CUL Or.1080 J264

Mevorakh b. Yiṣḥaq writes from Alexandria to his father in law, Surur b. Hayyim Sabra in Fustat. The sixties of the eleventh century.
Editor: Ed. Miriam Frenkel, The Compassionate and Benevolent: The Leading Elite in the Jewish Community of Alexandria in the Middle Ages‎ (in Hebrew) (2006). (Information from Frenkel).
Library: CUL
Type: Letter
תעודה מספר 100
ULC Or 1080 J 264
מבורך בן יצחק כותב מאלכסנדריה אל חמיו, סרור בן חיים סברה, בפסטאט. שנות השישים של המאה האחת עשרה.
לא פורסם.
נזכר: אשתור, מספר היהודים, עמ' 5, 9; גויטיין, חברה, א, עמ' 145 הערה 97; שם, עמ' 169, הערה 18; שם, עמ' 286, הערה 23.
Recto
1 שיכי ואלעזיז עלי אטאל אללה בקאך ואדאם לך אל
2 סלאמה ואלנעמה ואלכראמה כתאבי אליך ען חאל
3 סלאמה ועאפיה ושוק לחצרתך אלשריפה קרב
4 אללה אלאגתמאע בך בפצלה ואלדי אעלמך אני
5 משתאק אליך ולי אליום פי אסכנדריה שהר
6 וקד וצל אלי אכבאר מא אנתם פיה מן ציק
7 ואשתגל קלבי לדלך ולא תחסב אן אסכנדריה
8 פיהא רכא הי קריב מן מצר אלכבז וקיתין בדרהם
9 ואלי אללה אלסואל באלפרג וקד וצל אלי כתאבך ביד
10 אבו עלי אלפיג וסרני מא אטלעת פיה מן סלא[מתך]
11 אללה ידימהא לך ואנת תסתקצי עלי אכבאר
12 אלשיך אבו אלכיר מבארך ויום כתאבי אליך [הדא אלכתאב]
13 וצל ברהון אבן אלתאה[רתי] מן [סנב]אט וד[כר]
14 אנה פי עאפיה ואהלה סלאמ//י//ן ולם יציע ל[הם]
15 סוי אתאת אלבית ואלכדם וקד אנפד אלי פי
16 אפתכאהם ערפתך דלך לעלמי בך אנך
17 משגול אלקלב מן גהתה פאסל אללה יסמענא
18 ענך כיר ובנתך בכיר והי באכיה עלי מא תסמע
19 ענך וכתאבי הדא ואצל אליך מע אלשיך אבו אל
20 חוסין הרון בן ישועה אלתניסי אלמערוף צאחב
21 עבד אלבאקי אלעטאר וקד סאלתה פי שרא
22 עדה אלי אלצאגא לאני בקית בלא עידה ואעלמך
23 אן אלתיאב אלדי עלי עירה מן אצדקאי לאן אל
24 תיאב מא תוגד הונא ולא אבו אלפרג שבאת
25 ואכותה פי אסכנדריה כנת אסתעיר מנהם
26 תיאב ואנא אסאלך אן תתפצ'ל ותסלם אלתיאב
 שוליים ימניים
1 אלי מוצל / 2 כתאבי הדא/ 3 אבו אלחוסין / 4 אלמקדם / 5 דכרה והי/ 6 ג אתואב / 7 דביקי / 8 ועמאמאתין / 9 ואחדה שרב / 10 ואכרה קטן / 11 ואחדה כאם / 12ואכרה מקצור / 13 וגלאלה וסרואל / 14 וקד סאלתה / 15 אנפאדהא / 16 מע גמלה / 17 רחלה פנחב / 18 מנך אן לא / 19 תוכרהא / 20 ענה לאני / 21 משתי פי / 22 אסכנדריה / 23 ואלואצל אלי [ ] / 24 באל וא [ ] / 25 [א]כרית מן
Upper Margin
1 [ו[לא] / 2 ת[קטע כתאבך] / 3 עני לאני אגד / 4 בה אנס מתל / 5 לקאך ועלי / 6 אנה לא / 7 [ ] ארל / 8 ד[ ]שא / 9 ובאללה אל / 10 עצים אני / 11 בעץ' אלאוקאת / 12 אדא דכרתך / 13 ואנא נאכל / 14 אני אתנגץ / 15 לדלך
ע"ב
1 לאגל אנקטאע כתבכם עני ואנא פי בלד גרבה ומא
2 אערף אחד ועלי אן אהלהא כלהם יבגלוני מא
3 כלא צדיקך לה [ ] אלס[ ]ן באנה נסלם עליה מא
4 ירצִא ירד אלסלאם ואנא אסאלך אן כתבת כתאב
5 אכתב פי דרגה אליה [ ] קראת עליך
6 אפצל אלסלאם ובנתך תקריך אלסלאם ואבנהא
7 אבו אלברכאת יכצך באלסלאם ויכץ כולתה אלסלאם
8 ואלשיך אבי אלבשר ואלשיך אבו נצר אפצל אלסלאם
9 ומא געלני אנפד אליך פי קצ'[א] אל [ ] לאנך [ ]
10 אלא קלת לא תכרג מן אסכנדריה ואנא משתי
11 עלי כל חאל פתתפצל תרסלהם ואנת תכסי אל
12 גרבה פצלא ען אלודיעא ענדך ושלום
 כתובת
1 יצל אלי ואלדי ואלעזיז עלי אטאל אללה מן ולדה ושאכר תפצלה
2  בקאה מבארך בן יצחק נִנִ
3 אבו אלחסן סרור בן חיים נ'ע'ִ
4  בן סברה