Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 13J2.1
Editor: Ed. S. D. Goitein, unpublished editions https://princetongenizalab.github.io/goitein-notes/5D.2.3%20-%2013J%20%281-10%29%20PT%201/T-S%2013J2.1%20%28PGPID%20996%29.pdf.
Library: CUL
Type: Legal document
1 שהדותא דהות באנפנא אנן שהדי דחתמות ידנא לתחתא בחמשה בשבה
2 דהוא עשרין ותלתה יומי בירח כסלו דשנת אלפא וארבע מאה וחד שנין
3 למניינא דרגיליננא ביה בפסטאט מצרים דעל נילוס נהרא מותבה כן הוה
4 חצרנא ענד מר אלעזר הכהן בר מר הלל הכהן נע פי יום אתצלה בחסאן
5 בת מר אהרן נע ארמלה מר אברהם החזן הידוע בן בצילה פקאל בית דין
6 למר אלעזר הדה אלמרה להא ולד והו צגיר אלסן וקד יגוז אדא כבר טאלב ואלד[תה]
7 במא כלפה ואלדה קליל כאן אם כתיר ונריד נקני מנך אנך מתי מא כבר
8 הדא אליתום ואלתמס מטאלבה ואלדתה לא תמנעהא מן מחאכמתה פקאל
9 לנה אעלמכם אנני אנא רבית הדא אליתום והו מני וליי וקראבתי אביה
10 ואמה ואנא אשפק עליה מן כל [ואחד] ואי שי אלתמסתם מני פעלתה פאלאן אשהדו
11 עלי ואקנו מני מעכשו ואכתבו עלי בגמיע אלאלפאט אלמחכמה ואלמעאני
12 אלמוכדה ובכל לישאני דזכואתא וסלמו דלך אלי בית דין ליזכו בה למ כלף היתום
13 ולד זוג[תי] הדה חסאן בת מ אהרן נע אנני מקר ענדכם פי צחה מני וגואז אמר
14 טאיעא מן גיר קהר ולא גבר ולא אכראה ולא סהו ולא גלט ולא עלה בי ולא
15 מרץ ולא גיר דלך [מן] גמיע מפסדאת אלשהאדה אנני קד קבלת עלי נפסי מן
16 אלאן ואלזמת רו[חי מע]כשו בשהותי ואכתיארי אן אזון הדא אליתום כלף ולד
17 זוגתי חסאן דא [ואכסו]ה הי פי עצמתי אלי אן יבלג אשדה ויציר פי עדאד אלרגאל
18 פאדא בלג אלי דלך [ ] אלתמס אן יחאכם ואלדתה עלי מא כלפה ואלדה לם
19 אמנעהא מן אלחצ[ור מעה] אלי אי בית דין כאן ומחאכמתה אל[ז]מת דלך עלי רוחי
20 מעכשו דלא כאסמכתא ודלא כטופסי דשטרי אלא כחומר כל שטרי מחזקי מזרזי
21 דבי דינא ותקנאתא דרבנן וקד אבטלת כל מודע וכל תאויל געלתה או געלה לי
22 גירי לא פסך בה שי מן הדא אלכתאב כתיקון חכמים וקנינא מן מר אלעזר הכהן בר מר
23 הלל הכהן נע במנא דכשר ל[מקני]א בכל מה דכתיב ומפרש לעילא ושהדותא
24 דא כתבנא וחתמנא וסלמנא דלך לבית דין דליהוי למ כלף היתום דנן ולד מר אברהם
25 החזן נע לזכו ולראיה תלי ביני שיטי ואכסוה וקיימין ודין קיומיהון הלל החזן ביר עלי זל
26 עלי הכהן ביר יחיי ננ