ENA 2855.16

Legal rebuttal regarding the lawsuit between Yosef Lebdi and Wuhsha over the possession of 22 bales of lac. So far, six bifolia and two leaves have been identified, totaling 28 pages of what must have been 40 pages in 2 quires. It seems that the judge in the lawsuit ruled in Lebdi's favor. A certain 'rayyis' wrote and published a critique of the ruling and supported Wuhsha's position. The judge answered with a rebuttal, and what has survived in the Geniza is the rayyis's rebuttal of the judge's rebuttal. The writer often quotes passages from his original critique and from the judge's answer. While the document is complex and obscure, the positions of the two sides are simple. The judge believed Lebdi's agreement with his two partners, Farah and Abu Nasr, includes the 22 loads of lac in question, as long as the other party does not provide proof that it does not include them. The unnamed rayyis argued that since Lebdi had no proof that the 22 bales belonged to his partnership with Farah and Abu Nasr, they must be considered as belonging to Farah's and Abu Nasr's heirs, since the bales are in their possession. In other words, since the bales are in the hands of the heirs, the burden of proof must be on Lebdi. Farah and Abu Nasr, it must be remembered, were murdered in Aydhab. Lebdi was entitled to 29 shares out of 30 of everything in their partnership and Abu Nasr and Farah had between them only one share. Farah's heirs already took their small share of the 22 bales of lac. It is worth noticing that only Wuhsha is mentioned as 'the heir' to Abu Nasr, even though we know she had another brother and two sisters. The trial between Lebdi and Wuhsha took place in 1104, three years after Lebdi came back from India, because the judge intentionally delayed the proceedings to give the parties time to come to an agreement. The last fragment, whose place in the larger document is not known, contains the information that the case was brought before a Muslim judge, who ruled in Wuhsha's favor. This document was thus written during or shortly after 1104. ENA 2855 16: I, 27a p. 1 T-S Ar 47 245: I, 28, p. 1 ENA 2855 15: I, 27a, p. 2 T-S Ar 43 272: I, 27 T-S G2 60: I, 28a, pp. 1-8 T-S Ar 49 33: I, 28b. For further explanation of the complex codicology of this document see Friedman's notes in pp. 174-177 in the Hebrew edition, and pp. 242-244 in the English edition.
Editor: Ed. S. D. Goitein, unpublished editions https://princetongenizalab.github.io/goitein-notes/4C.1.7%20India%20Book_%20Final%20Chapter%20I_%201-44%20%28Libdi%29/T-S%20Ar.%2043.272_1%20%28PGPID%205364%29.pdf; also ed. S. D. Goitein, unpublished editions https://princetongenizalab.github.io/goitein-notes/5B.1.2%20India%20Book-%20trade%20docs%20291-end/T-S%20Ar.%2043.272_2%20%28PGPID%205364%29.pdf.
