Bodl. MS heb. d 66/64

India Book I, 6–7: Court proceedings dealing with the dispute between Yosef ha-Lebdi the India trader, and Yequtiʾel b. Moshe, 'the representative of merchants' in Fustat. This Monday morning session of the Fustat court followed immediately that of document no. I, 4-5 which was held on the preceding Thursday. In this session the questioning of Yosef Lebdi was concluded. The document is written in the hand of Hillel b. Eli. Dated: Monday, 8 Iyyar 1409 Seleucid, which is 12 April 1098 CE.
Editor: Ed. S. D. Goitein, unpublished editions https://princetongenizalab.github.io/goitein-notes/4C.1.6-%20Texts%20retyped-%20pages%20from%20Hebrew%20edition/Bodl.%20MS%20Heb.%20d%2066_65%20%28PGPID%205338%29.pdf; also ed. S. D. Goitein, unpublished editions https://princetongenizalab.github.io/goitein-notes/4C.1.7%20India%20Book_%20Final%20Chapter%20I_%201-44%20%28Libdi%29/Bodl.%20MS%20Heb.%20d%2066_65%20%28PGPID%205338%29%20.pdf; also ed. S. D. Goitein, unpublished editions https://princetongenizalab.github.io/goitein-notes/4C.1.12%20India%20Book-%20III_%2023-31%20%2884%20pages%29/Bodl.%20MS%20Heb.%20d%2066_64_1%20%28PGPID%205340%29.pdf; also ed. S. D. Goitein, unpublished editions https://princetongenizalab.github.io/goitein-notes/4C.1.12%20India%20Book-%20III_%2023-31%20%2884%20pages%29/Bodl.%20MS%20Heb.%20d%2066_65_1%20%28PGPID%205338%29.pdf; also ed. S. D. Goitein, unpublished editions https://princetongenizalab.github.io/goitein-notes/4C.1.7%20India%20Book_%20Final%20Chapter%20I_%201-44%20%28Libdi%29/Bodl.%20MS%20Heb.%20d%2066_64_2%20%28PGPID%206131%29.pdf.
Library: Bodl.
Type: Legal document
Tags: india ib1
Part of join:
Bodl. MS heb. d 66/64 + Bodl. MS heb. d 66/65
CUL Add.3421 + Bodl. MS heb. d 66/64
Translation: Goitein, S.D. & Friedman, M.A., India Traders of the Middle Ages, I-4-5 Translation: Goitein, S.D. & Friedman, M.A., India Traders of the Middle Ages, I-6-7
I, 6
1 בתרין בשבה דהוא תמניה יומי בירח אייר שנת אתט לשטרו[ת]
2 חצר אלי בית דין מ יקותיאל הנזכר כלף הדה אלורקה וטאלב מ יוסף
3 אלמדכור מעה איצא פי באטנהא בעדל [[אשנ]] מיעה יאבסה וזנה
4 ש ופ מנא ואי מוצע באעה וכיף חאלה פסאל מ יוסף דנן ען דלך
5 פקאל בעת מן אלמיעה אלמדכורה פי דהלך תמנין מנא [ב]ארבעין
6 נקד דהלך יכון תמנהא עשרה דנא' מצריה ואלבאקי [קד] חמלתה
7 צחבתי אלי אלהנד כרג מנה מכוס ואעשאר ומון ואנבאע אלבאקי
8 במאיה ועשרין דרהמא נקד נהר וארה יכון תמנהא באלתקריב
9 תמניה דנא מצריה פקאל מ יקותיאל אסאלה הל חמלהא בחאלהא
10  אם שראהא עלי כיסה או חמל פיהא שי פקאל חמלת פיהא מרגאן
11  לי מן דהלך אלי אלהנד //נחו קנטאר// ולם אלזמהא מוונה אלי אלהנד וחמלתהא אלי נהר
12 וארה ולמא וצלת אלי הנאך אכרגת אלמרגאן מנהא ולזמהא הנאך
