T-S 13J17.1

Letter from Marduk b. Musa in Alexandria to Nahray b. Nissim in Fustat. (c. July 1048 CE). Marduk expresses outrage as he reports on the opening of a bundle of commodities passing through Alexandria on its way to Fustat; the goods included a qintar and forty ‘jarawi ratls’ of wax and a bundle of silk (khazz). The letter also mentions an order for earthenware goblets (‘saghar’) with gold luster in Fustat. (S. D. Goitein, Mediterranean Society, 1:337, 487; 4:149, 394; Jessica Goldberg, Trade and Institutions in the Medieval Mediterranean, 173) EMS
Editor: Ed. Moshe Gil, In the Kingdom of Ishmael‎ (in Hebrew) (1997), vol. 3; also ed. S. D. Goitein, Nahray‎ (in Hebrew). Transcribed from S. D. Goitein's typed texts; also ed. S. D. Goitein, unpublished editions https://princetongenizalab.github.io/goitein-notes/5C.1.1%20NN_%20Michael_%20pt.1/T-S%2013J17.1_1%20%28PGPID%20979%29.pdf; also ed. S. D. Goitein, unpublished editions https://princetongenizalab.github.io/goitein-notes/5C.1.2%20Nahray%20101_%20pt.1/T-S%2013J17.1_2%20%28PGPID%20979%29.pdf.
Library: CUL
Type: Letter
Tags: nahray b. nissim trade silk commodities
Cambridge University Digital Library (CUDL)
1  כתאבי לסידי ומולאי אטאל אללה בקאה ואדאם סלאמתה וסעאדתה וציאנתה וכפאיתה ורעאיתה
2  מן אל אסכנדריה יב כלון מן אב ערפה אללה ברכתה וברכת מא יליה מן אל שהור ואעאדה
3  עליך סנין בבנין ביתו אמן ואל חאל סלאמה וסתר ללה אלחמד רב אל עאלמין ונעלמך יא מולאי
4  אן וצל כתאבך ווקפת מנה עלי אכבארך וסלאמתך וסררת לחאלך כתיר תדכר אמר
5  כתאב אלדי תרך ר' משה ענד יוסף אל מרגאני וקד סאלת יוסף פי באבהא קאל מא
6  ענדי סוי כתאב ואחד כתבה בן אל קאש פקאל לי תקבצה פקלת חתי יצל כתאבך
7  ואלא אל סעה מא ענדנא כבר מן אל גרב סוי אלקארב אלדי וצל פאללה תעאלי יסמענא
8  כיר ואמא חדית אלרזמה אלדי וצלת ברסם אלשיך אבו סעיד ואכוה קד
9  פתחת פי דאר אבו רוח וקד וגדו פיהא קנו מ רטל שמע באלגרוי ושק
10  עלי דלך לאן דלך פאתח רדי עלי אל נאס ופי וצטהא רזמה כז ברסם
11  סידי אביצחק ברהון שריכך וקד פרג אל שמע מן וצט אל רזמה אל שיך אבוצחק
12  ואנשדת כמא הי וקבצהא אברהים בן אל אסכנדראני פמן וצל עשארי
13  הו יוצקהא ואש מא וצל לך מן אל רחל אנא נקבצה וננפדה לסידי אבוצחק ברהון
14  ואל שיך אבואל בשר סלמאן הו כארג גד כתאבי פי אל בר ואנא ננפד לך מעה
15  אל רדאת ואל סידור וקד דפעת אלכתאב לסידי אלחזן מ' שלה וקד כאן
16  סאלתך אן תקבץ לי מן סידי אבוצחק ג' דנני ותשתרי לי בהא עדל כתאן ולם
17  תדכר לי פי באבה שי סוי מא קלת נשתרי לך עדל כתאן ואל כתאב אלדי וצל
18  לך צחבת סידי אבו אלבשר סלמאן אנפדתה לך מעה ואנא נעמל
19  אכתר ממא דכרתה פי [ ] חדית אלזית ואלצאבון וגירה ותעלמני
20  אסעאר אלשש במצר ואסעאר אללאסין לאן ענדי מנה רטילית נחב
21  ננפדהא וקד כאן כתבת לסידי אבי זכרי אלחזן נדכר לה אן לם נרא לך
22  כתאב ווצל אלי כתאבך בעד דלך נחב תשתרי לי אוקיתין
23  תכון טייבה ותנפדהא ותשתרי לי סאגרה פכאר מטליא ותעטיהא
24  לאלחזן לא יכן בד ערפתה דלך וקד כאטבת סלאמה ולומתה עלי אנחדארה
25  ודכר אן וצלת אל מראכב הו יטלע מע אל זית למצר אן שא אללה תכתץ
26  אטיב אל סלאם וסידי אבוצחק ברהון אפצל אלסלאם ותקול לה אלדי קבצה מן
27  קארב נעמאן כא עדלא וט' ברקלואת [[מן בעיד]]]
(margin)
15  ברקלואת
(above)
10  ואן טלעת
verso
1  קבצתהא והי ענדי פי אל מכזן וסידי אבי אלפרג והב יכצך אלסלם והו
2  גאי אלי ענדך ללקדס וסידי אבו נצר דאוד בן נחום יכצך אל סלאם
3  וגמיע אצחאבנא יבלגוך אל סלם ואבי אלחגאג יבלגך אל סלם והו
4  יסאלך אן תגתמע במוסי בן אל בני ותכאטבה פי אמר אל ה' דנ וקד אחאלני
5  עלי מוסי ולם ידפע לי שי עסי תקבצהא מנה אנת [[וקד אנפדת]]
6  לקד אשתרית מן סידי אבי אל בשר סלימאן אל קאבסי ח' ארטל חריר
7  מן סנס כה דינ וקד קבצתה תמנהא וגאז לי ענדה תמן דינ
8  והי דנ אן גיאד וקד קאל אן נחב תגעל סידי אבי יחיה יקף מעי
9  פי נקדהא תתפצל [ ] תקף מעה פי נקדהא ותנצר מא כאן
10  מכצור בין אל כצר אן בהרג פאחש תבדלה אליה ומא צלח
11  אכדה תדפעה אליה פעלת מתפצל וארגו אן יכון כתאבך קריב
12  פאן בקי מן אל דנ שי תעמל עלי תמנוה מן בעד מא תחאסבה
13  בתמן דינ נחב מנך אן תתפצל ותמצי אלי מולאי אל שיך עבד
14  ותסאלה אן כאן באע אל גא וק אלדי ברצם עדלין יציף תמנהא
15  אלי אל ו' מתאע חסין מן בעד תערף מא יחצל מן בעד אלמון
16  חתי נדפע ליה רבחהא הון אעלמתך דלך ?
1  יום אל ד' ליב כלון מן רביע אלאול אל מוקפ זוג צואפי ד' ורב אבן אבו אל סרור זוג צואפי די אלא סדס
2  מקצור אבן מברה ב' ורב /ברכאת ב'/ עבדאללה ב' וסדס
(upper margin)
 לסידי ומולאי אבי יחיי נהראי בן נסים ננ מן מרדוך בן מוסי ננ אמאנה
 מוצלה
 אטאל אללה בקאהה ואדאם סלאמה וסעאדתה יצל אל פסטאט אן שא אללה