Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 13J23.22
Editor: Ed. Moshe Gil, Palestine During the First Muslim Period (634–1099) (in Hebrew) (1983), vol. 3; also ed. S. D. Goitein, unpublished editions https://princetongenizalab.github.io/goitein-notes/5D.2.2%20-%2013J%20%2819-24%29_%20pt%202/T-S%2013J23.22_3%20%28PGPID%201066%29.pdf; also ed. S. D. Goitein, unpublished editions https://princetongenizalab.github.io/goitein-notes/5C.1.1%20NN_%20Michael_%20pt.%202/T-S%2013J23.22_1%20%28PGPID%201066%29.pdf; also ed. S. D. Goitein, unpublished editions https://princetongenizalab.github.io/goitein-notes/5C.1.2%20Nahray%20101_%20pt.2/T-S%2013J23.22_2%20%28PGPID%201066%29.pdf.
Library: CUL
Type: Letter
1 כתאבי אטא[ל אלל]ה בקא מולאי ורייסי [[אלגליק]] אלגליל ואדאם תאיידה וסעאדתה
2 ובלגה אמאלה ומרגובה מן אלמסתקר לט בקין מן תשרי כתמה אללה תע עליה
3 באחסן אלכואתם אעאדה עליה סנין כתירה ואעואם מתצלה בששון ובשמחת לבב
4 וישיתהו ברכה בקרב הארץ ויראהו בשמחת ירושלים עם כל ישראל חברים אמן
5 ואלחאל עלי גמלה אלסלאמה ואלעאפיה אחמד אללה ומן שוקי וחשתי אלי חצרה
6 מולאי ורייסי כבת אללה אעדאה מא לא ינטק בה לסאן ולא יכטה בנאן אסל
7 אללה אישאך אלגמע עלי אפצל אלאחואל ואסר אלאמאל ברחמ וקד תקדם לי
8 גואב כתאב מולאי ורייסי חרתה אללה מע גואב מולאי אלשיך אלגליל מר ורב
9 נהראי חרסה אללה ולמא אד אתפק ספר טוביה ודכר אנה יקצד חצרתה
10 חרסהא אללה גדדת גואבי תקיה בוצולה עלי ידה לילא יכאלטה חרסה //אללה// שך
11 פי אהתמאמי במגאובתה ופהמת מן כתאבה חרסה אללה בעץ אלגרץ פאן
12 תוגה לה וגה מן גואב בן נחום או בן כלילה יקתצי אן לי פי גהתה שי פחסן
13 ואלא פאן אנפד אליהמא כתב פיגדד דכר דלך עליהמא עלי אלצפה אלדי
14 קד ערפתה[א] אטאל אללה בקאה ותפצל חרס אללה חיאתה בדכר אלמראכב אל
15 גאייה ואנא וחבתי וגרבתי במא דכרה מן תפצלה ואן טפר בכתאב או בכבר
16 ינפדה אלי פקד אפאדני באעצם אלפואיד וחן אלי ברקה ושפקה אחסן
17 אללה מגאזאתה ואכתר מא יתפק דלך מע קומא מן אהל מגריט או מן
18 אהל טליטלה פאהל מגריט יערפון אלאכוה ואלד חק אלמערפה לאן ספרה
19 אליהם וקד יגוז אן יכון מעהם כתאב אן כאנו יטנו אני פי אלחיאה ואללה
20 תע יעטם לך בדלכך אלאגר וגזל אלתואב ולא יכפא עליה חרס אללה חיאתה מא
21 קד וצף אלחכים מוקע שמועה טובה מארץ מרחק מן אלנפס ואלקלב ואללה
22 אסל אלתופיק כצצת מולאי ורייסי חפט אללה חיאתה ופסח פי מדתה באפצל
23 סלאמי ואן אנפד כתאב אלי מרינו ורבינו יוסף בן אברהם זל יכצה בסלאמי
24 ואכאה ר אברהם יזכה ויחיה ויראה זרע יא ימ וחפ בידו יצלח וכדלך גמיע
25 מן תשמלה רואיתה ותחוט בה ענאיתה סלאמא עמימא גזילא חסב אלשוק
26 ואלברכות ואלסלם עלי מולאי ורייסי אלשיך אלגליל ורחמתה וברכאתה
27 וארך ימים ושנות חיים ושלום יוסיפו לך
1 וכתבת בחסב אלדאלה ואלאנכסאח כתאב אלי אלואלדין חרסהמא אללה ראגבא אלי מולאי ורייסי כבת אללה עדאה
2 לעלה יראעי מן אהל טליטלה תגאר או מן קד אנצרף מן אלחג מן מגריט לעל יוצלה אליהמא אבקאהמא אללה ואלסלאם
1 ואלדי סאלה חרסה אללה מן כבר
2 בני כשכיל פאני קליל מא
3 אלקאהמא לאן אלרייס חרסה
4 אללה גיר מרצי וענהם ולא
5 חאגה למעאנדתה והמא עלי
6 גמלה אלסלאמה וקד אוצלתהמא
7 גמיע מא רסמה פי כתאבה טוביה
8 ומע מוצל כתאבי איצי
9 ערפתהמא
10 السلام
1 למולאי ורייסי אלשיך אלגליל אבו אלפרג מר ורב כאדמה אסמאעיל בן יצחק אל
2 ישועה ביר שמואל ננ בטליוסי אלאנדלסי במצר
3 אטאל אללה בקאה ואדאם עזה ותאידה וסעאדתה ישע רב