Library: JTS
Type: Legal document
Tags: india ib1 account
Part of join:
ENA 2855.16 + T-S Ar.47.245 + ENA 2855.15 + T-S Ar.43.272 + T-S G2.60 + T-S Ar.49.33
Translation: Goitein, S.D. & Friedman, M.A., India Traders of the Middle Ages, I-27-28
I, 27a p. 1
1 נצר הדא בשום פנים בעולם ולקד כאן יגב
2 איצא עלי אבו נצר לו כאן לה שיא עלי מא
3 זעמת וארתתה אן יכתב כתאב במא יכתץ
4 בה פי הדא אלמאל מע פרח או פי
5 טייה אלמווגה ללוכיל מע אלבצאעה וכאן יביין
6 פיה נציבה מן אלאעדאל מן נציב פרח שריכה
7 ולא פימא אדא כאן דלך כארגא ען מאל אל
8 שרכה עלי ראי מן זעם אנה מן מציאה
9 או מא ישבההא אלא הואיל וקד גא כתאב
10 פרח במפרדה אלי וכילהם ואלי שריכהם
11 עלי גארי עאדתהם אלמעהודה בינהם //וכ//למסתקר
12 פי אלשרכה דל דלך אן הדה אלאעדאל מן מאל
13 אלשרכה ויגב רגועהא אלי אלוסט ולו כאן לאבי
14 נצר שיא עלי מא זעם אלטאלב וקד עלם
15 אן הנא עליה במצר אלטלב אלתקיל אעני מאל
16 אלשרכה אלמכתוב עליה ועלי פרח שריכה
17 יכון יוגה בעד הדא באעדאל הי לה לכאנתה
18 מן מציאה או ירושה בכתאב פרח סקט
VERSO:
1 ולא יכון פיה דכר ולא אימא בשי מן הדא
2 לא אקוא דליל מן הדא אן ליס לאבי נצר
3 פי הדא אלמאל אלדי תדעי בה אלוארתה ותקול
4 אנה מן מציאה או מן ירושה שיא וקד
5 עלמה מא קלנאה מן אלהלכה אלתי קלנא
6 והי אחד מן האחים שהיה נושא ונותן
7 בתוך הבית והיו אונות ושטרות יוצאין
8 על שמו ואמר שלי הן שעליו להביא
9 ראיה עלי מא ביננאה וליס כאלדי קאל
10 אלרייס פי הדא אלחכם והמוציא מח ע הר
11  וקפת עלי הדא אלפצל אלדי אטאל
12 פיה אלכטב איצא ותאמלתה פראית פיה
13 אשיא עגיבה פאמא מא קאלה מן אנה מא
14 יעלם אננא מלזומין בהמתנת הדין
15 פאקול אן עלי הדה אלקציה אלתי דכרתהא
16 מא עלמת לאן אלטאלב יקול יאיהא אל
17 חכאם מא בקי לי חגה גיר מא אעלמתכם
18 בה ירפע תלת סנין אתרי אן הדא
19  ליס
I, 28 p. 1
1 אלדי קד צח אנהם כצוץ לא עמום ידפע //ב//הם
2 קול אלעמום המקנה לחבירו דבר שלא בא
3 לעולם פי קלב אלקציה וידפע אלעמום מן בין
4 ידי אלכצוץ ויגעל אלכצוץ עמום ואלעמום כצוץ
5 כמא קד ביננא ואוצחת אן המקנה עאמא
6 לכל וגה ומעני פאנה לא אמר כלום פלא תאתיר
7 ללשרט פיה ובטל מא אראדה מן תתבית
8 אלשרט עלי מאל אלשרכה אדכאל מאל כארג
9 ענהא פיהא מתנה פאן קאל מא הו מתנה
10 פתרי אי שי הו אדא כאן עוץ מא אכדו ולו
11 אכדו צאר דלך מכר ולא קאם פמא כרג ען
12 אן יכון מתנה וקד אקדרת //אן// אלמתנה פי דבר
13 שלא בא לעולם לא תמלך שי מנהא ולא צמנו
14 דרך שיא פי מאל אלשרכה פכאן ילזמהם
15 פי אלדמה בלשרט אלשרכה ובהפסד לפי
16 מעות ולו כאנו אלתזמו פי אלכסארה נציבא
17 יקומו בה מן כאצתהם כאן יגב אן יחרר
18 מבלג אלכסארה ילזמ[ו] אן יופו קדר מא [[אל]]
19 אלתזמוה וכאנת אלאעדאל תכרג פי כסארתהם
Verso:
1 אן פצל להם שיא אכדוה ואן בקי עליהם שי
2 טולבו בה ואלאן חית שרטהם בהפסד לפי מעות
3 [[לא]] <<להא >> סדס עשר מא צח ותבת אנה מן מאל
4 אלשרכה ונצף מא לם תקום בה ביינה אנה מן
5 מאל אלשרכה: פאמא אללווה ומן קבץ
6 מטלטלי ואלתזם פיהא מא ילזם אללווה ועלי אנה
7 שומר חנם או שומר שכר פאנה גאמר
8 ומשעביד נפשיה פי שי מעלום לא מגהול בל
9 מעיין וקד קבצוה וצאר אליה פאדא הו אלתזם
10 דרכה פקד שעביד נפשיה לשי מעלום גיר
