Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
CUL Or.1080 J55
Editor: Ed. Moshe Gil, In the Kingdom of Ishmael (in Hebrew) (1997), vol. 3.
Library: CUL
Type: Letter
1 כתאבי יא ולדי ואלעזיז עלי אמתענא בקאך ואדאם
2 סלאמתך וסעאדתך מן אלאסכנדריה לג מצת מן אב
3 יהפך לשמחה ען חאל סלאמה פי אלגסם ושגל פי אלסר
4 אללה תע יגעל אלעאקבה לכיר ומא תחב עלמה אן
5 תקדמת כתב אליך ושרחת לך פיהא מא אחתאג
6 אליה פארגו וצולהא אליך וכתאבך מני באלקרב באל
7 גואב ען גמיע מא סאלתך ואעלמתך אנני אנפדת
8 צחבה סלאמה שכירה שש כז וזנהא ח ארטאל ברטל
9 אל שש תמנהא ל די ועדדהא כט כלעה וקד וציתה וסלמהא
10 למולאי אלשיך אבי בשר אזהר בן מנצור ויאכד מנה
11 נצף דינ וסאלתה יביעהא לי מע אלדי יכצני מן אלחריר
12 אלדי לנא ענדה והו אלנצף ווזנה ג ארטאל אלתמן באל
13 קסם ואלרדק פתמצי אליה ותוכד עליה פי מתל דלך
14 וסאלתך תמצי אלי מולאי אלשיך אבי יעקוב אלחכים
15 ותעלמה אן אלדי לי פי קפה אלסאיל ואליאבס ואלנצף
16 מנ. . אלנצף סוא ואלנצף למולאי אלשיך אבו זכרי
17 סוא קפה ואחדה עליהא אסם אלשיך אבו זכרי ומא
18 לי אנא פיהא כאצה פו רטל ונצף באלגרוי יקבצה ויציפה
19 אלי אלנצף אלדי לי ואלמוון אלדי וזנהא במצר יאכד מן
20 כל אנסאן אלדי יסתחקה ויאכד לי מן סהם אלשיך
21 אבי זכרי נצף דינ וזנתה ענה בקיה מונה ושיר
ותסאלה | יפי עלי | אלגמיע בל | קסם ואלרזק | אמא
באל | נקד או | באלצבר | אן כאן הו | באקי ואל | עאיד
באללה | אלי אלסעה | וכדלך | אלבארוקי | ואלחצאץ | אן כאן |
באקי | פי ביע | אלגמיע | באלקס[ם
ואלרזק לעל אגד | מן אלגמיע | ענד וצולי | אן שא אללה |
אגלס בה | פי דכאן | או אסאפר | בה אלי אל | שאם ואל | תלאתה
דנאניר | ונצף אלדי לי | ענדך
1 לולדי ואלעזיז עלי אבי אלחסן שלמה מן מחבה מוסי בן אבי אלח
2 בן נסים נע אלברקי נע
3 אטאל אללה בקאה ואדאם סלאמתה
1 אן אתפק לך כרוג קבל וצולי תסלמהא למולאי אלשיך
2 אבי בשר אזהר בן מנצור פאני מחתאג אלי אוקי ואחד
3 וקד אנפדת צחבה סידנא אלרייס אלגליל שכירה פיהא אלמרש
4 אלפצה ואלמגסל ואלמרפע ואלגטא ודמלג פצה וכאתם פצה
5 וסאלתה יסלמהא אלי מולאי אלשיך אבי בשר אזהר פאללה
6 אללה יצל אלי כתאבך משרוח בגמיע מא סאלתך פיה
7 פאן קלבי מתעלק לוצולה קראת עליך אתם אלסלם
8 וגמיע מן סאל ענא אלסלם וואלדתך וגמיע אלאהל וכצוף
באתם | אלסלם | ושלום