T-S 24.64

Editor: Ed. and trans. S. D. Goitein and Mordechai Akiva Friedman, India traders of the middle ages : documents from the Cairo Geniza : India book (2008), vol. 3 https://princetongenizalab.github.io/goitein-india-traders/III-10.pdf; also ed. S. D. Goitein, unpublished editions https://princetongenizalab.github.io/goitein-notes/4C.1.10%20India%20Book-%20Ch.%20III%20%28English%29%20pt.1/T-S%2024.64_1%20%28PGPID%204735%29.pdf; also ed. S. D. Goitein, unpublished editions https://princetongenizalab.github.io/goitein-notes/5B.2.1%20India%20Book-%20III_%2051-80/T-S%2024.64_2%20%28PGPID%204735%29.pdf.
Library: CUL
Type: Letter
Tags: india ib3
Translation: Translation: Goitein, S.D. & Friedman, M.A., India Traders of the Middle Ages, III-10
1  בשמֹ רחמֹ
2  וצל כתאב חצרה אלשיך אלאגל [אטאל אללה בקאה]
3  ואדאם עזה ועלאה ורפעתה וסנאה וע[לוה וארתקאה]
4  ולא עטל מן גמיע אל̇כיראת סאחתה ופנאה [וחרס]
5  עליה צאלח מא אולאה וכבת חסדתה ודמר עדאה (!)
6  אתצלת באלכיראת אסבאבה ופרחת באלנצר אליה קבל
7  אלוקוף עליה וקראתה מסרורא ותאמלתה גדלא מחבורא
8  וסכנת מנה אלי עלם סלאמתה וצלאח חאלתה פחמדת
9  אללה עלי דלך כתירא וסאלתה אלמזיד לה מן כל כיר
10  ברחמתה ולם ידכר מולאי שי מן אלשוק אלא וענד
11  עבדה אצעאף מא דכרה ופוק מא בינה וסטרה
12  סהל אללה קרב אלאגתמאע בה עלי אסר אלאחואל
13  ברחמתה אן שא אללה ואנתהי עבדה אלי מא שרחה
14  מולאי מן אנפאד אלחדיד אלמחדת אלדי פי מרכב
15  אלנאכדא בן אבי אלכתאיב וקד וצל דלך ותסלמת מנה
16  בהארין ותלת כמא דכר מולאי ווצל אלנאכדא
17  יוסף מן דהבתן במרכב אבן אלמקדם ותסלמת מנה
18  טסתין ואבריקין וטסתי שמע וקבצת מן מולאי
19  אלשיך אלאגל מצמון לֹ רטל היל מן אלצרה אלתי
20  לחצרתך וסלמת עשורהא כמא רסמת ואלאגֹטיה
21  אלדי תבקת ינעם מולאי באנפאדהא ואמא אלפופל אלדי
22  דכרה סיידי פלם יצל עבדה שי לאנה דכר אנפד בה צחבה
23  גוהר גלאם צאפר ולם יצל פי הדה אלסנה ואלדי ארסלה
24  מולאי מן פנדרינה במרכב פתן סומי עלי ידי אלשיך
25  אבו אלחסן בן געפר פקד וצל אלמרכב אלצגיר וקבצת
26  מנה בִהִ//אר// ואחד פלפל ורבע ותמן והאכדי כאן בנסכתך
27  אלי מולאי אלשיך אלאגל מצמון ובהאר חדיד אמלס ואמא
28  אלמרכב אלכביר פוצל אלי ברברא וצאיק בה רבאנה חתי
29  אנדך בה באב אלמנדב ואנכסר עלי באב אלמנדב
30  פאמא אלפלפל פמצא גמיעה מא גמע אללה מנה שִיִ
31  ואמא אלחדיד פאכדו בחארין מן עדן ושרטו להם
32  שרט באן יגוצו עלי אלחדיד ויכרגוה וקד אכרגו
33  מן אלחדיד תקדיר אלנצף זאיד נאקץ וכתבת כתאבי
34  הדא והם יכלצוה מן אלפרצה גמיעה אלי דאר אלשיך אלאגל
35  מולאי מצמון בן אלחסן פהמהא תחצל מנה אכרגו גמיע
36  מא נאבה מן גֹוץ וכרא ואלבאקי יקתסמוה באלחצה יאכד
37  כלן חצתה ובאללה לקד עז עלי אלדי מצא לחצרתך אלא אן
38  קֹבֹהֹ יעגל עליך ועלינא באלכלף ואמא אלחואיג אלדי סאל