11 גהול בל מחדוד מעיין לא פי מגהול ולא פי מא
12 לם יקבצה ולם יציר אליה חתי אנה לו ק//א//דרנא אן אל
13 אנסן אבאע מא ירתה מן מורתה במאל אכדה
14 ואשהד בה עלי נפסה תם מאת מורתה
15 בעד חינא פחצר אלמשתרי לבית דין ותבת
16 שהודה בבית דין או אקר לה אליורש אנה
17 קד אבאעה אלירושה בכדי וכדי אליס ועלי אן
18 אלביע מפסודא יגב אן נסתכרג מן //אל//מיראת
19 ומן אלמציאה ומן גמיע מוגודה מא קד קבצה
  פליפיק
I, 28 p. 2
1 לם ילפט בה פלא יכלו אמרה פי קולה הדא
2 מן אחד אמרין אמא אן יכון מקר אן הדה
3 אלשהאדה ליס פי קותהא דכול האולי אלפנון
4 אעני אלמציאה ואלמתנה ואלירושה לו כאן תם
5 ירושה פהי מתל מא אנא קאילה וגנינא ען
6 אן יכתב אוראק פי דלך ויוגד אלנאס אנה
7 קד רד פאן קאל נעם אן מא פי קוה אלכלאם
8 אלדי שהדו בה אלשהוד תמליך אלמציאה
9 ואלמתנה ואלירושה לו כאן ולכן הדא אלמאל
10 אלחאצר ההנא הו מאל אלשרכה וליס הו
11 מציאה מן חית שרט אלשעבוד אלדי
12 שעבדו על עצמם פאן אקאמו אלדליל
13 עלי הדא אלמאל אנה מן גיר אלשרכה
14 ואנה אחד הדה אלפנון אמא מציאה או ירושה
15 או מתנה ואלא פלו יאכדו שי כמא קד
16 תקדם קולה בהדא אלרד עליה פי דלך
17 מן ג וגוה אלוגה אלאול הו אנה קד תקדם
18 אלכלאם ואלרד עליה פי אן אלשעבוד לא יכון
19 אלא פי דאת מאל ישעבד אלאנסן נפסה
Verso:
1 פי דאת דאך אלשי אלדי יצמן דרכה פיה
2 כשומר חנם אלדי ישעבד עצמו פי מא
3 יחפטה כאלשואל וליס חכם הדה אלשרכה
4 הכדי אד לם יצמנו פרח ובו נצר יום קט
5 שיא מן אלשרכה פי דמתהם לדלך מן אמר
6 שרטהם פי אלרבח ואלכסארה פבטל במא
7 וקע אלרד פיה מן אלנטר ואקואל אלגאון זל
8 אן אלשרכה לא תשעבד שי כארג עמא
9 יכצהא פי דאתהא ואמא ימלך מן חית
10 אלשרכה אמר כארג ענהא מא סמע
11 הדא מעולם וקד ביינת פי דלך מא פיה
12 כפאיה. אלוגה אלתאני הו אקאמה
13 אלדליל עלי אן הדא אלמאל מן מציאה או
14 מתנה או ירושה וקד איצא ביינת אן
15 עלי אללבדי להביא ראיה אן הדה אלאעדאל
16 מן מאל אלשרכה כאנא פרח ובו נצר
17 חצרא ואדעיא אן הדה אלאעדאל <<מן>> מציאה
18 או מתנה או כאנו וראתהם חאצֹרין ואדעו
19 מתל הדא או לם ידעו וטענינן אנן ליתמי
I, 27a p. 2
1 אלעראקיל דעואה אן אלמוגוד הו מן מאל אל
2 שרכה אשתרי לו קדרנא [[כאן]] אן אללבדי
3 כאן מעהם וקת שראה וסבקהם גא
4 וחקק אן הדא מן מאל אלשרכה אתרי כאן
5 קולה מקבול בגיר ביינה . אלגואב
6 לא פכיף ומא יטלב אלא בטן אנה אשתרי
7 מן מאל אלשרכה פנחן לו כאן מחקק מא
8 אעטינאה שי בקולה נעטיה בגאלב טנה
9 בלא שך אן אלגואב לא. פנקול אלאן קד
10 זאלת אלעדקאלה. ואלתאני נטרנא פי אלחכם
11 לחסן אלעאקבה פנבטל הדה אלהלכה
12 ואלתאלת חית ומא וגדנא פיהא שי ננאקצה
13 בה נקבח עליה אלחסן אלואגב ונקול
14 לה אסתדלאלך ואן כאן ואגב צחיח נקול
15 נחן אנה גיר ואגב וקד אנדפע [ה]אולי
16 מא כאנת מוגודה פי גמיע מא אסתדל
17 אלעראקיל בה הו
Verso:
1  ודלך ביין טאהר תם קאל נט רח
2 ואנגד אלכלאם אלי אכרה ממא אלקצד
3 בה תתבית אלהלכה כר עקיבה מחבירו אלדי
4 הו אמר לא ישך פיה אקל תלמיד יערף
5 מא לה ומא עליה ואלאטאלה פי דלך מא כאן
6 תם חאגה אליהא ואל[[ק]]//כ//תצאר אולא לקול
7 זכ ל לעולם ישנה אדם לתלמידו דרך
8 קצרה ונחן מא אטלנא אלכלאם פי מא תקדם
9 מנה אלא בחסב אלחאגה אליה ולו אמכננא
