CUL Add.3414.1

India Book I, 10–11: Court proceedings from Fustat dealing with the dispute between Yosef ha-Lebdi the India trader, and Yequtiʾel b. Moshe, 'the representative of merchants' in Fustat. Dated: Monday, 12 Tammuz 1409 Seleucid, which is 14 June 1098 CE. These are the proceedings of the seventh session. Just before Lebdi and Yequtiʾel were about to make a solemn oath by the Torah, important merchants intervened in an attempt to prevent such a serious undertaking. The two sides agree to postpone the oath ritual until the arrival of the messenger of 'Yemen and India.' This agent was to deliver the testimony of Ḥasan b. Bundar, the representative of the merchants in Aden. A few further claims between the two were also dealt with.
Editor: Ed. and trans. S. D. Goitein and Mordechai Akiva Friedman, India traders of the middle ages : documents from the Cairo Geniza : India book (2008), vol. 1 https://princetongenizalab.github.io/goitein-india-traders/I-10-11.pdf; also ed. S. D. Goitein, unpublished editions https://princetongenizalab.github.io/goitein-notes/4C.1.7%20India%20Book_%20Final%20Chapter%20I_%201-44%20%28Libdi%29/CUL%20Add.%203414%20%28PGPID%208834%29.pdf.
Library: CUL
Type: Legal document
Tags: india ib1
Part of join:
CUL Add.3414.1 + CUL Add.3414.2
Translation: Goitein, S.D. & Friedman, M.A., India Traders of the Middle Ages, I-10-11 Translation: Goitein, S.D. & Friedman, M.A., India Traders of the Middle Ages, I-12
Cambridge University Digital Library (CUDL)
I, 10
Recto:
1  בתרין בשבה דהוא תרי עשר יומי בירח תמוז
2  דשנת אלפא וארבע מאה ותשע שנין למניינא
3  דרגיליננא ביה בפסטאט מצרים דעל נילוס
4  נהרא מותבה כן הוה אסתקר אלחאל בין אלשיך
5  אבי יעקוב מ יקותיאל בר מ משה הרופא נע
6  ובין אלשיך אבי יעקוב מ יוסף בר מ דויד
7  אללבדי נע עלי אן יחלפא גמיעא כל אמר מנהמא
8  לצאחבה שבועה בתורה עלי אדי אלאמאנה
9  מנהמא גמיעא עלי מא תבת פי צפה אלשבועות
10  בינהמא פי שימוש בית דין ואן ינצאף אלי דלך
11  מעאני גלגלהא כל מנהמא עלי צאחבה
12  פלמא וקפא עלי אלשבועות גמיעא דכלו בינהמא
13  אוהבי שלום זקני יושר וקבחו עליהמא מא
14  המא אן יפ//ע//לאה מן דלך וקררו בינהמא בבית
15  דין בקנין שלם אן יוקפא הדה אלאימאן בעצהמא
16  ען בעץ אלי אכר מדה יצל פיהא אלוכיל אלדי
17  אסתקר אן יקימה בית דין מן דיאר אלימן ואלהנד
18  מן גהה אבו עלי חסן בן בנדאר אלוכיל [[במוקתצא]]
Verso:
1  פאן וצל הדא אלוכיל במא יתראצו עליה ויסקט
2  אלאימאן בינהמא גמיעא פהו אלמרגוב ואן לם
3  יכון אלאמר כדלך בקית אלאימאן בינהמא עלי מא
4  קד אסתקר בבית דין ותבת פי אלשימוש וכדלך
5  אסתקר לאבי יעקוב מ יוסף בר מ דויד בקנין
6  שלם בלפט מעכשו קבל אלשיך אבי יעקוב
7  מ יוסף בר מ שלמה אלקדסי נע פי דמתה וכאלץ
8  מאלה סתה עשרה דינ ותלת ורבע ונצף קיראט
9  ליכון יופיה דלך ענד וצול אלוכיל אלמקדם דכרה
10  מן דיאר אלהנד ואלימן ופי חין דלך אקנינא מן אלשיך
11  אבי יעקוב מ יקותיאל דנן בלפט מעכשו בקנין
12  שלם בכלי הכשר לקנות בו אן למ יוסף בר מ שלמה
13  אלקדסי ענדה ופי קבלה ופי דמתה //וכאלץ מאלה// מן אלאן סתה עשר
14  דינ ותלת ורבע ונצף קיראט ליופיה איאהא ענד
15  וצול הדא אלוכיל אלמנדוב מן בית דין //אלמדכור לעילא// או וצול אלבצאעה
16  אלתי דכר מ יוסף אללבדי אנה אודעהא ענד בן בנדאר
17  עלי נץ מא דכרה פי אלשימוש ולמ יוסף אלקדסי
18  אן יקבץ מן מ יקותיאל הדה אלסתה עשר דינ ותלת ורבע
19  ונצף קיראט מן גיר מדאפעה ולא ממאנעה ולא חגה
20  באחתגאג כל עיקר וכדלך אקנינא מנהמא
I, 11
1  גמיעא //נעני מ יקותיאל ו מ יוסף אללבדי// אן לא יכאטב אחדהמא צאחבה פי
2  הדא אלטלב [[א]]נעני אלתי (!) באלימן ואלהנד אלי אן יצל
3  אלוכיל אלמדכור וכדלך אקני מן מ יוסף בר דויד
4  אללבדי דנן אנה קד אסתופא עד פרוטה אחרונה
5  גמיע מא כאן לה ענד מ יקותיאל דנן מן אלתלה ותלתין
6  דינ' //וסדס וקיראט// אלתי כאן טלבה בהא מן קבל אלשיך אבי נצר
7  מנצור בן אזהר ואנה קד אברא אלשיך אבי נצר
8  דנן מנהא ומא בקי לה מנהא שי ילתמסה פי גהה
9  ואחד מנהמא [[ובהדה אלאסתקראראת בראה]]
10  ומה דהוה קדמנא כתבנא וחתמנא דליהוי לזכו ולראיה
11  תלי ביני שיטי אלמדכור לעילא נעני מ יקותיאל ומ
12  יוסף אללבדי וסדס וקיראט וקיימין ודין קיומיהון
13  אברהם בר שמעיה החבר נבתויא נין שמעיהו גאון נע
14  הלל ביר עלי זל נסים ברבי נהראי הרב זצל
15  יצחק ביר שמואל נע