Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 13J18.11
Editor: Ed. Moshe Gil, Palestine During the First Muslim Period (634–1099) (in Hebrew) (1983), vol. 3. With minor emendations by Alan Elbaum (2020); also ed. S. D. Goitein, unpublished editions https://princetongenizalab.github.io/goitein-notes/5D.2.1%20-%2013J%20%2812-18%29/T-S%2013J18.11%20%28PGPID%20988%29.pdf.
Library: CUL
Type: Letter
1 בשמך רחמ
2 שלום וחמלה וישועה מעולה ופדות וגאולה ורוח והצלה
3 ושמחה מגודלה וטובה מהללה וסיקול מסילה וכל
4 הברכות האמורות בעשרים וארבעה ספרים יהיו כולם
5 זר ועטרה ונזר ותפארה על ראש אהוב רוחי נשק (!) חשקי
6 בן כגק מר ור משה הכהן הזקן הנכבד בירבי כגק מר ור גוליב
7 הכהן מנוחתו עם אבות עולם זל ושלשת חמודיו בראש
8 ובתחלה כגק מר ור יושיאהו הפרח הטוב החכם והנבון
9 ואנא וכל מן ענדי מוהנוין (!) לחצרתהם אלמוקדסה בהדא אל
10 מועד אלשריף אלדי פך אללה פיה אסרנא מן עבודיה פרעון
11 אללה יבלגכם אמתאלה שנים רבות ואתם ששים ושמחים
12 ותזכו לחזות בנועם יי ולבקר בהיכלו ותזכו לאכול מן
13 הפסחים ומן הזבחים שיגיע דמם על קיר מזבחך יי בשלום:
14 ורבי סע>ד<יה ורבי ישועה האלהים יגדלם בתורה ובמצות וכן יהי
15 רצון ומודיע הדרתו הקדושה אן חצרתה אלסאמיה סאפרה
16 מן ענדנא ונחן גמיענא משגולין אלאסראר בכם ולם יצל
17 מנכם כתאב לנערף חאלהם ארגו יכון לכיר ואבו אלביאן
18 ואכתה פי כל עאפיה ואיצא ואלדתהם פי עאפיה והיה (!)
19 משגולה אלקלב בכם והיה (!) משגולה אלקלב וכלנא במא קד
20 טרא מן אמור אלגדרי אלדי תעלק פי [[אמר]] אצחבנא וקד
21 תעלק פי דאר ותנתין ותלתה ואתופא אבן סוהיל אלצגיר אבן
22 תלאתה שנין (!) ואבן מוברך כוליל עלא כוטה קביחה ונחן מא
23 לנא עיש מן שוגל קלובנא אללה תעאלא לא ישגל לנא ולא
24 לכם קלב ואנא ואבו אלחסין ואבו שעיד ואם אבו אלביאן וביאן
25 [ו]סתאת גמיעהם יהניהם בהאדה אלמועדים ויקבלו ידיהם
1 ואלוגע אלתי כאן פי רכבי וסקע קד זאד בי ותרבה אלהאב[ות] (!)
2 זל אלא כתבת האדא אלכתאב אלא ואנא מוקעי עלא
3 גנבי ושלומכם ירבה לעד נצח סלה ישע יקרב
4 ואן סאל חצרתה עני יעלמהם באחואלי ובמא אנא פיה ארגו
5 יכון לכיר וקד אנפדת פי טיי כתאבה כתאב לצהרי אבו א[ל]
6 צרור תתפצל חצרתה תנפדה אליה אלקאהרה אלמחרוסה
7 [ ] תנפד קליל כוחל אלמש[ ]יא קבל אל[
1 [י]גיע לגק מר ור משה הכהן הזקן אהובו ומודה חסדו אברהם
2 הנכבד בירבי כגק מר ור גוליב //הכהן// הצדיק בירבי סעדיהו החבר בג
3 נע החברוני זצל