Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 8J16.19
Library: CUL
Type: Letter
1 מולאי אלשיך אלגליל אבו סעד כלף
2 בן סלאמה נע
3 אדאם אללה סלאמתה וסעאדתה
1 שאכרה נסים בן סלאמה נע
1 כתאבי] אלי //מולאי// אלאלשיך אלגליל אטאל אללה בקאה
2 ואדאם עזה ותאיידה ונעמתה בעד מדה
3 טוילה . . . . . . . . דלך פענד וצול
4 . . . . . . . . . . . . . . וסרני
5 מערפה כברה וסלאמת[ה . . . . . . .
6 דכר מולאי באן א[נפ]ד לה קנטאר זביב
7 וויבה ארז וויבה סמסם וקד א . . . ת יום
8 כתאבי הדא אליה באן אחצל לה אלזביב
9 ויכון צחבה מוצל כתאבי הדא פלם אגד
10 שי יצלח אלא מקארב פאנא במשיה אללה
11 אחרץ פי תחצילה פי הדא אלאסבוע
12 ואנפדה אליך מע אלארז ואלסמסם
13 כדלך סוא(?) אכד מן מולאי אלשיך אבו עמראן
14 בקיה אל|ארז אלדי דכר מוסי מן אלגרב
15 פדא סער גייד . . | . . ואלא א . . . . .
16 וקד כנת סאלת מולאי אדא כתב לי כתאב
17 לא יכון אלא בכט עבראני ואלסבב פי דלך
18 אעזאז חואיג מולאי ענדי לאני מא
19 אקרא אלערבי פאדא וצל כתאב אחתאג
20 אמצי בה למן יקראה עלי תם אנסא
21 אגראצה פי אלוקת ואכאף אן יכון פיה
22 [. . . . . . . . . . . . . . . . . . . . . . . .
23 . . ן פי מא בעד לא יכון אלא עבראני
24 אקראה לנפסי ואלבלג פיה אלגרץ ואת. . . .
25 פיה אלנפס . . . . . . . . .מולאי . . . . .
26 תטיב בה נפסי אן גמיע מראכב אל
27 מהדיה פי הדה אלסנה עדאד בתעדיר
28 אסנה . . . . .עזיהא אנהא . . . . . .
29 א.דב עדד פאסאל אללה תעאלי תמ. . . .
30 פאללה ואחסאנה עלינא ויעידהא אלינא
31 .למא . .ע עלינא והו עלי מא ישא
32 קדיר כצצת מולאי באגל אלסלם ועלי מולאי
33 אבי אלפרג הבה אללה אפצל אלסלם