10 אלאכתצאר פי דלך לפעלנאה וכדלך נכתצר
11 אלכלאם איצא פי מעני הדה אלהלכה הנא
12 ומא פיהא מן פקה כחכם אן ליסנא מ
13 מחתאגין אלי דלך פי מא נחן פיה מן
14 הדא אלחכם נטרת הדא אלפצל
15 פראיתה כלה קלה אנצאף פאולה קאל אן
16 קולי לא שך פי צחתה אקל תלמיד אראד
17 בדלך אן הדה אלהלכה היינה כפיפה מפהומה
18 פמשמתא בפצילה ואכר אלכלאם נכתצר
I, 27
1 אלכלאם פיהא ומא פיהא מן פקה והדא
2 תעטים להא והו צד מא קאל אן אקל תלמיד
3 מא יחתאג אלי אלאטאלה וכתם אלקול אנהמא
4 גיר מחתאגין אליהא ואוסט אלכלאם אן אל
5 אכתצאר ען דכרהא אולא ונתיגה הדא
6 כלה ביין מן כלאמה //והו// אנ[[.]]הא צחיחה ומא
7 נחכם בהא וכדלך גמיע מא קלתה אנא
8 הו צחיח מא יחתאג יפתש פי שי //פאנה// יקע
9 פיה יקול מא אקבל כמא קאל ההנא אחב
10 אליה ממא ידוון אגלאט תם קאל
11 נט רח תם עטף בעד הדא בכלאמה
12 אלדי קאלה ואסתלחק וקאל ואמא כתאב
13 פרח ו[...]מן עידאב למ יוסף דנן יקול פיה
14 קד וצל צחבתנא נחו תמאנין עדלא
15 [ע]ליתהא לאך ואנהם ינפדו דלך אול באול
16 [ל]על ילחק פיה סוק פאקול אן הדא אלכתאב
17 [ל]א יפיד למ יוסף שיא גמלה לאננא אדא
Verso:
1 קצינא אן הדה אלתמאנין עדל מן מאל
2 אלשרכה אפתקדנא אלי מן יחקק לנא
3 אלכב עדל אנהא מן גמלה אלתמאנין עדל
4 אלדי דכרוהא ולא מן סואהא ואלדי ידל
5 עלי אן הדה גירהא לאנה כתב אליה יקול
6 לה ואנא אנפדהא אול באול ידל אן הדה
7 אלאעדאל אלדי לם ינפדהא אליה
8 <<הי>> מן סואהא ולו כאן אנפדוהא אליה או אלי
9 אלוכיל וכתבו אליה באן יסלמהא אלי
10 אללבדי כמא כתבו פ[י] באבה אלאעדאל
11 אלמתקדמה לכאן קד צחו ל[ל]שרכה
12 פלמא כתבו ללוכיל ביע וקד אלתמן
13 ענדך אלי חין וצולנא ומא עלי ידך
14 יד כרגת בדלך ען אלשרכה למ יוסף
15 לא לה אד לם יכתבו אן הדה אלאעדא[ל]
16 מן שרכתנא ולא מן גמלה אלתמאנין ע[דל]
17 תקדם כתאבנא בה בל פצחו אנה
18  ודיעה
I, 28a p. 1
1 פיצח חכ[ם] תמליך דבר שלא בא לעולם פ
2 פלדלך צח ותבת אן אלשרט פי מא לא ימ
3 ימלכה פאסדא מפצוכא בטאלא עקד מחלול
4 לא יפיד שיא גמלה ואלשרט ההנא צעיף
5 גדא והאוי אד ליס הו פי דאת מאל אלשרכה
6 ופי מא אתית בה כפאיה תם קאל
7 נט רח ואמא קולה בעד הדא ומא לנא אן נ
8 נחמל עלי הדה אלשהאדה אנהם מלכוה
9 אמואל אלנאס אדא תעדו ואכדו מנהם אמואלא
10 וכדלך לא ימלכוה מתנה תעטא להם ולא
11 מציאה יגדוהא ולא שהדו אן גרי דלך פי וקת
12 עקד אלשרכה ולא אנהם אקנו מנהם אנהם
13 מעכשיו קד מלכוה שיא כארגא ען ארבאח
14 [אמ]ואל אלשרכה והו בקיה אלכלאם יקול פאקול
15 אן הדא אלכלאם הם לא יאכדה אלתחציל ואל
16 תחריר איצא וכאן יגב אן ידפה רוחה ודלך אנה
17 יקתצי כלאמה אן תחתמל הדה אלשהאדה
18 אן יכרג מן קותהא באנהם מלכוה אמואל אלנאס
19 אדא הם תעדו ואכדו מנהם אמואלא
Verso:
1 וכדלך לם ימלכוה לא מתנה ול[א מ]ציאה
2 מא דלך צחיח פיגב אן יקאל לה אולא מן הו
3 אלדי לפט בהדא או דכרה מעולם או אי חאגה
4 תלגי אלי דכר הדא או מתי צח לנא אן ל
5 להאולי אלקום מציאה או ירושה או מן דכרהא
6 או אשנעהא ענהם בשום פנים בעולם
7 חתי נקול ענהם [[שיא מה קאלוה ולא קיל ענהם]]
8 שיא מא קאלוה ולא קיל ענהם ולא איצא ורתה
9 פרח אלדי אכדו נציבהם אלחקיקי וכאן >ֹ
10 אחדהם חאצר מע פרח ואבי נצר הדא
11 ולם ידכר הדא ענהם ולא אסתגאזוה גמלה
12 אלא אכדו נציבהם וערפו אלחק עלי אנפסהם
