה נאפקה גדא וקד טלב
13 אבוך ואנא בך פסאלתך באללה לא תחבס
14 רוחך פי אסואן פאן יבעד עליך אלרגעה
15 אלי מצר ואנת אלמכיר אללה ידלך עלא [אלדי]
16 מא פיה אלכירה קראת עליך אלסלאם
17 ומולאך יקריך אלסלאם ואמך באכיה
18 אלליל ואלנהאר והי תקריך אלסלאם וכנת
19 קד כתבת כתאב ודפעתה לאבי אסחק
20 פמא אעלם יצלך או לא אללה ירד אלעאקבה
21  אלי כיר
Right margin, perpendicular lines.
1 ובאת אבוך לילה פי אלחבס בסבבך פלא תתואנא פי אלאנחדאר סרעה
Verso.
1 ואמראת עמך תקריך אלסלאם וטאהר יבכי
2 ויקול מתא יגי אכי אללה יגמע אלשמל קריב
3 ואלקמח באתנין וארבעין אלארדב אלמקארב
4 אללה ירכצה אמן וכנת מסתעגל פי כתבה
Bottom margin. Address.
Arabic:
1 יצל קוצ לבו עמראן ולד אלמעלם אלאחול
2 מן אחוה ביאן געל פדאה