T-S NS J120

Letter from Alexandria by a man to his friend, reporting that he had settled the dispute between Shabbat (the recipient's son-in-law) and his wife (the recipient's daughter) with the help of Shabbat's brothers, and recommending a poor and bashful cantor, who was exiled from Spain. (Information from Mediterranean Society, II, pp. 136, 548; III, pp. 213, 417.) Join: Oded Zinger.
Library: CUL
Type: Letter
Part of join:
T-S NS J120 + T-S Misc.28.11
}
1 אללה ואדסהם עליה וכאן מן איאם גרא בין שבת ובין
2 אלצביה כלאם ואשרף עלי אלטלאק מא זלת אלטף בה
3 ובאכותה אחיאהם אללה מא קצרו ויגב עליך חרסך אללה
4 מכאתבתהם ושכרהם עלי מא פעלו ואצלחת אלאמר
5 כמא פי אלנפס והם בכל נעמה תטמן קלבך מן הדא אלסבב
6 פאנא לך הונא אכתר מן כל אך וצדיק לאן פצלך עלינא
7 ועלי כל מן טרק מצר אללה יגעלך אבדא עלי הדה אלצפה
8 ומוצל הדא אלכתאב הו רגל חזן מן אהל אלאנדלס עני מנגלי
9 מן בלדה ומעה אטפאל אצלחנא לה ענדנא שוי ועול עלי
10 אלדכול אלי מצר והו אנסאן עפיף מנקטע אללסאן וסאלנא אן
11 אכתב לה לאנסאן פיה יראת שמים וזריזות פמא כטר
12 מבאלי מתל סידי אלשיך חרסה אללה אסאלה יפעל מעה
13 מא הו אהלה כמא גרת עאדתה אלגמילה מע כל עובר
14 ושב פהו מסתחק ומא יפעל //כיר// פי אגל מנה ויכאתב
15 מולאי אלחבר אלמעולה לאגלה יכון יתעצב מעה לשם
16 שמים ומא כאן לסידי אלשיך מן חאגה ישרפני
17 קצאהא ולא ידעני מן כתבה פי כל וקת פאני
18  אסר בחלך כצצתה באפצל אלסלאם
right margin, diagonal lines at 180 degrees to main text
 ועלי אלאכוה אחיאהם | אללה בניה אלסלאם | ועלי סידי
 אבו | אלפצל אלפרנס | ועלי ולדה | אלסלאם | ועמי יכצך | אלסלאם