13 ואנצרפו פדכר הדא מא יגוז לאן מא צח לנא
14 ולא קיל ולא אשנע לא מנהם ולא מן סואהם
15 פצאר אדן כאללגו וקפת עלי אל
16 פצל מן כלאמי וכלאם אלדיין נט רח וראית מא
17 פיה מן כלאמה מן אל אלסו ואלשר וקלה אלעלם
18 ואמסכת עלי גארי עאדתי אלא אנהי תחקק
19 אנה אן עאד תקחם עליי בעד הדא אלכתאב
  מא
p. 2
1 מא ארגע עקאב לה במתל כלאמה לאנה יציר
2 מא ראבח פאלאולא אן יחפט אלפאטה ואן כאן ענדה
3 עלם יורדה וינקץ בחסן אדב וידע ענה
4 סו אלאדב ואלאסתנקאץ פהדה מן סיים אלספהא
5 ומא אקול אלאן אכתר מן הדא אמא קולה
6 אן כלאמי לם יאכדה אלתחציל פקד עלם
7 אללה וכל מן וקף עלי כתאבי וגואבה הו
8 איצא אדא וקף עליה מן הו אלגיר מחצל
9 ומא וקף איצא עלי כלאמנא בעדנא פהו ינטר
10 וידכר כל ואחד מנא במא יסתאהלה וכהדא
11 אתעזא פי ספהה עליי ואמא ראיה לי פי אל
12 סכות פישיר בדלך עלי רוחה ירשד ואמא
13 קולה אן כלאמי יקתצי אן פי קוה כלאם אל
14 שהוד אנהמא שהדא באשתראטה עליהמא
15 אן ימלכאה אלמציאה ואמואל אלנאס וקאל אן
16 דלך מא הו צחיח פראית פי הדא אן ליס קצדה
17 סוי אן שי קלת קאל מא הו צחיח ולא הדא
18 כלאם מחצל חתי אנני לו קלת שי אן צדה
19 נקץ אלצדין ולם ירד עליי מן וגה חק ויקול לי
Verso:
1 כיף תקול אלשי וצדה ואנמא יק[ו]ל מא הו רד
2 וישבח במא לאח לה ויפרח ויתנאול […]
3 ראי בעץ עלמא אלאנדלס קד ספה עלי [מא]
4 הו אפצל מנה פאעגבה דלך ורגב אן יגר [י]ני
5 מעה מגרי אולאיך וגמיע מא ילקאני בה
6 מא יצדני ען קול אלחק ולו עמל מא עמל מא
7 ירדני אלא לו אתי בהלכה תבטל שי ממא קלתה
8 ואמא כסו אלאדב לעלי אגאר עלי רוחי פמא
9 אנדפע בהדא פקד תקדם קולה אן
10 שהאדתהם תחתמל ותחתמל יריד אן לא
11 דעוא להם ולא ליורשיהם אחריהם פי מאל
12 הו לסואהם ולא פי מציאה ולא פי מתנה
13 אלא בעדים לאגל אלשרט אן כל דלך ירגע
14 אלי אלוסט ואן אלשרט גאמע ויחתמל גמיע
15 דלך ויחתמל תם ירגע בעד קליל יקול אן
16 אלקאיל אן פי [[קוה]] קוה כלאם אלשהוד תמליך
17 אלמציאה ואמואל אלנאס מא לה תחציל
18 וקד פאתה אלרשד פיקול דלך לרוחה לאנה
19 הו אלקאיל יחתמל ויחתמל פאמא אנא פקד
  קלת
p. 3
1 [קלת א]ן כלאמהם לא יחתמל תמליך
2 [מציאה] ומתנה ואמואל אלנאס פחסן
3 [...]ה [א]לכב עדל מציאה או מתנה צארת
4 [מאל]הם ומא ללשרכה פיהא נציב ואן
5 כאן אלשרט עמהם [[…דכלו]] <<ואדכלו>> פי גמלתה אל
6 מציאה ואלמתנה פמא יסוא שי לאנה
7 דבר שלא בא לעולם ולא שרט ימצי פיה
8 כלאם עאקלא מחצלא ואמא מן יקול יח
9 יחתמל ויחתמל וירגע יקול מן קאל אנה
10 יחתמל גיר מחצלא פבלא שך אנה הו
11 אלגיר [[אלמ]] מחצלא ואמא איגאבה עליי אן
12 אקול לה מן קאל הדא פאקול לה אלדי קאלו
13 זכ לב נשבע וגובה מחצה והם דייני ארץ
14 ישראל אלדי תחפט כלאמהם ויחידך
15 ען אלעמל בה אחד מן האחים והו מעני
16 קולה מתי צח לנא אן להאולי אלקום מציאה
17 ואלא פאלחק יעטיהם ואן לם ידעו שי מן דלך
18 אלמותי פלליורשים אן ידעו מאי דלא טאעין
19 אבוהון כמא קלנא וליס הו כמא קאל אלדיין
Verso:
1 ולא הו לגו אלא הלכות ודינים כמ[א קלנא]
2 תם קאל נט רח ואל[…]
3 פי בעץ כלאמה אן עלינא [אקאמה אלדליל]
4 אן אלמציאה דבר שלא בא לעולם [...]
5 יגרי מגרי אלאסמכתא ואן לו כאן הדא
6 [[אלקנין]] בקנין בבית דין חשוב לם ינפ[ע]
7 הדאה כלה מע בקיה אלכלאם פי דלך [...]
