Bodl. MS heb. d 66/66

Recto/verso: verso
India Book I, 13: Draft of a letter from Yosef Lebdi, the India trader, to Ḥasan b. Bundar, 'the representative of merchants' in Aden, dealing with the dispute between Yosef ha-Lebdi and Yequtiʾel b. Moshe, 'the representative of merchants' in Fustat. This letter, as Lebdi makes clear, was composed under the instructions of the court of Fustat. Lebdi informs the recipient that the court has instructed him to write to Aden and request an official account, approved in court, of the dealings made with Yequtiʾel's share of the property. The letter can be dated to 1098 and was written in the hand of Hillel b. Eli. The letter begins in the verso of Bodl. MS Heb d 66/66 and then continues to Bodl. MS Heb d 66/67 (recto and then verso).
Editor: Ed. S. D. Goitein, unpublished editions https://princetongenizalab.github.io/goitein-notes/4C.1.7%20India%20Book_%20Final%20Chapter%20I_%201-44%20%28Libdi%29/Bodl.%20MS%20Heb.%20d%2066_67_2%20%28PGPID%205345%29.pdf.
Library: Bodl.
Type: Letter
Tags: india draft ib1
Translation: Translation: Goitein, S.D. & Friedman, M.A., India Traders of the Middle Ages, I-13
I, 13
Bodl MS Heb d 66 66v:
1 בשמך רחמ
2 כאן קד תקדם כתאבי אטאל אללה בקא מולאי אלשיך
3 אלגליל אבי עלי מר ור יפת הזקן היקר הנכבד
4 שר הקהלות ואדאם תאיידה ועלאה ותמכינה
5 וכבת אעדאה //אלי חצרתה אלכרימה// במא אגנא ענד וקופה עליה
6 באעאדה שי מן שרח תפאצילה ההנא
7 ומא אחסן אשרח לה חרס אללה עזה מא קד
8 גרי עלי מן אלשיך אבו יעקוב אלחכים מן אלענת
9 ואלכצומה פימא כאן לה בידי ותרכת עליתה
10  ענד מולאי והם אלפצה אלקטע אלצגאר
11  ועדתהם סבעה וקד דכר אלחכים אוזאנהם
12  פי אלכתאב אלמדכור [[ואלצרה אלנחאס]] ואלעדל אלאשנה
13  ודכר אן וזנהא ארבע מאיה מנא ואלצרה אלנחאס
14  ווזנהא עלי מא דכר מאיה רטלא ועשרה
15  ארטאל ואלאפתימון עלי מא דכר איצא אן וזנה
16  עשרה אמנא ואלאנה אללטיפה אלמחמודה וגרי
17  ביני ובינה מא אגל חצרתה ען סמאעה לכן
18  מן סיצל אלי גהתה אדאם אללה עזה יכברה במא
19  כאן
Margin:
1 וכאן אקרצתה עלי דלך מאיה דינ אלי חית תגי ולמא תקררת ביננא
2 הדה אלאסתקרא<רא>ת עדל כל מנא אלי מקאולאת ואחתגאגאת אלי
Top of the page:
1 אן ודא אלי כצאים פדכלו פי דלך ביננא זקני
2 יושר וקררו אשיא יאתי שרחהא>> ולמא כאן פי יומנא הדא [[פהו]] אסתקר
Bodl MS Heb d 66 67r:
1 אן אכתב אלי חצרה מולאי אלשיך ליחרר אלדי
2 באסם אלשיך אבי יעקוב אלחכים דנן מן גמיע
3 מא תקדם דכרה מן אלחואיג אלמדכורה וממא
4 סלם מן גמלה אלכמסין בהאר אלדי כאן אסלף לי
5 מולאי עליהא לאנני קד כנת אכדת באלצמיר
6 אן לה מן גמלתהא טו בהאר פיתפצל מולאי
7 עלי ויחרר גמיע דלך אלי אן יציר גמלה מא
8 יעזל מנהא ענדה לי אנא מאיה דינ מצריה
9 גיאד עוץ מן אלמאיה דינ אלתי דפעתהא אנא
10  לה קרצא ען דלך [[ויא]] <<(1) ואחדי עשר דינ ונצף תחטהא (2) איצא מן תמן אלחואיג אלמדכורה>> ויסלם אלי וכילה אלבאקי
11  ויצטנעני פי דלך כעואידה אלגמילה מעי
12  פי כל וקת ואנא אעלם אנני קד תקלת
13  עלי חצֹרתה וצייקת צדרה פי דלך ומא
14  הדא מן קבלי בל הו אלצרורה דעתני אליה
15  פאדא תסלם וכילה מא יתסלמה מן דלך כאן
16  מכתוב במעשה במחצר אלזקנים וכטוטהם
17  פיה ואעלמה איצא אן קד אסתקר בבית דין
18  אן גא אלמבלג אלדי ענד מולאי בקדר אלמאיה דינ
19  ואליא דינ ונצף פצלה אלנחאס וען מוונה אלטריק
20  גדנא וען טו בהאר פלפל ה דנא כאן לי ואן כאן
21  אכתר כאן אלזאיד לה ואן כאן אנקץ פהו לי והו ברי מנה
Bodl MS Heb d 66 67v:
1  ואן תלפת אלגמלה פמא עליה שי וברי מן אלמאיה
2 אלקרץ איצא //כמא תבת בבית דין פי אלשימוש// פיחתאט לי מולאי פי גמיע דלך אחתיאט
3 מתלה לא עדמתה ולא כלות מן איאדיה ואריד
4 מן חצרתה אן ינטר בנור אללה תעאלי פי אלכמסין
5 בהאר אלפלפל ומא צח מן בקיתהא יקסט דלך עלי
6 ועליה חסבמא לכל מנא פיהא פאן לי פיהא לה
7 ולה פיהא טו פמא כאן קד סלם יקסט באלנסבה
8 וישרח מולאי דלך שרחא שאפיא וכדלך מא
9 צח פי אלנחאס אלבתרוה הו ללשיך אבו יעקוב
10 אלמדכור דוני פתביין דלך ותנסך ללוכיל גמיע
11 מא פי דפתרך באסם אלמדכור ותחקקה בעד
12 אכראג אלמכס ואלעמאלה ותשתרי לי באלמאיה
13  דינ בצאעה ותנפדהא מע מן תרי כמא תרי
14 [פאנני]] ואגהד אן תכון אלבצאעה באלמאיה דינ
15  אמא פלפל או לאך חסב מא תרי ותעלם בהא
16  אעני וקת אנפאדהא בעץ אצחאבנא ולא
17  אקל מן אתנין ושלום