Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
NLI 577.3/1
Library: NLI
Type: Legal document
1 נחן אל שהוד אל מסמין אספל הדא אל כתאב חצר אלינא ר' עלאן בר אברהם בר עלאן וקאל לנא כנת כאלמת ר' יעקב בן סלמאן
2 אל מגרבי פי ז ברקלואת כתאן ודפע לי מן תמנהא קבל כרוגה בהא עשרין דינרא ונצף ובאע בעצהא פי צור ומצי באל
3 באקי אלי אל לאדקיה פבאעה תם בעד דלך ועד באל תמן אלי מצר פחאסבתה עלי אל תמן ואל וזן ואסתקר לי קבלה מ דינרא אחאלני
4 בהא עלי מר נהראי ביר נסים נע' בקבצהא מנה דנאניר גיאד ואזנה קבצת מנהא יג דינרא מן ר' אברהם ביר' יצחק
5 התלמיד נע' וקבצת כז דינרא ובקיה אל מ דינר מן ר נהראי ואלאן אשהדו עלי ואקנו מני מן אלאן ואכתבו ואכתמו לר
6 נהראי ור יעקב ליכון באידיהם חגה וותאק לליום ובעדה פי צחה עקלי ובדני וגואז אמרי טאיע גיר כארה לא מגבור
7 ולא מקהור באני קד אבריתהמא גמיעא מן כל טלב ודעוי כסאיר וגוה אל מטאלבאה ואל דעאוי ואן לם יבק לי ולא לאחד
8 מן גהתי עליהמא ולא עלי אחד מן גהתהמא לא שבועה דאוריתא ולא שבועה דרבנן ולא אפילו חרם סתם בין
9 במפרש בין בגילגול ומחלתי להם על הכל מחילה גמורה בעולם הזה ולעולם הבא גיר אן בקי לי עלי יעקב הדא
10 ז ברקלואת כתאן אלדי אעטיתהא לסלמון בן כלפה אכר גיר הדה אלדי קבצת תמנהא מן יעקב ואבריתה מנהא עליה
11 אן יטלב סלמון הדא בן כלפה באל חגה הדא אלדי כתבתהא לה בטלב סלמון באל גויים פאיש מא חצל מן גהתה סלמה לי
12 ואן ועאיד באללה לם יחצל שי כרגת אל מטאלבה פי דלך ביני ובין יעקב והדה אל מאטלבה פי מא יכתץ מן טלב סלמון לא
13 פי גירה וליס לי אן אטלבה בדיני אמות העולם בוגה ולא בסבב ואנמא טלבי מעה בדיני ישראל לא סואה וכל חגה
14 אכרגהא ערבי או עבראני אנא עלאן בר אברהם או אכרגהא אחד בסבב בראה פהי אפך וזור ובאטל
15 ומחאל לא ילתפת להא אחד מן אלחכאם ולא יחכם בהא ואבטלת כלמא עלי ורחתי בעדי מן אלאן
16 להמא ולורתתהמא בעדהמא באתקן ואשד מא רתבוה רבותינו וכ' ל ?? אלכתב ואקנינא
17 מן ר' עלאן לר' נהראי ור' יעקב עלי גמיע מא שרח פי הדא אל כתאב
18 לחדש אייר
19 יהושע ע