ENA 2805.14

Letter from Nahray b. Nissim in Alexandria to his uncle Abū l-Khayr Mūsā b. Barhūn al-Tāhartī in Fustat. Dating (Gil): 11 or 12 of April 1051. Nahray reports among other things that he had forgotten to bring his capitation tax receipt "for the year 441" on a business trip. "I asked you to look for it in a linen bag among my belongings in your storeroom, and to send it with Abū Zakariyā al-Ḥannān. If my letters have already reached you, may God protect you, then you have undoubtedly sent it. If my letters have not yet reached you, then I request your attention to this matter, may God preserve your glory, so that (the receipt) will, God willing, reach me quickly." (Information from Marina Rustow)
Editor: Ed. Moshe Gil, In the Kingdom of Ishmael‎ (in Hebrew) (1997), vol. 2; also ed. S. D. Goitein, unpublished editions https://princetongenizalab.github.io/goitein-notes/6D.1.6%20ENA%202805/ENA%202805.14%20%28PGPID%20695%29.pdf.
Library: JTS
Type: Letter
Tags: nahray b. nissim trade taxation capitation tax receipts
Image courtesy of The Library of The Jewish Theological Seminary
Image courtesy of The Library of The Jewish Theological Seminary
ENA 2805, f. 14a, ed. A.L. Udovitch Letter from Nahray b. Nissim in Alexandria to his uncle Abu'l-Khayr Musa b. Barhun Taherti in Fustat, probably written on the 11th or 12th of April 1051. Z.F.3-6-90 (p)
1  כתאבי אטאל אללה בקא מולאי אלשיך אלפאצל ואדאם עזה ותאיידה וכבת
2  חסדתה ועדוה מן אלאסכנדריה יום אלגמעה לד' בקיין מן ניסן כתמה אללה
3  עליה ועלינא באחסן כאתמה ואלחאל סלאמה ונעמאה למוליהמא [אלחמד עלי]
4  מנה וען שוק כתיר לחצרתה צאנהא אללה תקדמת כתבי אליה [אדאם אללה] עזה
5  מן אלטריק ארגו וצולהא אליה וקד וצלת אליום אלי ההנא סאלמא בחמד אללה
6  ופצלה ווגדת אלנאס גוזו אכתר עדל מן מצר ולם יבקי [הנאך אלא] אליסיר
7  ולם יכרג מן אלמדינה עדל ואחד ינתצרו אלעאמל יצל בעדה ליומין ולם
8  יוסק אחד שי אשגלהם אלאסטול ירמוה ללבחר ואלמראכב כתירה
9  ואלוסק אקל ואצחאב אלמראכב יאכדו מן אלתגאר אלסנאבל ויגוזו
10  הם לאנפסהם ואלכב' עדל אלאולא אמס וצלת מן רשיד ואפרקהא אבן
11  אלאסכנדראני עלי אצחאב אלמראכב וכתבו עליהא אסמהם והם גרא
12  יגוזהא ואלי אלאן מא וצל מן אעדאלנא שי אללה יאתי בהא סאלמא אמין
13  ואלנאס מא ענדהם חרכה ספר אלא אלמראכב פי אלבחר ואלעמל פי
14  אלאסטול אסל אללה יחסן אלעאקבה וסאלתה פי כתבי פי באב אלבראה
15  אלגזיה ען סנה תמא סאלתה טלבהא פי בריטה כתאן פי גמלה חואיגי אלדי פי
16  כזאנתה ואנפאדהא עלי יד סידי אבי זכריא אלחנן ואן כאן קד וצל
17  אליה אלכתב הו חרסה אללה לא שך אנפדהא ואן כאן לם תצל אליה כתבי פאסלה
18  אדאם אללה עזה אהתמאמה בהא אלי אן תצל אלי סריע אן שא אללה וכדלך
19  אסלה אדאם אללה עזה יתפצל אן כאן יכתב למולאי אבי אסחק ברהון בן
20  אסחק כתאב פישרח לה פיה צורה חאלי ויעלמה באהתמאמי וחרצי
21  פי קצא חאגה תכצה אכתר ממא יתעלק באלכלטה ויסלה בלטף פי
22  אגראי עלי עאדתה פי מא אחמלה ופי אן יקל פי אלעתב קליל פמא יגלב אל
23  עתב שי פיה כיר ואן כאן ליס יכתב אליה ולא ימכנה מכאתבתה
24  בסבבי ענאיה פיכתב פי כתאב מולאי אבי סעיד במא יבלגה לה
25  אן יכתב רקעה בכלאמה וינפדהא למולאי אבי אסחק ולדה חרסה
26  אללה ויסלה פי אן יכתב לה כתאב ויסנד ענך מא פי אלרקעה אלתי
27  ינפדהא הו חרסה אללה ואנא אריד אן אכתב לה פי תכריק אלכתאב
28  אלשטר ואלשותף אלדי כאן מכתוב אולא וארדת אן אשאורה פי הדא
29  פישרח לי מא ענדה פי דלך פאני וחק אבי לאחסב כל כלמה מנה
30  פי חטי לא עדמתה ולא כלות מן תפצלה
on the margin
1 קראת עלי / חצרתה אלגלילה / אתם אלסלם ואבי / יעקוב יוסף וואלדתה /
2 אתם אלסלם / ומולאי אבי זכרי / אלטביב וסידי אכיה / אתם אלסלם אן גאו /
3 אלי חצרתה אי / וקת וכדלך / מולאי אבי אל / כיר אלצירפי / ופתאה אתם
4 אלסלם / וסידי אבי זכרי / בן עמאר בן מדיני / יכץ חצרתה / אתם אלסלם /
5 / ואסלה אלא / יכליני מן אל / דעא פי כל / וקת כמא / לם יזל
at the head of the page
1 מתפצלא / וקד וצל ברהון / בן אסמעיל מן / רשיד ותרך / אבו אברהים /
2 עיאש ומוסי / ברשיד / ינתצרו אלאעדאל / תצל ויח / /
inscription
1 מולאי אבו אלכיר משה שאכרה נהראי בן נסים נע
2 בן ברהון תאהרתי
3 בקאה מצר אן שא אללה
4 פי אל
5 יתפצל הדא אלכתאב ענד אלפיג ויוצלה לצאחבה מנעמא