T-S 24.65

Letter from Ṣadoq b. Yoshiyya, in a border town somewhere in the Levant, to the judge Yosef b. Avraham, in Fustat. Dating: probably the beginning of 1100 CE. In this document Ṣadoq, known from Megillat Evyatar and formerly the third of the yeshiva, describes his disgruntlement at having to be in this location, where he went to liberate captive children held by Crusaders in Antioch, including a little girl from his own family, who has now been released. He is still endeavoring to free his son-in-law (שרנו אדירנו חתננו שר בית ישראל), whom Goitein identifies with Abū Saʿd the son of the Tustarī woman (mentioned as a Crusader captive in T-S 10J5.6 + T-S 20.113). Ṣadoq has also sent a letter to the Nagid (Mevorakh b. Seʿadya) reporting on his efforts for the captives. Verso contains the address and, written inverted in relation to the text on recto, 8 lines of pen exercises in a different hand. (Information in part from CUDL)
Editor: Ed. and trans. S. D. Goitein, "New Sources on Eretz-Israel in Crusader Days‎" (in Hebrew), Eretz Israel‎ 4 (1956); also ed. and trans. Moshe Gil, Palestine During the First Muslim Period (634–1099)‎ (in Hebrew) (1983), vol. 3; also ed. and trans. S. D. Goitein, Palestinian Jewry in Early Islamic and Crusader Times‎ (in Hebrew) (1980).
Library: CUL
Type: Letter
Tags: captives children crusaders
Cambridge University Digital Library (CUDL)
1  בשמ רחמ
2  לי מדה טוילה מא קראת ליקירנו השופט
3  היקר אטאל אללה בקאה ואדאם תאיידה
4  וחראסתה ונעמאה כתאבא ולא ערפת
5  לה כברא מן גהתה בל ממן יצל פאסתעלם
6  חאלה פיכברני מא יטייב נפסי ויקר
7  עיני מן מגארי אחואלה ויסוני מא קד
8  אעתמד פעלה מן אלאטראח וקלה
9  אלאנצאף לכן הדא //אכס// אלזמאן ומוגבה לא
10  חילה אן עאתבתה טאל אלעתאב ואלזמאן
11  יקצר ען דלך לסרעה תוגה מוצלה ולא
12  שך מערפתה אכבארי ואחואלי ומא אנא
13  עליה ואן אכבר אלאסבאב אלמוגב מקאמ[י]
14  פי הדה אלבלדה מע כראהייתי דלך
15  כון בעץ אלאולאד באקי פי אלאסר באנטאכיה
16  ואנתטארי למן יצל ממן אלקלב מתעלקא
17  לנטרה ולמא מן אללה תעאלי בדלך ותפצל
18  בכלאץ אלטפלה ווצולהא שלום חמדת
19  אללה תע עלי אחסאנה מע עוד מן כ[אן]
20  אלאמל מת/ע/לק לעודה שלום ולם יבק
21  אלא חצרה שרנו אדירנו חתננו שר
22  בית ישראל אחסן אללה כלאצה וגמע
23  אלשמל בה פאנא מומל דלך ומרתגיה
24  וכיף לי לו תמכנת ומלכת אכתיארי אן
25  אכון מוצע אסטרי הדה מתשרפא בהדרת
26  [ה]נגידות תכון לעולם ומגדד אלעהד
27  בה ואלאסתנאד אלי כתפהא לכן אלמאנע
28  ען דלך נכב אלקלב ממא כאבדנאה
29  וקאסינאה ממא אלעוץ ענה מן אללה תע
30  וכתרה אלאכטאר פי אלבחר פי הדא אלאואן
31  לכני קנעת וגעלת עוץ דאך מכאתבה
32  אצדרתהא אלי אלחצרה אלעאליה אלמדכורה
33  חרס אללה עזהא ואלנעם ענדהא מא
34  אגני ענה פי איצאלה ואלניאבה עני ואן
35  כאן עלי מא עהדתה מנה ואלפתה ואן
36  כאן גיירה אלזמאן פלא חילה ואן האן
37  עליה אגאבתי ען הדה אלאסטר עאגלא
38  בדכר מא אחתאג אלי מערפתה מן גהתה
39  פעל דלך ווקופה עלי אלכתאב אלמדכור
40  ינביה עמא לא אחתאג אלי דכרה ממא
41  אלחאגה דאעיה אליה פעיני טאמחה אלי
42  אלטריק ווצול אלגואב אן כאן אלי דלך סביל
43  ואן כאן אמרא יקדח פיה פמא אכלפה
44  לאנני קד כנת אצדרת אליה כתבא עדה
45  אכדהא עלי יד אלשיך אבו אסחק אלחמדת
46  שמ צו ולם ירדני ענהא גואב ולא חילה
47  אלצבר עלי אלצדיק ולא פקדה ואכי
right margin
1  חאמל הדה אלאסטר
2  יעיד עליה תפאציל אלאמור
3  מא ליס פי אלוקת פסחה אלי
4  כתבהא ואותר מנה
5  אלנאיבה עני ענד גמאעה
6  אצחאבנא ואיצאל
7  סלאמי אלי מואלי אלשיוך
8  [ו]אלאצדקא ואלאחבאב
9  ותערפהם שוקי
10  אליהם וארתיאחי
11  אלי משאהדתהם
12  ווחשתי לבעדהם
13  ואללה יסבב אלאגתמאע
14  עלי אפצל חאל
15  ואיתאר במנה
16  ושני חמודינו ובן
17  אח[ו]תו מע כתר
18  אלשוק אלי[ה] יכצוה
19  אתם סלאם
20  ואופר תחייה
21  [ושלו]מו ירב נצח
verso
1  ל[י]קירנו ואהובנו כגק אוהבו ודורש שלומו
2  מרנא ורב יוסף השופט צדוק ברבי יאשיהו
3  היקר ישמר צור ישראל אב בית דין זקל
4  בן זקיננו מר אברהם הזקן נע חלקת מחוקקי