39  מולאי שראהא פסאל שרא טאגן חגר וגלפתה ובעד
40  גלפתה אנכסר פרגעת שרית לה טאגן חדיד בנצאפי
41  והִו אחמד עאקבה מן אלחגר ושרית לה בנצאפי
42  זגאג אקדאח וכיסאן וארטאל עדד אלאקדאח סֹחֹ
43  קדח ויֹ כיסאן והֹ ארטאל ואלסלה בקיראט תמאם
44  אלנצאפי והֹ קנאני כצר בשתותהא ביֹאֹ קיראט צח
45  אלגמלה דינאר ויֹאֹ קיראט ואמא אלברִאם אלסגר פמא
46  קדרת עלי שי מפרד אלא דסות ואמא אלבר פקד עבא
47  לה מולאי אלשיך אלאגל מצמון דלך וקד וגה עבדה אלי (!) מן
48  קבלה הֹ אמנא חריר מליח לאני ראית מולאי אלשיך אלאגל
49  מצמון קד אנפד לבן עדלאן ולגירה ודכרו ענה אנה
50  מביוע פי מליבאר פקלת אכיר ממא אנפד דהב
51  אנפד בה עוץ לעל ידכל בה שי פתנעם ותביע לעבדך
52  דלך במא קסם אללה תעאלי ורזק ותשתרי לעבדך מא
53  קסם אללה תעאלי ותנפדה פי אי מרכב כאןִ ומולִאִיִ בִרִ[י]
54  מן גמיע אלאכטאר פי אלבר ואלבחר ואן כאן באלמשתר[א]
55  פופל והיל פאנעם ואשתרי במא אתפק ומא יחתאג
56  מולאי אלי וציה פהו מוצע אלכפאיה וקד עבדה יתקל
57  עליה פי כל סנה אלא אן מולאי יאכד עלי עבדה באל[עדר]
58  כמא גרת עואידה קדים וחדית וכדלך אעלם מולא[י]
59  אני כנת וגהת עאם אלאול אלי אלרבאן מסעוד אלחבשי
60  לֹ מתקאלא מצריה ישתרי בהא מא קסם אללה תעאלי פלמא
61  וצלך טרא עליה אלדי טרא דכר לי אלרגל אנה כאן
62  אשתרא לי בהאריִן פלפל כאנו צחבתה ותבקא לי יֹזֹ
63  מתקאלא ורבע והי מודועה ענד מולאי אלשיך אלאגל
64  אבו אלחסן עלי בן געפר וקד מצית אנא ואלרבאן
65  מסעוד ובכתיאר גלאם עלי בן געפר אלי אלשיך
66  אלאגל עלי בן מחמד אלנילי ותכלם אליה בדלך ואכדת
67  כֹט אלנילי אלי עלי בן געפר בדלך ואנא אסאל מן
68  תפצלך אן ואגהתה כצצתה עני אלסלאם ואעלמתה
69  ישִתרי לי בדלך מא קסם אללה תעאלי וינפדה לי פי אי
70  מרכב כאן והו ברי מן גמיע אלאכטאר פי אלבחר
71  ואלבר דניא ואכרה ומא אחתאג אתוצאך באלחדית
72  אליה ותן לחכם ראשית דבר יכץ סיידי עזיז נפסה
73  באפצל אלסלאם ותכץ עני מולאי אלפרע אלנגיב ומן
74  תכנפה ענאיתך ובמא באפצֹל אלסלאם אלגזיל ושלום
[שוליים]
(1) וקד אנפד עבדה (2) במא לא כטר לה ולא (3) קימה והו קנינה סכר (4) ונט//עִ// חבשי מליח (5) ועלי
אלנטע מכתוב (6) יגו מן ברא ומן (7) דאכל במואצע עדה (8) פתמן בקבץ דלך ובבסט (9) אלעדר בחסב
עאוידה (10) אלקדימה ואלחדיתה (11) ועלי מולאי אפצל אלסלאם (12) ואזכי אלתחיה ואלאלמאם (13)
ושלום
Verso
1  כדלך אעלם מולאי אן אלסלה אלזגאג ואלהֹ אלקנאני
2  צחבת אלנאכדא אחמד {מחמד} נאכדה מרכב אלפדיאר ועליהם
3  אלגמיע מנהם מכתוב יגו כֹ באלעבראני ואלנטע
4  ואלקנינה אלסכר צחבה אלשיך אבו אלחסן אלמחלי ואל
5  חריר צחבה אלשיך אבו עלי בן טייב פיקבץ מולאי
6  גמיע דלך והו פי מרכב אלפדיאר כתב אללה סלא[מתה]
7  אללה תעאלי יגמע עליך ועלינא ברחמיו וחסדיו וש[לום]
[הכתובת]
 חצרה אלשיך אלאגל מולאי אבו אסחאק
 אברהם בר כֹגֹקֹרֹ פרחיה הסופר
 בר יגו חרס אללה נעמתה
  עבדה אלמשתאק
 אליה כלף בר
 יצחק זכֹלתֹ