Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S Misc.25.103
Editor: Ed. and trans. S. D. Goitein and Mordechai Akiva Friedman, India traders of the middle ages : documents from the Cairo Geniza : India book (2008), vol. 3 https://princetongenizalab.github.io/goitein-india-traders/III-15.pdf; also ed. S. D. Goitein, unpublished editions https://princetongenizalab.github.io/goitein-notes/4C.1.10%20India%20Book-%20Ch.%20III%20%28English%29%20pt.1/T-S%20Misc.%2025.103%20%28PGPID%204738%29.pdf; also ed. S. D. Goitein, unpublished editions https://princetongenizalab.github.io/goitein-notes/5B.2.1%20India%20Book-%20III_%2051-80/T-S%20Misc.%2025.103%20%28PGPID%204738%29.pdf.
Library: CUL
Type: Letter
Translation: Goitein, S.D. & Friedman, M.A., India Traders of the Middle Ages, III-15
1 בשמֹ רחֹ
2 בלכתך לא יצר צעדיך ואם תרוץ לא תכשל
3 והיה שדי בצריך וכסף תועפות לך
4 כי יו יהיה בכסליך ושמר רגלך מלכד
5 וצלת כתב חצרה אלשיך אלאגל מולאי אטאל
6 אללה בקאהא ואדאם עזהא ועלאהא ורפעתהא
7 וסנאהא ועלוהא וארתקאהא ולא עטל
8 מן גמיע אלכיראת סאחתהא ופנאהא וחרס
9 עליהא צאלח מא אולאהא וכבת באלדל חסדתהא
10 ואהלך עדאהא וקראתהא מסרורא ותאמלתהא
11 גדלא מחבורא והיה על לבי כארץ עייפה
12 למים וכמוצא שלל רב וסכנת מנהא אִלי עלם
13 סלאמתהא וצלאח חאלתהא פחמדת אללה עלי
14 דלך כתירא וסאלתה אלמזיד למולאי מן כל כיר
15 ברחמתהא (!) ואנתהי עבדהא אלי מא שרחה
16 מולאי מן קלה [[אלמֹאִ]]כתבה למולאי פי אלעאם
17 אלמאצֹי ועבדהא יעלמהא אן כאן לי כתב
18 צחבה אלשיך אבו עבד אללה בן אבו אלכתאיב
19 ורסאלה איצֹא למולאי מן ענד עבדה פי אל-
20 מרכב אלגרבתני מרכב אלסלטאן וקד עלם
21 מולאי מא אלדי גרא עליה פראחת אלכתב
22 ואלרסאלה אלדי כאן צחבתה ופי אלמרכב אלדי
23 כאן בה אלשיך אבו זכרי בן אלשאמי כתב אערפה
24 בהא אלדי צחבה אלשיך אבו עבד בן אבו אל-
25 כתאיב פגרא עלי אלמרכב איצא מא קד
26 ערף בה מולאי לאן עבדה אסתקצא ען
27 מולאי פקאלו לי אן ביתה ואולאדה פי
28 גרבתן פארסלת מע אלמקדם דכרה ואמא
29 כבר אכוך מבשר פהו פי עאפיה ולִםִ יצל
30 פאפעל בהדא מא דכרה מולאי ואמא חדית
31 אלארבעין אלדינאר אלדי כאנת מן אלשיך
32 מצמון עלי ידי אלשיך אבו נצר בן אלישע
33 פמא מעי מן דלך עלם לא אדרי וצלה שי
34 אם לא וקד וצל מא תפצל בה מולאי מן אלגֹ
35 אלקצאע וגחלה אלליִםִ ואלזנגביל וזנביל
36 אלפלפל ואלזנגביל וקבצת גמיע דלך ושכרת
37 מולאי עלי תפצלה ואהתמאמה בדלך
38 פאחסן אללה גזא מולאי ותולא כפאה ולא
39 עדמני איאה ואמא עדר מולאי פי אלפופל
40 אלגדיד אנה מא קדר עליה פמולאי
41 מעדור פי דלך לאן קד וצל גמיע אל
42 מסאפרין ודכרו דלך וקד אנפד עבדה
43 צחבה אלשיך אבו עלי אבן אלחלא אלי
44 מנג<ר>ור קני<נ>תין סכר וקני<נ>תין זביב וקנינה
45 לוז צח הֹ קנאני וקנינה אללוז ממלוה
46 בסכר לאנהא נקצת קליל פמליתהא
47 בסכר וקד אנפד לה עבדה צחבה אלמקדם
48 דכרה נצף רטל זאג ונצף רטל צמגֹ
49 ועשרה ורקאת ביאץ ורטל קסט
50 ואמא אלזרניך מא קדרת עליה פי
51 אלסוק פכאן יצל אלי מולאי יכץ סיידי
52 נפסה אלעזיזה מני ב[[פ]]אפצֹל אלסלאם
53 וסאדתי אולאדה אמתעה אללה בהם
54 ואלשיך במה מכצוצין אפצל אלסלאם
55 וממלוכך (!) אולאדי יכצוך אנת
56 ואולאדך אפצל אלסלאם ושלום
57 נכתב בחדש אלול שנת
58 אתנח לשטרות
[ע"ב]
חצרה אלשיך אלאגל מולאי
אבו אסחאק אברהם בר
פרחיה אלמערוף באבן יגו
עבדה ומלך ידה
כלף בר יצחק
רֹיֹתֹ