Note: This database is re-populated every day at midnight, Eastern Standard Time. Information in this database may become unavalable for approximately 10 minutes while this process completes.
T-S 12.581
Editor: Ed. Ṣabīḥ ʿAodeh, "Eleventh Century Arabic Letters of Jewish Merchants from the Cairo Geniza" (in Hebrew) (1992); also ed. S. D. Goitein, unpublished editions https://princetongenizalab.github.io/goitein-notes/6F.2.1--%2012.302-832/T-S%2012.581%20%28PGPID%203183%29.pdf.
Library: CUL
Type: Letter
1 ממלוך חצרה מולאי ותאג ראסי וסיידי אלעזיז עליי וענדי
2 אלתלמיד אלגליל אלפאצל אלעאמל אלעאלם אלשיך בן עמראן שצ
3 יקבל ידיה אלכרימה ומואטי קדמיה וינהי שוקה אליה ואלי מן ענדה
4 אלגבירה אלמיוחסה הצנועה געלת מן כל סו פדאהא ומאתני
5 ואחיאהא וגמע שמלנא בכם ובאכותי עלי אסר אלאחואל אמן סלה
6 וגיר דלך אנני כנת סירת צחבה עמיד זוג בנת עמי יוספי
7 ללצגירה ומלחפה לסת סעאדה אשתריתהא להא יו דרהם ונצף
8 וסאלתה יחמל צחבתה קדרתין שהד קאל מא אחמל שי אצלא
9 ומא אכד אלמלחפה לבעד שדה וחק תורת משה בן עמרם
10 אלה דנאניר אלדי כאנת מודועה ענד צהרי לם יבק מעי
11 מנהא ולא דרהם אלפרד ולו תופית אללילה מא כאן מעי מא
12 ישתרי לי בה תאבות ולא חק רופקה בעונותי אצרפת דינארין
13 גאליה וחטיתהם פי עמאמתי ושלת מן עלי ראסי אצרפת
14 דינארין גירהם וסירת יוספי ללצגירה ועמרת פי אלכניסה
15 גמלון וזרוב אסתתרנא בהם ראח מני כשב וקצב ומעגנה
16 טין ותבן וצנאע ורקאצין טין כג דרהם ומא חק אלשם
17 בקית אמלך [[כרובה ולא]] אפילו [דינא]ר ואחד ואנקטעת אלטרק
18 באל . א ובקי אלספר ל[איס מתיכן [ . . . . . . . . . . . . . . . . . . . . . .
19 ואם מנהם תסתוחש[ . . . . . . . . . . . . . . . . . . . . . . .
20 פימא אקולה ואן ה[ . . . . . . . . . . . . . . . . . . . . . . . .
21 מא אכלת תקול אשת[הי . . . . . . . . . . . . . . . . . . . . . . .
22 ענדנא ופי אלכניס ש[יבשר . . . . . . . . . . . . . . . . . . . . . . .
1 ענדי פראריג ומא פי אלבלדין לא מניה זפתי ולא מניה גמר קפאץ
2 אשתהי תסירו לי קפץ מן אלדי סירתהם לכם
1 . ]מן כל בד פמא בקי[ . . . . . . . . . . . . . . . . . . . . . . . . . . . . . . . .
2 . . . . . . ] אלחדית ואלמוא [ . . . . . . . . . . . . . . . . . . . . . . . . . . . . . . . .
3 ומולאי אלשיך אלגליל ב[ו . . . . . . . . . . . . . . . . . . . . . . . . . . . . . . . . .
4 וחצרה מולאי אלנפיס אלע[טאר . . . . . . . . . . . . . . . . . . . . . . . . . . . . . . . . .
5 ועלי אכותי גמיעהם ומולאי [ . . . . . . . . . . . . . . . . . . . . . . . . . . . . . .
6 וואלדתה וזוגתה ואכיה ו[ . . . . . . . . . . . . . . . . . . . . . . . . . . . . . . . . .
7 ונעים וזוגתה ועמלת אם א[ . . . . . . . . . . . . . . . . . . . . . . . . . . . . . . .
8 שגל אלריף טולהא ה אדרע גליטה מא צבת מע מן אסי<ר>הא ומא א[נפדהא]
9 אלא אליום וגוי מא האן עליי אסירהא צחבתה לעל נציב יהודי ושלום
יום אלארבעה שבת ראה אנכי
10 וח כשבנא נפאת מן רמצאן קד יבסו ומא כיר וכל אחד יחמלהם חתי ולו
11 אלעמיד דכר בכיר
12 יא מולאי אלשיך אלנפיס לא אוחשני אללה מנך ולא אכלאני מן משאהדתך
13 תנעם תסתודע מוצלהא כמסה ארטאל שוכה הדליא וכמסה ארטאל
14 אצול חלו ותכתצר מעה פי תמנהם מתפצל גיר מאמור ואללה אוחשתני ואלסלאם
1 יצל אלי דכאן אלשיך אלנפיס א[ ] מרבעה אלעטארין יסלמה ללשיך אבי עמראן
2 צהר אלממלוך מנעם מתפצל מן עבדהא מנצור בן יסראל מן מניה זפתי