Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 13J36.11
Editor: Ed. S. D. Goitein, unpublished editions https://princetongenizalab.github.io/goitein-notes/5D.1.2%2013J25-37_%20pt%202/T-S%2013J36.11%20%28PGPID%208093%29.pdf; also ed. Alan Elbaum, (2019). 11/2019.
Library: CUL
Type: Letter
1 אכוהא בו אלמגד
2
3 חצרה אלשיך ברכאת אדאם
4 אללה עזה ועלאה גמע אללה
5 אלשמל בה פי כיר ועאפיה
6 וסואה אנני ארסלת לך גמלה
7 כתב פלם יצלני מנך אכתר
8 מן תלאת כתב יא מולאי אלשיך
9 ברכאת אעלמתך אן אלחאגה
10 אלדי תעלמהא גמזו עליא
11 אלדיואן כצרת בעד שדה
12 עטימה אתנין וכמסון דר
13 וטלבת נביעהא מא פאללה (?)
14 תנבאע לאחד וכל וקת
15 נתלאהא בהא ואנא חאיר
16 איש נעמל מעהא וכל
17 מא מאר אלסער גלי
18 אלכבז סתה בדרהם
19 ומן הוא אלדי ישתרי
20 אליום גאריה ואכרה
21 אנהא מרצת קאלת
22 מא נבאע לאחד אללה
23 אללה אבצר איש תעמל
24 אמא תגי תאכדהא תביעהא
25 פי אלריף או תרדהא אלא
26 אסכנדריה וכל מן יטלב
1 יסתעצדהא תעמל מציבה חתי לא ישתריהא [...] אעלמתך דלך
1 יא מולאי אלשיך ברכאת
2 מא כאן מג.בתהא אלא
3 מצר פיה שי מן
4 אלתופיק ותחב פי
5 כרוגהא נצף דינאר
6 והי עריאנה ענדהא //ונצף קיראט//
7 בלקתין סוסי וסקיע
8 מצר עטים שהד
9 אללה לו אמכני אני
10 נאכדהא ונגי אלא ענדכם
11 לקד כנת נפעל דלך
12 ואנא מריץ מא נקדר
13 עלי אלמגי פי הדה אלאיאם
14 מן שדה אלברד אללה אללה
15 לא תתואנא פי מא תעמלה
16 לאן אלוקת צעב גדא ואנת תערף
17 אלחאל איש הו סרעה סרעה
18 גואב אלכתאב ותסלם עלי אהלי
19 גמיע ותעלמני בכבר זין אלדאר
20 לאני משגול אלקלב עליהא ועלי
21 ואלדתי ואלדתך [. . .] זין אלדאר
22 ואלסלם
1 יצל הדא אלכתאב אלא אסכנדריה
2 אלא אלקמרה דכאן מחאסן אלחרירי יוצלה
3 לברכאת בן הרון בן אלכוזי אמאנה
1 . . . . . عليه شيخ البحر الاول
2 في نصف رمضان المعظم
3 سنة عشرين (؟) وستمائة