8 נגאוב עלי גמלתה בל נדכר מנה טרף יגני
9 ען דכר מא סואה אעלם אן אלאסמכתא
10 לא קניא גמלה ואפילו בקנין בבית דין חשוב
11 נמי אלא במתפיש זכוותיה והוא דלא אניס
12 פקט בל אן כאנת אלאסמכתא בקנין ואפעל
13 גב דלא אניס ואפילו בבית דין חשוב פי גיר
14 [[אלא]] מתפיס זכוותיה לם ינפע דלך כאלדי קאל
15  ודליל הדא אן רבנו האיי גאון זל קאל פי
16 בעץ אקואלה ואמא מא וגד פי אלתלמוד
17 והילכתא אסמכתא קניא והו דלא אניס
18 והו דקנו מיניה בבית דין חשוב פהו דאכלא
  תחת
p. 4
1 תחת קול ר יו[סי ... גמלתה אלקאיל אסמכתא
2 קניא אלח[ק] ליסת אלהלכה מתלה בל הי כר
3 יהודה בר פלוגתיה אלקאיל דלא קניא עלי מא
4 הו מקול מביין כי משנת מי שפרע מקצת
5 חובו וכו עד וכי מאחר שר יוחנן מלמדינו
6 פעם ראשונה ושנייה הלכה כר יוסי מה
7 נעשה אין הלכה כר יוסי פחצל קולה אן >ֹ
8 אסמכתא לא קניא בקנין בבית דין חשוב
9 מטלקא באלאסתתנא מא הו שי יעוול עליה
10 אלא תרי אן רבנו האיי גאון זל קד אנכר
11 דלך אלא אן יכון מתפיס זכוותיה ואסכם
12 עלי ראיה רבנו יצחק הרב זל פי תצניפה
13 וקד כנא גניין אן נדכר הדא כלה אד מן חכם
14 אלאסמכתא הו אן לא יתקדמהא שרט
15 גמלה לאנה לו תקדמהא שרט לם תכן
16 אסמכתא והדא אלחכם קד תקדם פיה
17 אלשרט פיגב אן לא ישבה ללאסמכתא
18 וכל פעל תקדמה שרט לם יסמא אסמכתא
Verso:
1 ואלדליל עלי דלך אן תגד פאתחתהא אבדא
2 פי אכתר אלאמור אם לא יהא כך וכך יהיה
3 כך וכך מתל מא קאלו זכ לבר הלוהו על
4 שדהו ואמ לו אם אין אתה מביא לי מיכן
5 ועד ג שנים הרי היא שלי הרי היא שלו וקאל
6 אלתלמוד ען דלך אנה אסמכתא כר יוסי
7 ולא קני וקאלו איצא מי שפרע מק[צת חובו]
8 והשליש את שטרו ואמ אם לא נ[תתי לך מיכן]
9 ועד יום פלוני תן לו שטרו הגיע [זמן ולא]
10 נתן ר יוסי אומ יתן ר יהודה אומ [לא י]תן ד>ֹ
11 דאסמכתא לא קניא: וקאלו איצא ההוא
12 גברא דקביל ארעא אמ ליה או מובירנא
13 לה יהיבנא לך אלפא זוזי אוביר תולתא
14 אמ רבא אסמכתא היא ואסמכתא לא קניא
15 ולרבא מאי שנא מיהא דתנן אם מוביר
16 ולא אעביד אשלם במיטבה וכו עד התם
17 קאמ מילתא [[מילתא]] יתירתא הכא גוזמא
18 בעלמא הוא ולקד קאלו איצא פי הדא
p. 5
1 אלמעני רב בר שבא הוה מסיק ביה ברב
2 כהנא זוזי אמ ליה <<או>> לא פרענא לך עד יום
3 פלוני גבי מהאי חמרא וכו עד כל דאו לא
4 קאני אלגואב אמא קולה עני אנני
5 קלת אן עליי אקאמה אלדליל אן אלמציאה דבר
6 שלא בא לע פאנא ואן כנת מא דכרת הדא
7 אללפט אלא אנה הו מדהבי ואעתקאדי וקד
8 אקמת עליה אלדליל פי כתאבי ואבטלת כלאם
9 מאן קאל בכלאפה ואמא קולה אן דלך יגרי
10 מגרי אלאסמכתא פכדלך איצא אעתקד
11 לאן אלאסמכתא לא קניא ודבר שלא בא לעולם
12 לא מקני פקד תסאוו פי אנהם שרוט פאסדה
13 ושרטהם ועדמהם באלסוא וגמיע מא אורדה
14 פי שרוח אלאסמכתא הי מדהבי ואנמא
15 אסמכתא לא ען דכר מא וצפה לאן מא הו
16 אלדי נחן פיה ולא הו אלדי קצדת אליה
17 ואנמא קצדת אנא אן אקול אן הדא אלכלאם
Verso:
1 אסמכתא במ… …ד עלמנא אן אדא
2 תקדם אלשרט [אלאס]מכתא גאז אן יחכם
3 להא וסקט אן יקאל אנהם אסמכתא ולא
