Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
Bodl. MS heb. d 66/61
Editor: Ed. and trans. S. D. Goitein and Mordechai Akiva Friedman, India traders of the middle ages : documents from the Cairo Geniza : India book (2008), vol. 3 https://princetongenizalab.github.io/goitein-india-traders/III-32.pdf; also ed. S. D. Goitein, unpublished editions https://princetongenizalab.github.io/goitein-notes/5B.2.1%20India%20Book-%20III_%2051-80/Bodl.%20MS%20Heb.%20d%2066_61_2%20%28PGPID%209152%29.pdf; also ed. S. D. Goitein, unpublished editions https://princetongenizalab.github.io/goitein-notes/4C.1.11%20India%20Book-%20CH%20III%20%28English%29%20pt%202/Bodl.%20Ms.%20Heb.%20d%2066_61_1%20%28PGPID%209152%29.pdf.
Library: Bodl.
Type: Letter
1 תרום ידך על צריך וכל אויביך יכריתו
2 והיה שדי בצריך וכסף תועפות לך
3
4 וצל כתאב מולאי וסיידי אטאל אללה פי
5 אלכיר בקאה ומן גמיע אלכיראת לא
6 אכלאה וגעלני מן כל שר פדאה [[ודכר]]
7 וקריה (!) אלממלוך פתאקת נפסי אלי לחטה
8 מן נטרה אסאל בורא הכל אן יסארע
9 אלאגתמאע בה ען קריב ודלך במנה
10 וכרמה אן שאללה ואנתהי מלך ידה
11 אלי מא דכרה סיידי מן אעלאמה
12 כבר אלטרקאת וכבר צלח אלדאעי
13 וגמאעה אלמעתרצין עליה והו
14 יא סיידי אן אלטריק ימשי בהא
15 אלואחד ואלאתנין ולא פי אלבלאד
16 אלא שלום וכדלך אן אלדאעי אצטלח
17 הו וגמיע אלמכאלפין לה ואכד מנהם
18 רהאין ואן אלמראכב גמיעהא וצלת
19 באלסלאמה ואן אלשיך מצמון זל אכד
20 גמיע אלסקיפתין ומא בקא ביד אברה[ים?]
21 סיוא אלבאב ודאר אלנביד ודלך רחמה
22 מנה ללנאס פסאל אלהי ישראל אן יכפיה
23 נואיב אלזמאן וריב אלחדתאן ולא
24 תסאל יא סיידי מא גרי עליא מן מוסי
25 בן מברך (!) ומן שמתה לי פי אכד
26 סקיפתי ומא סרקת אלא מן סקיפתי
(1) כץ נפסך אלעזיזה באפצל (2) אלסלאם ולא תוכר אלנזול אללה יעינך (3) ואמא אלי
ענדנא פלא תמצי
(4) אלי (!) מע נאס תכן עליהם (5) ושלום לך ישיג (6) שלום (7) ואלרקע עלי עגל
יצל אלרקע אלי אלמאלך אלסייד עבדה ומלך ידה
החכם הנבון מר ור אברהם יוסף הכהן בן
ביר כגק מר ור פרחיה נעג משולם מרבה
שלומו
