PER H 85

Letter from Shelomo b. Eliyyahu to "the one I am angry at," viz., his father-in-law Abu l-Faraj in Alexandria. Shelomo is upset at the lack of letters. He also wants Abu l-Faraj to discipline Abu l-‘Izz (presumably Abu l-Faraj’s son of the same name), whom Shelomo claims is a drunk and a debtor and a disgrace. Abu l-Faraj should command Abu l-‘Izz to stop associating with friends who are a bad influence on him. Abu l-‘Izz borrowed 20 dirhems from Shelomo but now claims that he owes only 16. But this is no matter, Shelomo writes self-pityingly, because he recently lost nearly 250 dirhems on expenses for his daughter who died at 3 months of age. Discussed in Krakowski, Coming of Age in Medieval Egypt, Princeton University Press (2018), p. 254.
Editor: Ed. S. D. Goitein, unpublished editions https://princetongenizalab.github.io/goitein-notes/6E.2.4%20AIU_%20Manchester_%20P.%20Heid_%20PER_%20Philadelphia/PER%20H%2085_2%20%28PGPID%207030%29.pdf; also ed. S. D. Goitein, unpublished editions. With minor emendations by Alan Elbaum (2019) https://princetongenizalab.github.io/goitein-notes/5D.1.1%20Typed%20texts_%20Elijah%20b.%20zech/PER%20H%2085_1%20%28PGPID%207030%29.pdf.
Library: ONB
Type: Letter
Recto:
1 אלמקר באנעאמה שלמה ברבי אליה הדיין היב
2 כתאבי אלי מן אנא עתבאן עליה והו אלמולא אלשיך אלאגל אלמכין אבו אלפרג אטאל
3 אללה בקאה ואדאם עזה ונעמאה ומן חסן אלתופיק לא אכלאה וגמעני ואיאה
4 עלי אחואל סארה ואעין קארה בפצלה ורחמתה וכפי לטפה אנה אלקאדר עלי דלך
5 אן שא אללה אנני כתיר אלשוק אליה ומתאסף עלי אלפאית מן מלאחטתה פאללה
6 לא יכלינא מנה ויגמענא ונחן טייבין אלעיש סארין פארחין אלקלב במשיה [. . . .]
7 אנני בחמד אלהי ישראל ומן ענדי עלי גמלה אלסלאמה ואלעאפיה ולם נעדם שי סוא [ראיך]
8 ואלתחלי בסעיד טלעתך ואלמבאשרה אלי חצרתך פאללה ירוח סרה ויופקה תופיק [
9 בה ואנני למא וצל סיידנא אלנשיא [י]רים אלהנו כסא נשיאותו לעולם במאמר אלהי עולם [
10 צנית אן יכון מע [.]לאמה כתאב מן אלמולא פלם {י}סייר אלמולא מעה כתאב בל אנה קאל [
11 אלמולא אנה פי עאפיה פסררת אן אלמולא פי עאפיה ותאלמת אן כתב[
12 פאללה יגעל אלמולא פי חיז אלסלאמה ואלעאפיה וירזקה זכר למען חייתה אמן [
13 אלשיך אבו אלעז דאמת סלאמתה אנא נסאל אלמולא אן יתווצא בה פהו גראמה וגרסה
14 ונשוה פהו צפה אלגריב ואנמא הו מדל עלי סיאסה אלמולא פירוצה אלמולא [א]לריא[סה]
15 אלתאמה אן לא יעאשר אחד מן מכאלטינה אלדין יכאלטהם לאן אלמעאשרה
16 תגייר בן אדם פלא סימא הו פאללה יצלחה וילהמה וילהמנא לפעל רצאה אמן
17 ואיצא אנני עתבאן עלי אבו אלעז אלמדכור כוני דפעת לה ע[. . .] בן [. .] עשרי[ן]
18 דרהמא פלמא טלבו מנה אלעשרין אלמדכורה קאל מא דפע לי בן [. . .] סו[א]
19 סתה עשר דרהמא ואלאן ילטף אללה אנא מא יהמני מן גראמה ארבע דרא[הם]
20 קד גרמת גמיע מא כאן מעי עלי אלצגיירה ועאשת תלתה שהור וגרמת עליהא
21 ושריעה משה קריב מאיתין וכמסין דרהמא מד גאת אלי חית תופאת וגם זו לטובה
22 ולולא מא גא אברהים בן אלצבאג שצ וקאל לי ען אבו אלעז הדא אלקול למא
Recto margin:
1 צדקת כתאב אלשיך אבו אלמגד
2 בן ופא שצ לאן כתאבה וצל לי בדלך
3 ואלאמר אחקר נאכס אלא אנה
4 א[..]מני לבאס ערצי פי אלעיד
5 וואלדתה פי עאפיה והי משתאקה אליה
6 וכדלך אהל אלבית יקבלון ידין(!) ואל[דהם]
7 ועתבאנין עליה עלי אנקטאע כתבה והם
8 פי עאפיה לם יעוזהם שי {סוא} נצרה ואלי [
9 ואלסלאם עלי אלמולי אבתדי ועלי
10 אהל ביתה אלאעזא צאנהם אללה
11 בחיאתך ועלי סיידנא
Verso:
1 ומולאנא ותאג ראוסנא רבנו אהרון החבר המעולה תפארת החברים הירא שמים
2 האהוב לשם ולכל ברייותיו החכם והנבון צורבא מרבנן ייטיב אחריתו מראשיתו
3 אתם אלסלאם וכדלך סלאמי עלי אכי אלעזיז אלחכים אלנגיב אבו אלברכאת
4 אכו אלמולא ועלי אהל ביתה ומן הם שאכרין תפצלה יקבלון ידיה אלכראם
5 ומשתאקין לטלעתה אלסאמיה ואיצא אלסלאם אלתאם ואל[...] ואלאכראם עלי סיידנא
6 וואלדנא תאג אלעתרה ואלקבילה אלשיך אלואלד אלאציל אבו אלחסן אדאם אללה מעאליה
7 אתם אלסלאם ושלום עליך ועלינו ועל עמו ישראל אמן נצח סלה אלגו[אב]
Verso margin:
1 ואלואלד איצא ואלואלדה ואלכאלה
2 ואלאך אלחכים ואלאהל יקבלון
3 ידי אלמולא ומשתאקין
4 אליה ושלומו יגדל
5 ואל ידל אמן
6 אלגואב
Address (right column):
1 אלי אלתגר אלמחרוס יסלם ללמולא אלשיך אלאגל אלמכין אבו אלפרג אלעטאר
2 בן אלשיך אבו אלחסן אלעטאר שצ מן מן(!) מצר מן ענד אבן אלרייס שצ אמ[...]
3 ولا يعيق الجواب [. . . . . . . . . . . . .]
Address (left column):
1 الى سكندرية يسلم للشيخ المكين ابو ال[فرج العطار بن]
2 الشيخ ابو الحسن العطار من مصر من عند ابي البركات بن الرىيس