Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S G2.59
Editor: Ed. and trans. S. D. Goitein and Mordechai Akiva Friedman, India traders of the middle ages : documents from the Cairo Geniza : India book (2008), vol. 3 https://princetongenizalab.github.io/goitein-india-traders/III-29bc.pdf.
Library: CUL
Type: Legal document
Translation: Goitein, S.D. & Friedman, M.A., India Traders of the Middle Ages, III-29bc
1 בשמ רחמ
2 הדה אל רואיה קד גאת ען מר יהודאי גאון זצל קאל פי שומרת
3 יבם שנשאת בלא חליצה אן אלדי תזוגהא אן כאן לם יולדהא
4 כאן עליה אן יטלקהא ואן יכרגהא בגט ועלי אליבם אן יחלץ להא
5 והי חראם עליהמא גמיעא לאן להא שבה באל מראה אלתי סאפר
6 זוגהא אלי אל בחר וקיל להא אנה קד מאת פתזוגת ודכל בהא
7 אלתאני תם קדם זוגהא אלאול מן ספרה פאנהא חראם עליהמא
8 גמיעא לקולֹ ען אליבמה דמיחלפא באשה שהלך למדינת הים
9 והדה הי אל הלכה האשה שהלך בעלה למדינת הים בא (!) ואמרו
10 לה מת בעלך כול ואן כאן קד אולדהא ואולאדהא באקיין
11 וכאן זוגהא ישראל פעלי אל יבם אן יחלץ להא ותבקא עלי חאל זיגתהא
12 מע אל זוג אלדי תזוגהא בגיר אן תכון חליצה וליס עליה אן יטלקהא
13 ועלי אנה תזוגהא ולם יחלצהא אליבם לילא יתעלק עלי אל אולאד טען
14 פאמא אן תזוגהא כהן ואולאדהא באקיין פאנהא לא תחתאג
15 אפילו לחליצה מן אליבם אלא תרי אנה אן חלץ להא חרמת עלי
16 זוגהא לאנה כהן וכאן דלך טענא עלי אולאדהא פלדלך לם
17 תגוז אל חליצה פי דלך והדא חכמה דאי עבד אין מא פיה
18 שך ותאני באן נערף מן דלך אדא כאנת מתל מא ישבה דלך
19 וכאנת קד מנהא אולאד באקיין יגב עלינא אתבאתה חתי
20 לא יכון טען עלי אלאולד (!) ומן הדא אלחכם יוקאס אלי גירה ושלום
21 ונסתדל איצא עלי אן בן שפחה שנשתחררה אנה יתר
22 מאל אבוה והו כישראל לכל דבריו מן קולהם עא מי שיש לו בן
23 מכל מקום פוטר את אשת אחיו מן היבום והוא בנו לכל דבר
24 חוץ ממי שיש לו מן השפחה ומן הנכרית ודאיקנא מינה
25 וחררנא קולהם וגדנא ינתג מנה אדא כאנת שפחה משחררת
26 או נכרית מגויירת כאנת אל מסאלה תקצי באל צד ויכון אלולד
27 בנו לכל דבר וירת מאל אבוה וכישראל לכל דבריו וצח לנא בעדים
28 כשירים אן הדא אל ולד והדה אל בנת אנהם אולאד שפחה משחררִ[ת]
29 וליס פי הדא אלכלאם כסר אלבתה ושלום