13 אלמכוס ואלאעשאר לאן אלמרגאן מא עליה הנאך שי ומא חדת פיהא
14  שי אלי וצולי וביעהא וצח פיהא בעד אלאגתהאד אלמאיה ועשרון
15  דרהמא אלמקדם דכרהא פקאל מ יקותיאל כנת דפעת לה עשרון
16  דינ מצריה גיאד לתכון מוונה אסאלה ענהא פי מא כרגת פסאל
17  מ יוסף ען דלך וען תפציל אלעשרין דינ פקאל מנהא דינאר ואחד
18  ונצף אלכרי מן ההנא אלי קוץ פקאל לה מ יקותיאל הדא אלדינאר ונצף
19  ען כם לזמני כמא תקול פקאל ען קטעה מיעה וען קטעה אשנה
20  ובאקי אלחואיג מן אלנחאס ואלבז [[ומר]] ואלאפתימון והדא אלכרי קבצה
21  פתאן ולזם פי אכמים תמן דינ ופי קוץ תמן דינ ולמא וצלת אלי
22  קוץ אשתרית כיש ותעביה לחמל אלגמאל //וסלבי// תקדיר נצף דינ
23  וארסאן ווזאן תמן דינ ואכריה גמלין מן קוץ אלי עידאב בכמסה
24  דנא חאמל תמאן מאיה ליתי זאיד נאקץ ווצלת אלי עידאב
25  דפעת פי מן סרק אלצרה אלבז רבע דינ ואלחמאל קיראטין וודית
26  פי עידאב עלי אלגמלין כמסה דנא ותלת וחמאלין קיראטין
I, 7
1 וודית עליהא פי עידאב רבע דינ למן אעאדהא עדלין כמא כאנת
2 ופי תמן חצר רבע דינ וחמאלין וצאחב מרכב תמן דינ אלי אן
3 צארו אלמרכב ואכרית עלי אלעדלין בסתה דנא ורבע
4 מן עידאב אלי דהלך ולזמני פי דהלך עלי אלקטעתין
5 מכס סתה דנא בעד מא ברטלת דינאר ואתנין ואכרית
6 עלי [[אל]]קטעה //אלאשנה// מן דהלך אלי עדן בדינאר וסאלה איצא ען אלמרגאן
7 אלדי כאן אצחבה איאה פקאל נעם קבצתה וסרת בה אלי נהר
8 וארה ועארצת בה אלי כרז כמסה ותסעין אלף חבה וחמלתה
9 פי אעדאל לאך וכאנת גמלתהא תסעה אעדאל ועטב מנהא
10 תמניה וסלם מנהם עדל ואחד פיה צרה ואחדה והי
11 באקיה ענדי וסאלה איצא ען אלסבעין דינ אלדי באע לה בהא
12 אלבז וגירה בדהלך אי שי אשתרי[[ת]] בהא פקאל מא אשתרית
13 לה בהא שי בל חמלתהא עינא אלי עדן אלי ענד חסן בן בנדאר
14  //מע מאל לי// וסאלתה אן יסלף לי עלי כמסין בהאר פלפל [[//מנהא// למ יקותיאל]] מנהא
15 טו בהאר ברסם אלשיך אבי יעקוב דנן געלתהא אנא לה //באלצמיר// אנני
16 לם אקדר אעזל מנהא שי באסם אלשיך אבו יעקוב פיחדת
17 אמר פיהלך אלכל פסאלה איצא ען אלאשנה ואלפצה ואלאפתימון
18 ואלמחמודה פקאל גמיע הדה אלאשיא חמלתהא אלי עדן באסמי
19 ואנזלתהא ענד אלוכיל חסן בן בנדאר באסמי איצא וקלת לה ביעהא
20 עלי [[חדה]] //מפרדה// פאנהא ללשיך אבי יעקוב דנן ואמא אלנחאס פבעת מנה
21 מא לם יצלח לגהאז אלהנד ואשתרית עוצה וארסלתה [[לה]] אלי דיאר
22 אלפלפל ליבאע וישתרא בתמנה פלפל עלי ידי חסן בן בנדאר ומא
23 אחק הל געלתה באסם אלשיך אבי יעקוב או באסמי פקאל אלשיך
24 אבי יעקוב דנן למ יוסף דנן ען ראי מן פעלת הדה אלאשיא אלמקדם דכרהא
Verso:
1 מן אלתוגיה ותרך אלבעץ פי עדן וגיר דלך ואנא לם אמרך בשי
2 מן הדא פקאל אנת קלת לי חין דפעת דלך אלי אלמאל מאלך אפעל
3 פיה [[מא תרי]] כמא תפעל פי מאלך פלדלך פעלת הדה אלאשיא
4 ואלדי אעטיתה לאבן בנדאר כאן דלך ען ראיך וען אמרך
5 לישתרי לך בה פלפל ומה דהוה קדמנא כתבנא וחתמנא
6 דליהוי לזכו ולראיה הלל ביר עלי זל
7 אברהם ברבי שמעיה החבר נבתויא נין שמעיהו גאון נע
8 נתנאל ברבי יפת נע