4 סימא אדא כאן פי אלשרט על מנת אלא אנה
5 למא כאן הדא אלשרט מפסודא וכונה
6 כעדמה וקולה כמן לם יקולה כקו לא אמר
7 כלום וכמא קד ביינת פצאר אלשרט מעדומא
8 בקית אסמכתא ולא קניא אד אלשרט לא שרט
9 מן חית קולהם זל לא אמר כלום ובקי בעד
10 דלך יקאל תקדם שרט ולדלך קלת שרט
11 רד אלמציאה אלי אלוסט לא יגוז מן כ[לא]ם
12 ומעני פקול אלדיין אעלם אן אלאסמכתא לא
13 קניא גמלה ואפילו בקנין בבית דין חשוב
14 נמי פתרי מן קאל אנהא קניא כדי קלת
15 אנא וקלת אן הדה לא קניא לעדמהא אלשרט
16 לאן משתרט הדא אלשרט מא קאל שי ואדא
17 כאן לם יקול שי פקד צחת אנהא אסמכתא
18 וקד תבתנא אנה דבר שלא [ב]א לעולם
p. 6
1 ודהב אלשרט מעיקרו ובקי אלחאלין לא קניא
2 לא אמר כלום וקד ק[צדת] איצא בדלך פי
3 גמלה כלאמה ההנא פקד תסאות אקואלנא
4 פי //מעני// אלאסמכתא אלא אנה הו יעתקד אן תם
5 שרט פיבטל בה אן תכון אסמכתא ואנא
6 אעתקד אן אלשרט ההנא כלא שרט ללעלל
7 אלתי תקדמת פי דלך פבקית אלאסמכתא
8 עלי חאלהא ואמא קולה ואנכארה
9 עליי אנני קלת כלאם מטלק בלא אסתתנא
10 ואן עלי טנה ידכל פי דלך מתפיש זכוותיה
11 אלדי הו כארג מן חכם אלאסמכתא פהדא
12 אלטן טן פאסד לאנני לם אתכלם עלי אל
13 אסמכתא ושרוטהא ואקסאמהא ואנמא
14 תכלמת עלי אלשהוד אלדי שהדו פי הדה
15 אלשרכה מע מא שרטוה פלמא כאן
16 מדהבי הו //אן//> אלשרט [[תם]] //פאסד// באלאדלה אלתי תקדמתהא
17 פקלת לו שהדו אלשהוד בעד פסאד אלשרט
18 במא עסאה אן ישהדו ולו כאנו מא כאנו
Verso:
1 לכאנת אסמכתא והכדי קאל אלדיין נט רח
2 איצא כקולי לולא אלשרט אלפאסד אלדי עוול
3 הו עליה ואמא אנכארה עליי וקולה אן רבנו
4 האיי גאון זל אנכר דלך פמא הו צחיח
5 וקד כאן סבילה יתאמל דלך ויגיד אלתאמל
6 ויעלם אן אלאנכאר וקע מנה זל פי צד דלך
7 ואן מן קאל אסמכתא לא קניא לא יקע עליה
8 אלאנכאר ולא אלאעתראץ אדא לם יקול אלא
9 במתפיס זכוותיה אלי תרי אן אלתלמוד ממלו
10 מן הדא מן דלך קולהם זל אותיביה רבא
11 לרב נחמן הרי היא שלי הרי היא שלו אמ
12 ליה אנא אמינא אסמכתא קניא ומנימין
13 אמ אסמכתא לא קניא ומא אחתאג מנימין
14 אן יסתתני באתפיס זכוותיה <<וקיל איצא במאי קא>> מפלגי ר יוסי
15 סבר אסמכתא קניא ור יהודה סבר [[ אסמכתא]]
16 אסמכתא לא קניא ולם יחתאג אן יקול אלא במתפיס
17 <<זכוותיה>> וכתיר מא קיל פי אלתלמוד והא אסמכתא
p. 7
1 לא קניא ולם ינכר דלך ואנמא רבנו האיי גאון זל
2 אנכר עלי מן קאל אסמכתא קניא והוא דלא
3 אניס והאי דקנו מיניה בבית דין חשוב וטן אן
4 כל אסמכתא כאנת קאנו מיניה בבית דין חשוב
5 ואניס תאבתה פקאל פי תשובה לה זל כך
6 ראינו דהא דאמור רבנן והילכתא אסמכתא
7 קניא לאו אכל אסמכתא דעלמא אילא בההוא
8 דאתפיס זכוותיה לבי דינא בלחוד איתמרא
9 הא הילכתא וכו פקד באן מן כלאמה זכ ל
10 אן לא אנכאר עלי מן קאל לא קניא ואנא קלת
11 אסמכתא לא קניא ותגאיית במא יתר פי
12 דלך פקלת עלי כל וגה לא קניא והכדי אל
13 הלכה כמא קלת אנא והו איצא [[תם אנה]]
14 [[מן יריד ינאקץ לא יוקע אלתחריר פימא]]
15 [[יכון כטה תחתה ודאך אן פי נפס אלכלאם]]
