Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
JRL SERIES L 213
Editor: Ed. Moshe Gil, Palestine During the First Muslim Period (634–1099) (in Hebrew) (1983), vol. 3.
Library: JRL
Type: Letter
1 כתאבי יא ואלדי אטאל אללה בקאך ואדאם עזך ותאיידך וכבת
2 אעדאך מן צור ואלחאל סלאמה ועאפיה ואלחמד ללה רב אלע[אלמין]
3 ען שוק אליך שדיד גמע אללה ביננא ברחמתה אן ש[א אללה]
4 וממא אעלמך בה אנני יום כתבת הדה [אלאסטר מעוול עלי]
5 אלספר אלי עכא אחצל מנהא שי ואעוד אן שא [אללה אלי צור]
6 אדכל פיהא עלי אלדי אמלכת עליהם (!) ואקים ב[הא איאם וקד]
7 כ[נת] כתבת כתאב צחבה ולד אלשיך אבו נצר יה[ודה]
8 אלדמשקי אערפך פיה מא קד אסתקר לי פי גביל [ודלך]
9 אנהם אגר[ו] לי מא יקום בי ובביתי ובגמיע מ[א אחתאג אליה]
10 ויעז עליי [א]ן נפתרק בלא אן ליס בד לי פי אל[אגתמאע]
11 ואן אטלע ונגתמע פלא תדעני מן אלדעא א[לצאלח]
12 ואלל[ה א]לעאלם מא אשתהית אלפרקה אללה בינ[נא הו]
13 אלדי קטע רזקי ואפרק ביננא ומא תסוי ענדי ע[ישה
14 אלצבי בטאל בלא מעישה בלא אנס קד אנסני קד טלב[ת]
15 אלטלוע אליכם ולם אמכנה אלי דלך לילא ישגל קלבכם
16 ומא אתצלת אלא אליתימה מא להא חבה לאגל אנה[א תגי]
17 מעי אלי מצר פסאלתך באללה לא תקטעני מן אלד[עא לאני]
18 אקאסי רכוב בחר פי כל וקת ולא תקטעני מן כ[תבך]
19 פי כל וקת אלי צור אלי חצרה מולאי אלרייס פאנה יצלני אלי ג[ביל]
20 כצצתך באתם אלסלאם וואלדתי אלסלאם ומולאי אלשיך
21 אבו עלי ומן תחוטה ענאיתה אלסלאם ועמראן יכצכם
22 באלסלאם ותכץ לי אלשיך אבו יעקוב אלסלאם [ואלחזן]
23 אלממחה בן שכניא וולדה אלסלאם ומולאי [
24 וולדה אלסלאם וגמיע אצדקאנא אלסלאם [ולא תקטעני]
25 מן כתאבך ואלסלאם
26 וכתב אליום אול מן שהר רמצאן תפג
1 לואלדי ואלעזיז עליי מולאי אלשיך אבו ולדה
2 [נצ]ר סלאמה בן סעיד אלמערוף געל פדאה
3 בן נפיע
4 [אטאל אללה בקאה] ואדאם עזה