Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
ENA 2805.21
Editor: Ed. Moshe Gil, In the Kingdom of Ishmael (in Hebrew) (1997), vol. 3; also ed. S. D. Goitein, unpublished editions https://princetongenizalab.github.io/goitein-notes/6D.1.6%20ENA%202805/ENA%202805.21%20%28PGPID%20705%29.pdf.
Library: JTS
Type: Letter
Image courtesy of The Library of The Jewish Theological Seminary
Image courtesy of The Library of The Jewish Theological Seminary
1 בסם אללה אלעטים
2 כתאבי יאסיידי ומולאי אטאל אללה בקאך ואדאם עזך ותאיידך וסלאמתך
3 מן אלמסתקר נצף תמוז ואלחאל סלאמה ונעמה ואלחמד ללה רב אלעאלמין
4 תקדמת מני אליך עדה כתב ולם ארי לאחדהא גואב ארגו שגל
5 כיר אן שא אללה ולמא כאן פי יומי האדא וצל פיג מן מן אלגרב
6 ודכר אן מרכב בן אלקדאר אלקנבאר[[. . .]] פי וצקה אלפלפל
7 ואנכסרת רגל בן צאחב אלסוק ומא ידרא מן הו לא [גיל: לה] אלקארב ולא [גיל: ולה]
8 אלמרכב והו סאלם וקד עדאת גמיע אלמראכב וללה אלחמד
9 וקד מלית אלקפאר ומא וגדת מע מן אנפדה לך ואנא אחרץ
10 פי תוגיהה וכדלך אריד תשתרי לי בתמן דינ' מא ורד
11 ותנפדה מסרע וכתבך לא תכליני מנהא בחאלך וסלאמתך
12 ועארץ חאגתך אני פי דלך סארך אן שא אללה קראת עליך
1 אתם אלסלאם / ומן תשמלה עניאתך / אלסלם וסיידי אבו / נצר אתם אלסלם /
2 וסיידי אבו אסחק / ברהון ואבו אברהים / עיאש וגמיע / מן סאל ענא / אלסלם
1 ואנא מחבך ברוך אכצך באתם אלסלם ותבלג עני מן פי האדה אלכתאב אתם אלסלם
2 וכנת יאמולאי סאלתך אן תערפני פי כתב סיידי אבו אלפרג מרדוך אן
3 כאן נביע אלאכסייא אלדי כאנו עלי אלשמע אם לא לאן אלשי כאסד
4 ואכפת מן אללאימה פאריד וצול כתאבך אלי סיידי אבו אלפרג מרדוך במא נעמל
5 פיהם אן שא אללה וחסבי תקתי באללה ובה אסתעין ובעד כתאבי אליך דכרו אן בן אלקדאר
6 סאלם ולם יוגח אחד
1 סיידי ומולאי אבי יחיי נהראי בן נסים ננ' אטאל אללה
2 בקאה ואדאם עזה ותאיידה וסלאמתה ונעמתה
3 מן מרדוך בן מוסי ננ
r3 ניכר (גם על פי עניין ה׳קפאר׳, להלן בשורה 9) שנכתב חודש לפני 531 ; ט״ו בתמוז היה אז ה־22 ביוני 1046.
r7 רג׳ל, נראה שמדובר בהגה האונייה, לא ברגלו של האיש.
3-4 אבו נצר, הוא חסד בן ישר התסתרי.
5-6 ברהון, בן מוסא התאהרתי.
7 עיאש, בן צדקה.
v1 ברוך, בן אלשאמה.
v2 מרדוך, בן מוסא, וכן להלן.
v3 יוגח, השורש: جوح