16 [[אלדי אתי בה גלט אלא אן לעמרי טעות]]
17 [[סופר הוא ודאך אן פי נפס אלכלאם אלדי אתי]]
  [[בה]]
Verso:
1 ואטאל פי אלכלאם פי אסמכתא ולם יכרג עמא
2 קלתה בל לעמרי כתם באן קאל מא כאן אלחאגה
3 לדכר אלאסמכתא לכון אלשרט קד תקדמהא
4 וקד קלת אן אלשרט כלא שרט פבקית אל
5 אסמכתא בחאלהא והו קולה פקד באן מא
6 דכרנאה לעיל מן הדה אלאקואל אלמדכורה
7 אן אלחכם אלדי נחן פיה אלשרט תקדמה עלי
8 מא קד שרחנא//ה// לעיל תם קאל
9 נט ואתפק אן יכון אלתנאי איצא פיה תנאי
10 קודם למעשה ואן דלך תאבת ועצדנאה
11 בקולהם זל אמ ר אמי משום ר ינאי הכל
12 מודים באומר על מנת כאומר מע דאמי
13 ומעלום אן על מנת תפסירה עלי שרט כקו
14 הרי את מקודשת לי על מנת שאין ליך עלאי
15 שאר וכו כמא קד גרי להאוליי אלאשראך
16 סוא ופימא אחצרנאה מן אלאדלה אלכפאיה
17 למן ינצף אמא קולה אן קד
p. 8
1 אתפק אן יכון איצא אלתנאי פיה קודם
2 למעשה פקולה הדא ידל אנה לם יפהם
3 חקיקה אלמעשה מא הי ולא חקיקה אלתנאי
4 מא הו לאנה לו ערפהם לם יקול פי הדא
5 אלדי הו מעשה קודם לת[נאי אלא] תנאי
6 קודם למעשה ומא אטנ[ה] י.[..] ענה
7 אדא תאמל כלאמי הדא אן אלמעשה הו
8 אלשרכה פמן קול אללבדי קד שארכתהם
9 בהדא אלמאל קד סבק אלמעשה וקולה בעד
10 דלך על מנת תאכר אלשרט וצ[אר] מעשה
11 קודם לתנאי אלא אנה הו קד אסתגני ען
12 אן יכון תנאי קודם למעשה בעל מנת אלדי
13 הו מקאם מעכשיו ואמנא אורד אנה תנאי
14 קודם למעשה לגיר חאגה לה בה לינבי
15 ען נפסה אנה לא יערף חד אלמעשה
16 קודם לתנאי מן אלתנאי אלדי הו קודם למעשה
17  פאמא אנא פגני ען גמיע דלך אד לו צח
18 אנה תנאי קודם למעשה לם יפיד לכון אלשרט
Verso:
1 על דבר שלא ב[א] לעולם ואנא אן ....
2 [[ב]] אנא ואביין לך טריקה אלשרוט פאקול אנה
3 לו קאל //אן// אנתם מלכתמוני מן אלאן גֹ[מ]יע מא
4 יצל מן קבלכם [ו]מעכם אלי מצר [י]יכון דאכלא
5 פי גמלה [מאל אל]שרכה ינקסם על[י]נא שארכתכם
6 בהדא אלמאל ואן אנתם לם תמלכוני מן אלאן
7 גמיע מא יצל מן קבלכם ומעכם אלי מצר
8 פמא אשארככם פהדא אלקול הו צפה הין קודם
9 ללאו ותנאי קודם למעשה וקד תקדם לי אלכלאם
10 פי תנאי קודם למעשה ואמא על מנת פקד
11 תקדם איצא אלכלאם פיה במא פיה כפאיה
12  תם תלא בעד דלך [פ]צלא מן כלאמי
13 פקאל תם עאד בעד האי וקאל וקד עלמנא
14 אן רב פפא זל לם יגד סביל ולא קדר ימלך
15 לרב שמואל בר אחא זל מא כאן לה מודע
16 באלאהו.. אלא באלשרוט אלמודועה ....
17 מסטור א[.]הם ולו כאנת אלשרכה תפיד …
18 אסנד אליהא ותמלך על[י מ]א חמל עליהא
I, 28b
1 [...] מן רגבתה פי אכראג אליורשת
2 [...] לאן אללה. [...] וצלת הדה אלאעדאל
3 [...] אלל. [...] ואלוארתה וחכם אלקאצי
4 [... א]לוארתה בעד ימינה//א// תם
5 [... ח]צרה אדוננו ירום הודה סואל
6 [... או]קפת אלאמר ורדתה אלי חכם
7 [... לוכי]להא גזאף אנצרפי מא לך
8 [... מ]א יקדר פאדא אלתגר
9 [...]. אלדי הו אללבדי יקול
10 [... ללו]כיל אלגזאף [... אלס]ואל
11 [...]רג אלכתאב [...]
12 [...].א פיה סדס עשר
13 [...] טאלב אלשהוד
Verso:
1 למן אסמה עליהא ומא כאן יאכד [...]