Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
Moss. IV,14.2
Library: Mosseri
Type: Letter
1 ממלוכה מפצל
2 יצל הדא אלכתאב אלי אלמולא אלאגל אלמנעם אלמתפצל עלי פי כל וקת
3 חאצר וגאיב אלשיך אבו אלמגד אטאל אללה בקאה ואדאם עזה
4 ונעמא|ה ומן חסן אלתופיק לא אכלא|ה גמע אללה ביננא במנה וגודה
5 וכפי לטפה אנשאאללה וכאן אלמולא סאל ען ממאליכה ומא הם עליה
6 מן אלסלאמה ואלעאפיה פאן ממאליכה כלהם מן צגירהם וכבירהם עלי
7 אחסן קציה פי עאפיה בעד מא כנא פיה מן אלאמץ ואלשדאיד מא לא
8 יקדר אנס[א]ן [יע]ב[ר] ענה ומן אללה תעאלא באלעאפיה לא עדמנא פעלה
9 ואמא מא סאלתם מן אמר אלפתאוי פאן למא וצלת אלפתוי אלאולא
10 למא אן דפעתהא אלי סיידנא אלרייס כאן אשתגל באלמרצא
11 ב]/א/לקאהרה ומצר וצאר מלאזם אלמרסתאן ליל ונהאר לא יתפרג
12 לא ליל ולא נהאר אכתר מן לילתין פי אלגמעה ואלילתין אלדי יתפרג פיהם
13 לא יזאל אלי נצף אליל באלשמעה יזור אלמרצא יהוד ומסלמין ופי וקת
14 אן אגתמע בה אטאלבה בהא פיעתדר ויקול נעם חתי אתפרג
15 פטלבתהא מנה מדה אכרה פקאל צאעת מא אערפ אין הי
16 ואנאפתש לי עליה אלי וקת אן וצלת אלפתוה אלאכרה פדפעתהא
17 לה וסאלתה אן יפתש עליהא ו[י]כתב לי גואב אלתנתין פוגדהא
18 וכתב גואב אלתנתין וכתבת ללמולא //כתאב// וטויתהם פיה כמא
19 [שיתם (?)] וארסלתה אל[יכם . . . . . . . . . . . .
1 ואבו אלפכר יקרוכם אלסלאם ואבו אלרצא ויוסף והבה וואלדתהם
2 יקרוכם אלסלאם קראת עליך אלסלאם וכל מן תחוטה עניאתך
3 אלסלם וכתב יום אלכמיס אול יום מן תמוז פאללה תעאלי יקרב
4 גמע שמלנא בכם פי כיר ופי עאפיה ושלום
1 יצל הדא אלכתאב אלי קוץ חרסהא אללה תעאלי יסלם
2 ללמולא אלאגל אלשיך אבו אלמגד אלמלמד