T-S 8J33.8

Letter written by a woman and sent to the address: 'money-changers' square' in Cairo. (Information from Mediterranean Society, I, p. 448)
Library: CUL
Type: Letter
1 חצרה אלמולא אלשריפה אטאל אללה בקאך ואדאם
2 סלאמתך ונעמאך ומן חסן תופיקה לא אכלאך אלי
3 נעלם אלי חצרה אלשיך אבו עמראן תעמל מעי מע אללה ועד
4 אני יסירה אשתריתני עסי תכלם לי אכי ותכתבה לאני
5 מרתאן מחירה פי בלד אלגרבה אמא תקול לך מא הכדא
6 תכון אלנאס תכלי אכותך מחירה פי בלד אלגרבה וקד
7 רמאני באלנסיאן ולו אקל מן אלסואל מא יבעת יסאל עני
8 ולאכן הו יעלם כרוגי מן אלבלד עלי צפת אן כאנת לאן
9 מא כאן באכתיארי כרגת עלי אני אטלב סעאדה פמא
10 סעדת ולא אנא מן אול צאבתהא אלנכבאת ויואכדני
11 באבן בוגירי ואנא קד עדת מרה מחירה מנקטעה ואנא
12 פי בלד אלנדבה מחתאגה אלי אקל אלכליקה והו יגעלני גריבה
13 אגנביה יבעת לי כטק ולו אנה גואב הדא אלכתאב פמא
14 ארידה אלא ינצר כאטרי לראמה ללאצרא אלדי כלפי ואש
15 תעמל מעי מע אללה תכלם לי סאלם אלנקאד אליצרפי (אלצירפי) וקד. .
16 מע נבע לה אלכתב ונרסל לה אלנאס ירסל לי אלאסלאם ולא
17 כלאם ומא פיה מכאפה מן אללה ואנא מא כרגת אלא אן
Right margin, diagonal lines written upside down.
1 אסאפר אל
2 שאם ומא
3 צח לי ספר לאן
4 מא כאן מעי ואן
5 אראד
6 אן אגי
7 אלי מצר יבעת אלי
8 באיש אתצל
Verso.
1 באני קאעדה פי בולביס מחירה ו כיאר מן . . .
2 מא פי בולביס אהלי ומא אתכל אלי אחד מנהם
3 ולא ירפדני אחד מנהם ואנא קאעדה פי אישם
4 חאל אן יכון פמא חלאל לך יכון קד רזקך אללה רזק
5 ותכיליני מסכמה מחירה ושלום רב
Address.
1 יצל הדא אלכתאב אלי חצרה אלשיך אבו עמראן אלבחור אבן מופק
2 מרבעה אלצרף מן ענד כרימה
3  סאלם