Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 18J2.14
Editor: Ed. S. D. Goitein and Mordechai Akiva Friedman, India traders of the middle ages : documents from the Cairo Geniza : India book (2008), vol. 3.
Library: CUL
Type: Legal document
1 אלדי נשהד //[[אנ]]// בה //אנא// מצמון בן סאלם באן כתב אברהם בן ישו
2 אלכתב מן קבל //מחאסבה// אלנאכדה בשיר באים אעדה וסלמנאהא
3 אנא מצמון בן סאלם ואלשיך אברהם בן ישו אלי אלשיך
4 אבו עלי אלמצרי בן טייב [[ו]]בעד יום ואיאם וקד
5 למא בקי לספר לילה ואחדה תחאסבנא מעא אלנאכדה
6 בשיר כלנא פי מוצע ואחד ותבת (!) לשיך יוסף בן אברהם
7 ואלשיך כלף בן יצחק פי מרכב גזאלה כמסה אבהרה
8 זנגביל ונצף אלקימה אתנין ועשרין מתקאל ואלנול
9 יקבץ אלנאכדה בשיר מן גמב אלזנגביל לאנה גלב
10 אן יאכד עליה דהב //נולה// ובקי להם אחד עשר מתקאל
11 והן תלת מאלהם כתב להם פי אלשפארה בהאר גיר
12 קיראטין פלפל מכלץ מן אלנול ולם יסלם לשיך
13 אברהם בן ישו מן אחד עשר בהאר זנגביל פי אלשפארה
14 סוא בהארין לא גיר ובקית אלקמאש אלזנגביל ואלפלפל
15 כאן פי אלמרכב לם יסלם פי אלשפארה מן אלפלפל סוא
16 גֹ אבהרה פלפל לכאצה אברהם בן ישו ובהאר גיר
17 קיראטין לשיך יוסף בן אברהם ואלשיך כלף בן יצחק
18 וקד תכשפנא דאלך מן שתמי אלמרכב מן ענד
19 אלשיך מכי בן אבו אלהול לאן אלרקאע אלדי כאנת פי
20 אלמרכב צאעת ואלדי כאנת פי אלשפארה איצא צאעת
21 ולם יכון לשיך יוסף ולשיך כלף פי אלשפארה זנגביל
22 לא קליל ולא כתיר [[מ]] ובהאדא נשהד אנא מצמון בן סאלם
1 אלדי כאן לאברהם בן אשו אחדא עשר
2 בהאר זנגביל כרג נולהא מן גנבהא סלם
3 מנהא פי אשפארה בהארין מכלץ מן אלנול
4 ואלבאקי כאן פי מרכב גזאלה וכתב אברהם
5 בן פיומי צפי
6 ודה