Bodl. MS heb. c 28/11

Legal document, Sunday 3 Adar II 4845 A.M. (1085), Alexandria. Yehuda b. Moshe b. Sighmar appoints Eli ha-Kohen b. Hayyim (=b. Yahya) as his agent to represent him in a litigation against a business partner, Avraham Ha-Kohen b. Faraj al-Rahbi. This is three years after Yehuda had asked Eli to help him to get the money that Avraham owed him and ten years after the original deal between the two. See also Bodl. MS heb. d 65/5 (ed. Cohen in Journal of the Economic and Social History of the Orient, 56 [2013], pp. 218-263, also in Gil, Kingdom, Vol. 4, #623).
Editor: Ed. Moshe Gil, In the Kingdom of Ishmael‎ (in Hebrew) (1997), vol. 4; also ed. S. D. Goitein, unpublished editions https://princetongenizalab.github.io/goitein-notes/6C.2.3%20Bodleian%20%28c28-d65%29/Bodl.%20MS%20Heb.%20c%2028_11%20%28PGPID%20534%29.pdf.
Library: Bodl.
Type: Legal document
Tags: mandate
1  שהדותא דהות באנפנא אנן שהדי דחתמות ידנא לתתא בכתבא דנן כן הוה חצר אלינא כ(בוד) ג(דלת) ק(דשת)
2  מר(נו) ור(בנו) יהודה בחיר הישיבה ביר משה נ(וחו) ע(דן) הנודע בן סגמאר והו פי צחה עקלה ובדנה
3  וגואז אמרה טאיע מן גיר קהר ולא גבר ולא סהו ולא גלט ולא עלה ולא מרץ ולא גיר דלך מן
4  גמיע מפםדאת אלשהאדה וקאל לנא אנני כנת מנד עשרה סנין באלמהדיה וכאן קד אגתמעת
5  מע מ(ר) אברהם הכהן בן פרג נ(וחו) ע(דן) אלמערוף אלרחבי ענדי פי אלבית ואבצר ענדי קטעה ענבר ואחדה
6  וזנהא אתנין וסבעין אוקיה חסנה ביצא טאילה מן ארפע מא יכון פאסתחסנהא וסאלני פי ביעהא
7  מנה פקלת לה מא אביעהא לאני אומל אן אחמלהא צחבתי אלי אלמשרק פקאל לי אן ביעהא באלשאם
8  אופק ואחסן תם סאלני פי ביע נצפהא מנה ותכון ביני ובינה ותכון צחבתה יביעהא באלשאם פאגבתה
9  אלי דלך ובעת מנה נצפהא במא רצית וקבצת אלתמן ובקית אלקטעה אלענבר אלמדכורה אלתי
10  וזנהא אתנין וסבעין אוקיה שרכה ביני ובינה וחמלהא צחבתה ליביעהא באלשאם ווצל אלי אלשאם
11  ווצלני כתאבה באנה באע אלקטעה אלענבר ביע גייד מן תמים בן מסעוד ואכד בתמנהא
12  בקם וחאל סער אלבקם //והו// ענדה וזאד פיה ללדרהם נצף ואבאעה עלי אלרום ביע גייד וחצל פיה
13  גמלה ווצלני כתאבה יקול אחמל לך מא יכצך אלי אלמגרב תם סאפר אלי אלמגרב דפעתין
14  וסאלתה אן יסלם מא יכצני לבן אכי ולם ידפע לה שי תם סאפר מן ענדנא מן אלאסכנדריה צבי
15  יקאל לה בן בניה כתבת עלי ידה כתאב באן ידפע לה ואיש מא קבץ מנה יבריה מנה פסלם
16  אליה תמאניה ועשרין דינאר ואבראה מנהא לא גיר ופי כל סנה יצלני כתבה יועדני באל
17  אגתמאע ולם נחצל מנה עלי שי צחיח ולם יצלני מ[נה] אלי אלאן שי וכדלך אלתמאניה ועשרין
18  דינאר אלמדכורה לם תצל אליי גיר אן בלגני אנה דפע וקד אחתגת אן אוכל וכיל יטאלבה
19  באצל אלענבר אלמדכור אלדי וזנה אתנין וסבעין אוקיה ומא חצל פיה ובמא חצל פי אלבקם
20  ובטלב תאדיה אלאמאנה בעד אקאמה אלחסאב ואלאן אשהדו עלי ואקנו מני מעכשו ואכתבו
21  בגמיע אלאלפאט אלמחכמה ואלמעאני אלמוכדה ובכל לישאני דזכואתא ואכתמו ואזכו בדלך
22  למ(ר) עלי הפרנס הכהן ביר יחיי נ(וחו) ע(דן) לתכון בידה חגה וותאק לליום ומא בעדה באנני קד אוהבתה
23  ארבע אמות קרקע מן אלדאר אלתי לי בפסטאט מצר במתנה גמורה שרירא וקייאמא מתנת
24  עלמין ועל גבן וסמיך אליהם געלתה וכילא לי עלי מ(ר) אברהם הכהן בן פרג נ(וחו) ע(דן) אלמערוף אלרחבי
25  ליסתכלץ לי מנה כל טלב לי ענדה ממא קד דכרתה פי צדר הדה אלוכאלה געלת למ(ר) עלי
26  הכהן הפרנס דנן אן יטאלב ויחוז גמיעה לנפסה ויזכא בה לדאתה וקד געלת לה אן יטאלב בכל
27  בית דין שירצה ואפילו בסיוע עממים וקד געלת לה אן יטאלב ויחאכם ויקבץ ויתסלם וקד געלת
28  טלבה טלבי וחכמה חכמי וקבצה קבצי [ו]תסלימה תסלימי וידה כידי ואסתחלאפה אסתחלאפי
29  וצלחה צלחי ובראתה בראתי ופעלה פעלי לאן דלך ברצא מני וגעלת לה אן יוכל וכיל גירה מן ישא
30  מן אלנאס כיף ישא וכל דמתעני מן דינא מקובל עלי בין לזכות בין לחובה ואין לי לומר לו לתקוני
31  שדרתיך ולא לעותי ודרך גמיע דלך קבלתה עלי נפסי ועלי וראתי בעד ופאתי כאתקן ואחכם
32  מא רתבוה רבותינו ז"ל פי כתב אלוכאלאת ודלך בביטול כל מודעין ותנאין דלא כאסמכתא ודלא
33  כטופסי דשטרי אילא כחומר וכחוזק כל שטרי שטרי מחזקי מזרזי בבי דינא ואקנינא מן כ(בוד) ג(דלת) ק(דשת) מ(רנו)
34  ור(בנו) יהודה בחיר הישיבה ביר משה נ(וחו) ע(דן) הנודע בן סגמאר למ(ר) עלי הכהן הפרנס ביר יחיי נ(וחו) ע(דן) בכל מה
35  דכתיב ומפרש לעילא במנא דכשר למקניא ביה שריר וקיים וכתבנא וכתמנא יום אלאחד תלאתה
36  איאם פי אדר שני שנת דתתמה ליצירה במדינה אכסנדריה דעל כיף ימא רבה מותבה
37 שלמה ביר ששון נע עולה הלוי בן יוסף מוהוב החזן בר אהרן החזן נע
38 סט
39 מנשה הלוי בן יפת (?) המלמד נע