T-S 8J7.23

Recto/verso: recto and verso
Memorandum containing order of copper vessels from Yosef b. Avraham to Ibn Yiju, Mangalore, India. Aden, ca. 1134-1137.
Editor: Ed. and trans. S. D. Goitein and Mordechai Akiva Friedman, India traders of the middle ages : documents from the Cairo Geniza : India book (2008), vol. 3 https://princetongenizalab.github.io/goitein-india-traders/III-2.pdf; also ed. and trans. S. D. Goitein and Mordechai Akiva Friedman, India traders of the middle ages : documents from the Cairo Geniza : India book (2008), vol. 3 https://princetongenizalab.github.io/goitein-india-traders/III-28a.pdf; also ed. S. D. Goitein, unpublished editions https://princetongenizalab.github.io/goitein-notes/4C.1.10%20India%20Book-%20Ch.%20III%20%28English%29%20pt.1/T-S%208J7.23_1%20%28PGPID%204714%29.pdf; also ed. S. D. Goitein, unpublished editions https://princetongenizalab.github.io/goitein-notes/5B.2.1%20India%20Book-%20III_%2051-80/T-S%208J7.23_2%20%28PGPID%204714%29.pdf; also ed. S. D. Goitein, unpublished editions https://princetongenizalab.github.io/goitein-notes/4C.2.22%20India%20Book%20supplements/ENA%204020.1_3%20%28PGPID%204714%29.pdf.
Library: CUL
Type: Letter
Tags: india 12th c informal note
Translation: Goitein, S.D. & Friedman, M.A., India Traders of the Middle Ages, III-2 Translation: Goitein, S.D. & Friedman, M.A., India Traders of the Middle Ages, III-28a
1  בשמֹ רחמֹ עבדה יוסף בן אברהם נֹעֹ
2  אנפדת אלי אלשיך אברהם בר פרחיה יגו עלי יד אלשיך מימון אלגוי
3  אלתאגר פי מרכב אלי (!) אלנאכדא מחרוז אלי מנגרור כתב אללה סלאמתה
4  צרה נחאס פיהא דֹ קטע פגר ומעשרה צפר וזן דאלך אחד וארבעין
5  רטל ונצף ואיצֹא קמקם טויל שכץ בעינה אלוזן יֹבֹ רטל צח אלגמלה
6  תלאתה וכמסין רטל ונצף אדֹא וצל וסלם אללה אסתעמל לעבדה
7  מעשרה בקדר אלמעשרה אלואצלה אליה ואיצֹא מרפע משבך
8  נחן נסמיה זירכואן יכון ידכל פי וסט אלמעשרה לחתא יכון פוקה
9  גחלה אלמא לחתא מא קטר מן אלמא וקע פי אלמעשרה ויכון
10  תשביכה כוזראני יכון וזן אלזירכואן לעל תמאניה ארטאל זאיד
11  קליל נאקץ קליל ויכון וזן אלמעשרה לעל ארבעה ארטאל ואיצֹא חסכה
12  ללשמעה לעל וזן גֹ ארטאל לטיפה מדרגה בדרג ותאלם לטיף יכון
13  פתחה שבר ונצף לא גֹיר יכון אסִבאדרה שגל גייד ומא פצֹל מן אלנחאס
14  ו באעה ויכרגֹ מנה געל אלצאנע ואלבאקי ישתרי לעבדה פיה קליל
15  פופל גדיד ואן לם יתפק פופל כאן היל או מנגל ואיצא אלי
16  חצרתה זנביל הנדי פיה תסעה עשר [[ט ]] רטל צפר אלעדד דֹ קטע
17  מן אלפגר וטסת ועבדה פיה מסתעאן לולדי פנחב מן תפצֹלך
18  תעמל חסאבה וחדה לא ידכל לי פי חסאב ותסתעמל לצאחבה
19  מנה טסת ואבריק לטאף ומרפע לטיף משבך כֹוזראני מליח
20  ירידה לצחן עלי אלמאידה ומא פצֹל לה מן אלנחאס בעתה לה
21  וכרגת מנה אגרה אלצאנע ומא פצֹל לה שרית לה קליל פופל או היל
Margin
1  וקד צדר אלי חצֹרתה מא לא כטר לה ולא קימה ברסם מנזלה [[אל]]
2  אלשריף והו קנינה זביב ורבעיה לוז ורבעייה צאבון ומנדיל מטרז
Verso
1  חיאכה עדן והֹ דסות ורק מצרי ונצף וקייה זבאד ונצף רטל כחל
2  ונצף רטל מצתכא פאמא אלמנדיִל ואלזבדה ואלורק ואלכחל ואלמצתכא
3  פי כרקה ואחדה אלכל מכתוב עליה אסם חצרתה ואלגמיע צחבה
4  אלשיך מימון אלמקדם דכרה ואלסלאם