Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
ENA 2805.26
Editor: Ed. Moshe Gil, In the Kingdom of Ishmael (in Hebrew) (1997), vol. 3; also ed. S. D. Goitein, unpublished editions https://princetongenizalab.github.io/goitein-notes/6D.1.6%20ENA%202805/ENA%202805.26%20%28PGPID%20711%29.pdf.
Library: JTS
Type: Letter
Image courtesy of The Library of The Jewish Theological Seminary
Image courtesy of The Library of The Jewish Theological Seminary
1 על שמך
2 כתאבי יא סידי ומולאי אטאל אללה בקאך ואדאם סלאמתך וסעאדתך וצרף
3 אלאסוא ענך ברחמתה מן אלאסכנדריה ליד בקין מן תמוז ען חאל סלאמה
4 ונעמה ושוק אליך קרב אללה אלאגתמאע בך עלי אפצל אחואל ומא
5 תחב עלמה אן מא אכר כתבי ענך טול הדה אלמדה אלא אנני
6 כנת גאיב פי אלבחירה אלי אן חצלת מונתי מן אלקמח וקד וצלת אלהנא
7 אמס כתאבי הדא וקד אגתמעת בסידי אבו אלפרג ישועה פי פוה מן מדה
8 יב יום והו מאצי אלי אלשרק ומעה חריר ושמע מעמול וסאר וכאן יביעה
9 וקד סאלתה אן כאן אכרג לך מעה אלחריר אלדי לך פקאל לי אן לם יסלם
10 לי אלשיך אבו אסחק שי וקד גמני דלך וקד דכר אנה אכרג לך מעה
11 אלמרגאן ואלי אלסעה לם יתפק לי אלאגתמאע באלשיך אבו אסחק אלי אן אסלה
12 איש סבב דלך וענדי אן מא יגיה הדא אלוקת אלא וקד וצל למא קבלך
13 והו יערפך שרח אלאשיא ומא קאצינא פי וקת אלוסק אללה תע יגעל
1 אלעאקבה ללסלאמה / ויגמע עלינא ועליך / ואלמראכב מנהא מראכב /
2 אלשיך אבו עבד אללה / פי אלכנאיס ומרכב בן / מגאהד כאן פי אלעוסג /
3 וקאד קאלו אנה אנתקל / ללגליקה ומעה אלמראכב /
4 בן טאהר וקוארב / .מצי. אלי / .... /
1 ימשי אל.... וקארב / אמר אנלס ומרכב / אמיר תמים ומרכב /
2 אלפארקי .... הם / פי אל.קרה וקד אנתקל / ללגליקה /
3 אעלמתך דלך / וקד וזנת ענך מונה / וגאז לי ענדך כסיר /
4 ובאללה מא אכרני / אן אזן ענך אכתר / אלא אן לם יכון מעי / שי ומא /
1 אשתרית אלקמח אלדי למונתי אלא כאן לי כסיר פי פוה מודוע ובעת חריר כאן
2 ענדי וסידי אבו אלפרג ישועה יעלמך צחבה דאלך ואמא חואיגך עלי פרץ
3 וקד אנפדת אלשכריה אלאשנאן צחבה אבו אלכיר פארגו אנהא וצלת וכתאבי
4 יצל אליך בעד דאלך משרוח במא יתזיד מן אכבאר אלמראכב וקד גאת ענדנא
5 ג אל .... וארגו אן שא אללה אנהא אנתקלת קראת עליך אתם אלסלם וסידי אבו אלפרג
6 צהרך אתם אלסלם ומולאי אלרב אתם אלסלם וסידי אבו סלימאן דאוד ופתאה אתם אלסלם
7 וסידי אבו אלפרג ישועה אן כאן חאצר אתם אלסלם ואברהם אכי יכצכם באתם אלסלם
8 וקד אנפדת אליך דינ' מהדוי מן אלדי דפע לי בן שמעון וג אכר חלביה צחבה ושלום
9 יונה אעלמתך
10 דאלך
1 לסידי ומולאי אבו יחיי נהראי בן נסים נע מן מחבה מוסי בן אבו אלחי נע
2 כלילה אטאל אללה בקאה ואדאם סלאמתה